Aposol 25:12 - U Bulunagana U Niga

¹² Ba i murina te hiararanga gono mam meia e Pestus u tsonun pepeito i tanen me töan poeiena tere Pol, “Alö e kato silem tego la uu lö tere Sisa, bara nigana, alö e la uamou tere Sisa.”

Aposol 25:12 Iomraidhean Croise

Matiu 22:17

Bora, alö go hatei ramou lam, ime temar hakats uemölö, e niga hasina tegi hol mei a takis tere Sisa a gamman pan, tsi e möa?”

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 23:11

Ba tara bong ba Tsunono e tuolna i rehina e Pol me poeiena, “Möa tu matout. Alö tu hatei nama lia i Jerusalem, alö ena markato has uamou teka i Rom.”

Aposol 25:11

Te ka megia lia ta ka ta omi, tsi tu katoeia lia ta töa ta ka te antunana tego mate mei lia, alia ema tatei bus ba nagi a nihahuna teka. Kaba e möa tega mana uu a man ranga te kout merien lia, na e möa has ta töa ta katuun tega hala menai lia i taren. Alia e hasoso silegu u kout pan tere Sisa!”

Aposol 25:13

I murina u lahisa u lan e la hakapa be Agripa a King na e hahinanen e Benis e tuku ria tara taun i Sisaria tegina tara menaien e Pestus.

Aposol 25:21

Kaba e Pol e ranga hatagala sil tega ka noa uaien tara karabus antunana tara pöata te la nen romana turu kout peisa tara gamman pan e Sisa. Balia e poeiegu egi tara kap noani e antunana tara pöata te hala nagien romana lia tere Sisa.” E Pestus te mar ranga uu teka.

Aposol 26:32

Be Agripa e poeiena tere Pestus, “Sanena a katuun teka tema kato peisa sile ii tega la uaien romana turu kout tere Sisa, nonei sanena e hapureseier.”

Aposol 27:1

E gamman e hale iema u ranga tego osa uu lam tara tolaala bate la uaiem i Itali. Ba nori e lu rer ere Pol na palair u karabus be hapile rarien tara töa katuun a solonen e Julius. Nonei a töa tsunono te kaia turu soldia ti ngö rai a Retsimen tere Sisa.

Aposol 28:16

Pöata tina tukuia lam i Rom ba tsunono turu soldia e haniga nena tego ka pepeisa uu e Pol na töa puku a soldia, tega taratara kap naien.

Pilipai 1:20

A torir e ngil hatagala koruena na e hamana koru hasena alia ema katoe goi ta ka tego kato hamatsingole ioulia. Na tara mamana pöata alia ema ngilin matout gi. Na lia e ngilegu a peisar hoboto ega hapani e Kristo, te töatöa noa gialia tsi tena mate goalia.