Aposol 22:5 - U Bulunagana U Niga

⁵ A tsunono pan turu pris na pal kapan hoboto turu Kout Pan turu Jiu e atei siler te ranga hamana uagu lia. Alia u lu u pas ti koloto menai a pal tson teka turu Jiu i Damaskus. Ba lia e la uagu i Damaskus tegona pile kap merai lia u katuun tere Iesu, bate kits ragien u tsien bate la pouts mera gumeien i Jerusalem bate hahuna ragen.”

Aposol 22:5 Iomraidhean Croise

U Bulungana u Niga tere Iesu Kristo te kolotein e Luk 22:66

Tara bongbong ba u tsunono turu Jiu na u pris pan nu tson hihatuts tara Lo e gono hobotor, be Iesu e lu menari turu hagum i taren.

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 13:26

E Pol e ranga noa me poeiena, “A matsi hahatoulana i tar a galapien tere Abraham, na limiou has a palair u katuun te hatsunone miou e Sunahan, u raranga te poeiena e Sunahan e ngilin lu pouts rena u katuun ti hala mena meien i tarara noahas.

Aposol 2:29

E Pita e ranga lel me poeiena, “A matsi hahatoulana i tar, alia e ranga halesala negu e Devit a King i tarara na i manasa e mate hakapa ba nori e honge ren tara kiou, na kioun mate i tanen e ka noa hasina i romana.

Aposol 22:1

Ba nonei e poeiena, “A man hatamana na man hatoulana, hengoiam ba lia te ranga hatarare gia i tamilimiou.”

Aposol 23:1

Be Pol e tara hamatskö uana tara pal kapan me poeiena, “Man hatoulana, alia u ka mei u hakats u alesala nitöa i matana e Sunahan te la noa hasina i romana, a torir ema pei töe ii ‘Alö e kato homim.’ E möa.”

Aposol 23:6

Tara pöata te atei sileia e Pol u Sadiusi na u Parasi i ka hobotoia turu hagum pan teka, ba nonei e ku uana i taren me poeiena, “Man hatoulana, alia has a Parasi na pien turu Parasi. Alia e ka gia turu kout, taraha alia e hamana gia tara tou takei pouts tara tou mate!”

Aposol 26:10

Na lia u markato has uu teka i Jerusalem. Alia u lui u raranga u mal turu pris pan balia te hakarabus regu u katuun tere Sunahan. Na tara pöata ti katsin kato hamate raien balia te haniga hasigu.

Aposol 26:11

Alia u hahuna hapara raien tara man luman lotu hoboto turu Jiu na u torohana hatagala sil tegi ranga uaien bate holis ner a manka ti hamanaien. Alia u raharaha homi koru raien me kute has meragien turu han i lehana tegona kato homi meraien lia.”

Aposol 26:12

Be Pol e ranga lenina me poeiena, “Alia u la mei u raranga u mal turu tson mammam turu pris na u katuun u kapan tego la uu lia i Damaskus tegona lu has merailia u kristen.

Aposol 28:17

U topisa u lan e la hakapa be Pol e ngö gögono rena a pal kapan turu Jiu. Pöata ti gono hoboto men ba nonei e poeiena i taren, “A matsi hahatoulana i tar, alia uma katoei ta töa ta ka tego tula puta menai lia u katuun i tarara na u mar hihatutsina turu tuburara. Kaba nori i karabuse ma lia i Jerusalem, ba nori e hala mena rilia turu katunura i Rom.

Aposol 28:21

Ba nori e poeier i tanen, “Alam uma luei tu pas i Judia tega ranga sile ioulö. Na man hahikapien i tamulam ima söata hase mei tu rangana i Judia tega markato uu teka, na e möa has ta katuun tega ranga homi sileiou lö.

Aposol 3:17

“A man hahatoulana, alia e atei silegu a ka omi teka u kato memi limiou na pal kapan has i tamilimiou a nitutu.

Aposol 4:5

Ba turu hamahö ba pal kapan turu Jiu na u tson hihatuts tara Lo e gono hoboto ria i Jerusalem.

Aposol 5:21

Pöata ti hengoeien u raranga teka, ba nori e la uaier tara Luman Lotu Pan tara bongbong koru mena hihatuts ria turu katuun. Ba tsunono pan turu pris na pal kapanira i Israel e ngö gögono merari a pal kapan hoboto turu Jiu turu hagum turu Kout Pan, ba nori e hala ner u ranga tara luman karabus tegimi piou meraien u aposol i mataren.

Aposol 9:14

Nonei e la menama u ranga u tagala koru turu pris pan turu lotu te poeiena e Sol ega pile kapir u katuun hoboto te singo uaier i tamölö.”

Galesia 1:13

Alimiou e atei silemiou alia u tagala sil korui u lotu turu Jiu i manasa. Na lia u kato hakamits koruri u katuun ti hatsunoni e Kristo, na lia u tagala sil korui tego kato homi meraien lia.

Pilipai 3:6

Alia u tagala sil korui u lotu turu Jiu bate kato hakamits regu a pal katuun tere Iesu. Na tara Lo turu Jiu, alia a katuun a matskö koru i manasa.

1 Timoti 4:14

Alö goma totonei a ka a niga te halei lö e Sunahan, ti hatagali a pal kapan turu kristen ti katoi u rangan propet bate hatakoper a limaren i tamölö.