Aposol 24:14 - U Bulunagana U Niga

¹⁴ Kaba alia e hatei goulö, nonei a Maroro teka tara Tsunono te ngöe rien ‘A markato te peko menari a hun katuun,’ e manana alia e roron kukutie gen. Alia e kukutiegu a Maroro teka ba lia te singo uagu tara Got turu tubumulam e Sunahan. Alia e hamanegu u raranga hoboto te kana tara Lo tere Sunahan na u ranga hoboto ti kolotein u propet.

Aposol 24:14 Iomraidhean Croise

Matiu 10:32

Be Iesu e poeiena, “Esi te hatei ranei u katuun nonei e pala uana i tar, ba lia te hatei hase gou e Tamar i Kolö nonei a katuun i tar.

Matiu 22:40

U huol u raranga teka nonei a mouna u mamana u raranga turu propet na e Mosis.”

Matiu 7:12

Na tara mamanaka, te ngile milimiou u katuun egi katoeien i tamilimiou, alimiou go kato hasemen i taren. Nonei a mouna u raranga te kana turu buku tere Mosis na turu propet has.”

U Bulungana u Niga tere Iesu Kristo te kolotein e Luk 1:70

E markato uana ti mar ranga uu propet u niga tara Tsunono i manasa.

U Bulungana u Niga tere Iesu Kristo te kolotein e Luk 16:16

“A Lo tere Mosis na u nikoloto turu propet e tagala hantunaia tara pöata tere Jon a Tsonun Baptais. Kaba tara pöata tere Jon te noana i romana, u Bulungana u Niga tara Nipepeito tere Sunahan i hatei lan, ba u katuun hoboto e tagala sil koruer tegi tasu uaien.

U Bulungana u Niga tere Iesu Kristo te kolotein e Luk 16:29

Be Abraham e poeiena, ‘Nori e ka mer a man buku te koloti e Mosis na u propet. A man toulamölö ena tatei hengoe ria u raranga i taren.’

U Bulungana u Niga tere Iesu Kristo te kolotein e Luk 24:27

Be Iesu e hatarare raneien u mamana u raranga turu Buku u Göagono te hatei nanen, e taniama tara man buku te kolotein e Mosis batemi noana tara man raranga ti kolotein u propet hoboto.

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

U Bulungana u Niga tere Iesu Kristo te kolotein e Jon 1:45

Be Pilip e na sabe leleiena e Nataniel me hateie nen, “Alam e sabie muma e Mesaia, a katuun te koloto bin e Mosis nu propet i manasa! Nonei e Iesu a toun Nasaret, a pien tere Josep.”

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 13:15

I murina ti rit hakapeia u ranga tara Lo tere Mosis na palaina u raranga turu propet, ba tsunono na turu lotu e tuoluna me poeiena, “A matsi hatoulana, te ka memia limiou ta tsi rangan hitaguhu turu katuun, ba limiou te tatei hatei namen.”

Aposol 15:5

Kaba a palair u kristen tara pala turu Parasi i takei me poeier, “U katuun tema Jiu ri egi hapö bate kukutier a Lo tere Mosis.”

Aposol 19:23

Tara pöata teka a nomi pan e butuia i Epesis tima ngil menai u katuun a Maroro tara Tsunono.

Aposol 19:9

Kaba a palai i hipus naien batema hamanari me ranga homi hasner a Maroro tara Tsunono i matar u katuun. Be Pol e lurena u kristen me la gono mera nen, na turu mamana u lan nonei e hatei naia u raranga iahana luman skul tere Tiranas.

Aposol 22:14

Ba nonei e poeiena, ‘E Sunahan ti hatsunoni u tuburara e hopö kap naiou lö tego atei sil menai lö u ngil i tanen, na tego tara menai lö a Katuun a Matskö i tanen, na tego hengo menai lö u raranga i rung nen pepeisa.

Aposol 24:22

E Piliks e molo atei haniga sil u nihamana na markato turu kristen. Ba nonei e ranga mera nei u Jiu egi hahaloso ba nonei e poeiena, “Pöata te la nama romana a tsunono e Lisias, ba lia te tatei hamatsköe gou u ranga i tamilimiou.”

Aposol 24:5

“Alam u sabe a tson teka e Pol a katununa tara markato a omi. Nonei e roron habutena a raharaha na hiatatung i gusur u Jiu tara han hoboto i puta. Na nonei a töa tson mammam has turu katuun ti lukater a pala i tamulam me ka uaier tara tana pala te ngö rari a hun katunura i Nasaret.

