Aposol 23:12 - U Bulunagana U Niga

¹² Tara bongbong bu Jiu e hagumur me korupakö ner e Pol. Nori i kati u hamal pan tegi atung hamate menai e Pol ba nori ema nou ri na ima ua has ii.

Aposol 23:12 Iomraidhean Croise

Matiu 26:4

Ba nori e korupakö ner tegi pile kap hamous menaien e Iesu bate atung hamatie ren.

Matiu 26:74

Be Pita e ranga homi nena a peisanen me poeiena, “E Sunahan e tatei hahune noulia tegoma ranga hamana uai lia. Alia ema atei silegi a katuun teka!” Ba keriou e kekeretskö hamanasana.

Matiu 27:25

Ba u katuun hoboto e hatanganar me poeier, “A nihahuna tara tou mate i tanen e tatei la uana i tamulam na tara galapien i tamulam!”

Aposol 23:13

U hihase turu katuun ti kati u korupakö teka e kurapa harohi u tohats u maloto.

Aposol 23:14

Ba nori e la uaier turu pris pan na tara pal kapan mena poeier, “Alam e katoe muma u hamal pan tegoma nou menai lam ta ka e noana tara pöata te atung hamate moa lam e Pol.

Aposol 23:21

Kaba alö goma hengo raien, taraha u tohats u maloto tara katuun batena kurapana e mous riou bate hahalose ren. Nori e katoe rima u hamal pan tegima nou uaien na tegima ua has uaien e antunana tara pöata tegi atung hamateien e Pol. Nori e mous hahaloso hamanasa tale ren, na nori e hahaloser u ranga i tamölö.”

Aposol 23:30

Na tara pöata tu hengo naia lia u Jiu i korupakö naien, ba lia te hala menagien i tamölö. Na lia u ranga mer u katuun ti kout meien egina hateia i mata mölö aha te kout sil merien. Nonei lasi a tsi ranga i tar.”

Aposol 9:23

A pöata a parpara e la hakapa, bu Jiu e korupakö ner tegi atung hamate menaien e Sol.

Aposol 9:24

Kaba e Sol e hengoin u korupakö teka. A lan na bong, nori i pepeito kapiin u tamana tara taun i Damaskus tegi atung hamate menaien e Sol.

1 Korin 16:22

Esi te rama nena a Tsunono, egi korupakö ni. O Tsunono i tamulam, lama!

2 Korin 11:26

Tara man tou lala i tar, a ka a para e torohanan kato homi naiou lia: a man ramun te saputu piou, u kopkop, na u Jiu, na u katuun tema Jiu ri. A man nomi e butu has ia i tar tu kaia lia tara man taun na tara makum a palaka na i tasi has. Na u hatoulana na u hahahinana gamogamo i tar i torohanan kato homi haseiou lia.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.