Aposol 23:1 - U Bulunagana U Niga

¹ Be Pol e tara hamatskö uana tara pal kapan me poeiena, “Man hatoulana, alia u ka mei u hakats u alesala nitöa i matana e Sunahan te la noa hasina i romana, a torir ema pei töe ii ‘Alö e kato homim.’ E möa.”

Aposol 23:1 Iomraidhean Croise

Matiu 5:22

Kaba alia e hatei ragou limiou, te raharahe mia lö e toulamölö, alö e la mou turu kout. Na te ranga hohomi koru namia lö e toulamölö, alö e la uamou turu kout pan. Na katuun te ngöe nei e toulanen a momolö ena mots lauana turu tulana i hel.

Aposol 22:1

Ba nonei e poeiena, “A man hatamana na man hatoulana, hengoiam ba lia te ranga hatarare gia i tamilimiou.”

Aposol 22:30

A tsunono turu soldia e ngilin atei sil koruni a ka ti kout sil mei u Jiu e Pol. Ba turu hamahö ba nonei e hapurese nena a tsien tere Pol, ba tsunono e ranga merena u pris pan na pal kapan hoboto tegi gono hoboto uaien. Ba nonei e luena e Pol mena hatuole rien i mataren.

Aposol 22:5

A tsunono pan turu pris na pal kapan hoboto turu Kout Pan turu Jiu e atei siler te ranga hamana uagu lia. Alia u lu u pas ti koloto menai a pal tson teka turu Jiu i Damaskus. Ba lia e la uagu i Damaskus tegona pile kap merai lia u katuun tere Iesu, bate kits ragien u tsien bate la pouts mera gumeien i Jerusalem bate hahuna ragen.”

Aposol 23:15

Bora, alimiou na pal kapan turu Kout Pan ego hale mula tu raranga tara tsunono turu soldia na i Rom bate hatei muleien tego lu mena meien e Pol bate la merumen. Alimiou go gamo ramen bate poeiemula, ‘Alam e ngilin rangata lel namen.’ Ba lam tena hahalose men bate atung hamate mouen i mam tegomi tuku uaien teka.”

Aposol 23:20

Ba pien e poeiena, “U Jiu e haniga hoboto narima tegi rangata menaien lö tego lu mena lei lö e Pol turu Kout Pan i mahö. Nori e gamo rima bate poeier, ‘Alam e ngilin rangata lel nem tu harangata i tanen.’

Aposol 23:28

Alia u katsin atei sil aha ti kout sil meien balia te lu mena gien turu Kout Pan i taren.

Aposol 23:6

Tara pöata te atei sileia e Pol u Sadiusi na u Parasi i ka hobotoia turu hagum pan teka, ba nonei e ku uana i taren me poeiena, “Man hatoulana, alia has a Parasi na pien turu Parasi. Alia e ka gia turu kout, taraha alia e hamana gia tara tou takei pouts tara tou mate!”

Aposol 24:16

Ba tara mamana pöata a torir e tagala silena tego matskö uu lia i matana e Sunahan na i matar u katuun has.”

Aposol 6:15

U katuun hoboto ti gum ia turu Kout i tara tötoso uu tere Stiven me tarer a matanen e here ii a matana a angelo.

1 Korin 4:4

Alia ema hakats sabe nagi ta töa ta ka ta omi tu kati lia, kaba a ka teka ema haröto nanei tego möa menai lia ta ka ta omi. A Tsunono peisa nonei te one noulia.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 4:2

Alam e rama nem a markato a omi te hamouseier, na markato a gamo, na lam ema hapone mi, nema luba nami ta pala turu raranga tere Sunahan. E möa. Alam e ranga nem u ranga hamatskö na u raranga hamana tere Sunahan i matar u katuun hoboto ba nori te tatei oneier a markato i tamulam i matana e Sunahan.

2 Timoti 1:3

Alia e haniga uagu tere Sunahan te solosei mena gilia u hakats u gogoso ti markato has uu tubur i manasa. Na lia e haniga uagu i tanen tara lan na bong te singo sil menagi lia alö.

Hibru 13:18

Singo be ramu moulam tere Sunahan. Taraha, alam e hasagohem a torimulam e gogosona i matana e Sunahan, na lam e ngilin kato hanigantöa nem a mamanaka.

1 Pita 3:16

Na limiou go kato hanigaiam ba torimilimiou tema tatei kout ranoui limiou. Ba u katuun te ranga homi ner a man markato a man niga i tamilimiou, te kukute mena milimiou e Kristo, te tatei matsingolo mer romana a man raranga a man omi i taren.