Aposol 25:8

Be Pol e mar ranga palis uana teka, “Alia uma katoe ii ta töa ta ka ta omi tara lo turu Jiu, na tara Luman Lotu Pan has, na tara gamman pan has e Sisa.”

Aposol 26:22

Na te antunana i romana e Sunahan e taguhe ioulia, balia te tuol gia teka bate hatei negu a manka teka tara katuun papala na turu tsunono has. Na lia e katoegu u mar ranga noa lahas ti katoi u propet na e Mosis i manasa tara manka tega butu.

Aposol 26:27

King Agripa, alö e hamana has rem u propet tere Sunahan? Alia e atei silegu alö e hamanam.”

Aposol 26:4

“U Jiu hoboto e atei siler a markato i tar tu pien noaia lia bate antunana i romana. Nori e atei siler tu kaia lia i han, na i Jerusalem.

Aposol 26:6

Na i romana alia e tuol gia teka turu kout, taraha alia e hamanegu te mana uana u raranga te hopö kapiin e Sunahan turu tuburara i manasa.

Aposol 28:22

Kaba alam e ngilem alö peisa tego hatei rameilam a ka te hamana mia lö. Taraha, alam e atei silem u katuun tara han hoboto ema ngileri u lotu teka.”

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 3:13

A Sunahan tere Abraham mere Aisak na e Jekop na u tuburara i hala sei a solona a katunun kui i tanen e Iesu. Nonei a katuun teka tu hala mena milimiou turu katuun ti paköeien. Na e Pailat a gamman e ngilin purese e Iesu bate lana, kaba limiou u tori tsuga namen i matana e Pailat.

Aposol 5:30

Alimiou tu nila naiam e Iesu tara kuruse me kato hamatie men, kaba a Sunahan turu tuburara te hatakei poutseien tara tou mate.

U pas te koloto menai e Pol turu kristenira i Rom 1:9

A peisar hoboto e tagala silena a toukui tere Sunahan, balia te ranga hatei lanegu u Bulungana u Niga tara Pien i tanen. Ne Sunahan e atei silena te roron singo sil bera gilia limiou, tara mamana pöata te singo gia lia.

U pas te koloto menai e Pol turu kristenira i Rom 3:21

Kaba e Sunahan e ka mena a maroro te kato hamatskö mera neien u katuun i matanen, na nonei ema maroro uanei tara Lo tere Mosis. E möa. Nonei a marorona tara nihamana tere Iesu. I romana e Sunahan e kato hamatskö rena u katuun hoboto te hamana ria tere Iesu Kristo. A Lo tere Mosis na u raranga turu propet e hatei naier a ka teka. U katuun hoboto e markato uaier iesana i matana e Sunahan.

1 Korin 11:19

Alia e atei silegu ega kamei u kats kilkil i gusumilimiou, ba ra te atei sileriou esi i gusumilimiou te kukutena a markato te ngilena e Sunahan.

Galesia 5:20

Bate hatsunoner a got gamogamo bate katoeier a markatona turu matuna, bate hia o omir, hiatatungur, hiaraharahar, hiatoritori homir, na markato te tara ngil uaier, na hiakaka polasa na hiatagtagala. Bate hakats peisa las ner a manka i taren.

2 Timoti 1:3

Alia e haniga uagu tere Sunahan te solosei mena gilia u hakats u gogoso ti markato has uu tubur i manasa. Na lia e haniga uagu i tanen tara lan na bong te singo sil menagi lia alö.

Taitus 3:10

Hapiouni a katuun te lu kaakata rena u katuun. Tema hengo neien, ranga hahuol lel mei. Kaba te möa noahas nen, balö te töa haka ba namen.

1 Pita 1:11

U Namnamei tere Kristo te kaia i toriren e hatei raien tega sagoho menai e Kristo a kamits, ba i murinen banonei te lu hasena a nikapan. Na nori i hiarangrangata hasiin a ka teka ega butuia teresi na tara saha pöata, kaba nori ima atei haniga ii.

Revelesin 19:10

Ba lia e hopöe gia a peisar i puta i mouna angelo me katsin hatsunone gen, ba nonei e poeiena i tar, “E möa tego markato uu lö teka! Alia has a katunun kui tere Sunahan. Na ra u katuun hoboto te pala uara tere Sunahan te pile kap nera u ranga hamana te rangein e Iesu. Alö go hatsunonei e Sunahan. U ranga hamana te rangein e Iesu nonei a mouna a ka te haranga rena u propet tere Sunahan.”