Aposol 24:25 - U Bulunagana U Niga

²⁵ Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

Aposol 24:25 Iomraidhean Croise

Matiu 22:5

Kaba nori ima ngilin hengo sile ii a ka ti ranga meraien, me la uar tara man toukui i taren: a töa e la uu tara kui i tanen, na tai e la uu tara stoa i tanen.

U Bulungana u Niga tere Iesu Kristo te kolotein e Jon 16:8

Na pöata te la namen romana, ba nonei temi haröto ranei u katuun te ka mer u hakatsina i puta a mouna a markato a omi, na mouna a markato a niga, na mouna u kout tere Sunahan.

Aposol 10:42

Na nonei e ranga meraiou lam me poeiena, ‘Alimiou gona hahatei naiam u Bulungana u Niga turu katuun, ba tena hatei ramien e Sunahan e hopö kap naiou lia tego ona menai lia u katuun te töatöar na u katuun ti mate.’

Aposol 17:13

Kaba pöata ti hengoeia u Jiu ra i Tesalonaika e Pol e habulunganein u raranga tere Sunahan i Beria has, ba nori e la uarima i Beria memi hatakei haser a raharaha turu katuun teka.

Aposol 17:2

Be Pol e tasu na tara luman lotu turu Jiu te roron markato uaien, ba turu topisa u Lan u Göagono be Pol e ranga mera nen me hatei nena u Buku u Göagono.

Aposol 17:32

U katuun i hengo hakapi u raranga tere Pol. Ba pöata ti hengo naien a katuun e takei poutsia tara tou mate, ba palai e gol hahamana naren. Kaba palai i pei, “Alam e ngilin hengoem u raranga i tamölö tara tana pöata.”

Aposol 2:37

Pöata ti hengoeia u katuun u raranga teka, ba nori e toku korur be ranga meier e Pita na u palair u aposol me poeier, “A matsi hahatoulana, aha tego kati lam?”

Aposol 24:15

Na lia e hamana silegu nonei a ka te hamana sil hase ren, nonei te hatakei poutse noua romana e Sunahan u katuun ti mate, u katuun u matskö na u katuun tema matskö has ri.

Aposol 24:26

E Piliks e hakatsin e Pol ega haleien ta moni ba nonei te hapurese nen tara karabus. A pöata a para nonei e roron ngö menaien i tanen bate hiararanga gono menen.

Aposol 26:28

Be Agripa e poeiena tere Pol, “Ga lö e tuke hasesei korue moulia tego hamana uu lia tere Iesu?”

Aposol 9:6

Alö go takei balö te lam tara taun ba nori tena hateie rouilö a saha ka tego kati lö.”

U pas te koloto menai e Pol turu kristenira i Rom 12:1

A matsi hahatoulana, e Sunahan e taatagi koru ranoura. Na lia e ranga hataatagi mera goulimiou, alimiou go hala koru naiam a peisa milimiou bate here nei u haats u tötöa tere Sunahan bate herenei a ka a gogoso te haleri e Sunahan ba nonei te hanigeie nen. Nonei a maroro te tatei mar hatsunono sila mena milimiou e Sunahan.

U pas te koloto menai e Pol turu kristenira i Rom 14:12

Ba ra hoboto a man tötöa te hahatei roi e Sunahan a mouna a man markato ti katoeia ra i puta.

U pas te koloto menai e Pol turu kristenira i Rom 2:16

A mamanaka teka e butu nou tara pöata temi one noua e Sunahan a man hakats hoboto te mousuna i torir u katuun, temar ranga has uana u Bulungana u Niga te habulungana negulia na e poeiena e Sunahan emi ona sila ranouen tere Iesu Kristo.

1 Korin 4:5

Na limiou goma ona rami u katuun i mamuna a pöata tena la nama romana a Tsunono. Nonei te ona hamatsköe nou a manka te mousna turu kuhil bate hakei nouen turu ualesala, bate haröto has nanou u hakats turu katuun. Be Sunahan te hala ranoui u katuun hoboto u rangan haniga i taren.

