Aposol 26:15 - U Bulunagana U Niga

¹⁵ “Ba lia e poeiegu, ‘O tsunono, esi alö?’ Ba Tsunono e poeiena, ‘Alia e Iesu, a katuun te kato hakamitse mölö.

Aposol 26:15 Iomraidhean Croise

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Matiu 25:45

Ba lia te ranga palis meragouen bate peigou i taren, ‘Alia e hatei hamana koru ragou limiou, a pöata tu raman katoe mia limiou a markato teka ta töa tara man hahatoulana i tar, alimiou u raman kato be hase mien lia.’

Aposol 26:14

Ba lam e rus hoboto uam i puta turu tsiktsiki, balia e hengoegu u töa u ranga turu HaHibru bate poeiena i tar, ‘O Sol, o Sol, aha te kato hakamits sile milö alia? Alö peisa te kato hakamits poutsem a peisam. E here nei a bulmakau a tson te kiki hatoumurena a tsi ruei tara katuun i tanen.’

Aposol 26:16

Takei, ba lö te tuolum. Alia e butu sile gia i tamölö tego hopö kap mei lö balö te katunun kui uamou i tar. Alö ena hatei ramou u katuun, a ka te tare mula lö i romana na tara manka te haröte goui lia lö i murimuri.