2 Korin 5:10

Taraha, ara hoboto ena tuol roua i matana u gumgumun onöna tere Kristo ba man tötöa tena mar hamatana meraroi ti marka uaien turu tuenreina i puta, tara pala niga tsi tara pala omi.

2 Korin 6:2

Taraha nonei e pei, “Tara pöata tu taatagi raia lia u katuun, alia u hahengo uu i tamilimiou, na turu lanin hilu pouts, alia u taguhu raiou limiou.” Tara, i romana, nonei a pöata a niga te kato haniga renara e Sunahan. Tara, nonei a pöata te tatei lu pouts ranouara e Sunahan.

Galesia 3:22

U Buku u Göagono e mar ranga uana teka, a markato a omi e karabus raiena u katuun hoboto i puta tara nitagala i tanen. A ka teka i kato sile ii u katuun te hamana uaier tere Iesu Kristo egi lui a ka te ranga hamanein e Sunahan.

Galesia 5:23

Ara e tuatami raia turu katuun, nara e haka puteiera u ngilngil i peisarara. A man markato teka nonei a markato turu Namnamei tere Sunahan, na e möa ta lo tega hapioun a man markato teka.

2 Timoti 4:1

U mana koru alia e ranga hatagala koru me gialö i matana e Sunahan na e Iesu Kristo temi ona rarouen u katuun hoboto te töatöar na ti mate hakapa, ba nonei te hatakeie nou a Nipepeito i tanen.

Taitus 1:8

Kaba nonei a mar katuun te tatei toulena a katuun bate las mena neien i luma i tanen, na mar katuun te ngileiena a mamanaka a niga. Na nonei ega hakats haniga bate katoeiena a manka te matsköna, na ega kato hasi a mamana markato a gogoso bate hala puta hasena a peisanen.

Hibru 12:21

Na e Mosis has e matout koru hasi a manka te tareien me poeiena, “Alia e toltololo koru has megu a nimatout.”

Hibru 3:13

Alimiou go hihitaguhi iam turu mamana u lan antunana te ka noa uana a pöata. Taraha, a markato a omi ena mots gamo ranou limiou bate kato hahihipus ranou limiou.

Hibru 4:1

U raranga te hopö kapiin e Sunahan te la uama i tarara e poeiena, ara ena tatei husaria i tanen. Kaba ragi hanei sil ta töa i tarara ena mots na la uanei nonei tara makumun hahusa teka.

Hibru 9:27

U katuun hoboto e ka meier a man tötöa man pöata tena mate merouen, ba i murinen be Sunahan tena ona ranouen.

Jemis 2:19

Alimiou e mar hamana uamiou teka: e Sunahan a töa puku. Bara! Kaba a nihamana teka ema antunanei. Taraha, u liliahanei u omi e hamana has uaier iesana, ba nori te toltololo mer a nimatout.

1 Pita 3:15

Alimiou go hapaneiam e Kristo i tori milimiou, ba nonei te Tsunono ranou limiou. Na tara mamana pöata alimiou go hanei sileiam ta katuun tego rangata railimiou a saha ka te hamana sile milimiou, ba limiou te ranga palis ramen bate ranga hatami mia i taren batema sigala ramien.

1 Jon 3:10

A ka teka e haröto nena a katuun te pien uana tere Sunahan na katuun te pala uana tere Satan: a katuun tema kato haniga nei ema pien uanei tere Sunahan. Na katuun tema ngile nei a hahatoulana i tanen ema pala has uanei tere Sunahan.

1 Jon 3:7

A matsi galapien, te katsin gamo rana limiou ta katuun, alimiou goma hamane mien. A katuun te kato haniga nitöana, nonei a katuun a matskö, te markato has uana e Kristo.