Aposol 22:3 - U Bulunagana U Niga

³ Be Pol e poeiena, “Alia a toun Jiu ti poseia i Tasus, a taun i Silisia. Kaba alia u pan ia tara taun teka i Jerusalem na e Gamaliel nonei a tson hihatuts i tar. Alia u tsitsiloia tara man Lo hoboto turu tuburara, na lia u tagala sil koru tego kukute haniga menai lia e Sunahan, te kato has uami limiou hoboto i romana.

Aposol 22:3 Iomraidhean Croise

U Bulungana u Niga tere Iesu Kristo te kolotein e Luk 10:39

E toulanen e Maria e gum ia i mouna e Iesu bate hahengona turu hihatuts i tanen.

U Bulungana u Niga tere Iesu Kristo te kolotein e Luk 2:46

Turu hatopisana u lan nori ina sabeien i Luman Lotu Pan, te gum gono meraien u tson hihatuts turu lotu, bate hehengona i taren bate rangata has raneien a man harangata.

U Bulungana u Niga tere Iesu Kristo te kolotein e Luk 8:35

Ba u katuun e mi tarer a ka te butu. Ba nori e la uarima tere Iesu me tarer a katuun ti lakasa ban u liliahanei u omi. Nonei e gum ia i puta i rehina e Iesu bate haseiena u hasobö, ba u hakats i tanen e niga poutsuna. Ba nori e matoutur.

Aposol 11:25

Be Banabas e la uana i Tasus tena sake menaien e Sol.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 15:41

Ba nori e sila ria tara provins i Siria na i Silisia, mena hatagala raier u kristen tara man makum teka.

Aposol 21:20

Pöata ti hengo naien a ka teka, ba nori e soloseier e Sunahan. Ba nori e poeier i tanen, “A tsi hatoulana, alö e atei silem u Jiu te hamana ria tere Iesu e para korur na nori hoboto e kukute hanigeier a man Lo tere Mosis.

Aposol 21:39

Be Pol e poeiena, “Alia a toun Jiu na tara taun i Tasus, a taun te panina tara provins i Silisia. Alö go haniga ba lia te ranga gia turu katuun.”

Aposol 23:34

Ba gamman e tarena u pas me rangatena e Pol, “A han tamölö i me?” Pöata te hengo naien e Pol a toun Silisia ba nonei e poeiena, “Alia e hengoe gou romana lö tara pöata te la ruma romana u katuun te kout nariou lö.” Ba nonei e ranga merena u soldia i tanen tegi pepeito kap haniga menai e Pol iahana luman gamman tere Herot.

Aposol 23:6

Tara pöata te atei sileia e Pol u Sadiusi na u Parasi i ka hobotoia turu hagum pan teka, ba nonei e ku uana i taren me poeiena, “Man hatoulana, alia has a Parasi na pien turu Parasi. Alia e ka gia turu kout, taraha alia e hamana gia tara tou takei pouts tara tou mate!”

Aposol 26:5

Nori e solon atei siler tu ka uu lia turu Parasi, a pala te kukute hamatskö koruer u lotu i tarara. Nori e tatei hatei ner a ka teka turu ngil peisa i taren.

Aposol 26:9

“I manasa alia has u pei go hitagala sil tego kato homi menai lia a solona e Iesu na i Nasaret.

Aposol 5:34

Kaba a töa a Parasi e kaia turu hagum pan teka, nonei a katuun pan turu Kout, a tson hihatuts tara Lo, na u katuun i tara marei korueien. A solonen e Gamaliel, e tuol ia i gusuren me hatei nena u aposol gi halakasa bir. Ba nonei e poeiena turu Kout, “U katunur i Israel, alimiou go hakats mam naiam a ka te ngilin katoe milimiou turu katuun teka.

Aposol 6:9

Ba palair u katuun e tanian raharaher e Stiven. Nori a pal katuun tara töa luman lotu turu Jiu ti ngöei a luman lotu turu Friman. Nori u katunur i Sairini na i Aleksenria na i Silisia na i Eisia.

Aposol 9:1

Tara pöata teka a töa katuun a solonen e Sol e ranga hatagala noahasin tega pile kap meraien u katunun tsitsilo tara Tsunono bate atung hamate ranen. Ba nonei e lana tara tsunono pan turu pris turu Jiu mena rangata nena tu pas tega söateien bate la gono menen turu luman lotu turu Jiu tara taun i Damaskus. Ba u ranga u tagala turu pas teka e poeiena, “Tegona sabeia e Sol ta katuun turu katuun te kukutier a maroro tere Iesu, a tson na tahol has, ba nonei tena pile kap ranen bate las mera neien i Jerusalem.”

Aposol 9:11

Ba Tsunono e poeiena i tanen, “Alö go takei balö te la uaiam tara maroro te ngöeri i Matskö, balö te la uaiam tara luma tere Judas. Alö ena rangata nemou a töa katununa i Tasus a solonen e Sol. Tara pöata teka nonei e singo uana tere Sunahan.

Aposol 9:30

Na tara pöata ti hengo naia u katunun tsitsilo tere Iesu a ka teka, ba nori ena piou naria e Sol tara taun i Sisaria me hala ba naren i Tasus.

U pas te koloto menai e Pol turu kristenira i Rom 11:1

Ba lia te rangatagu, e Sunahan e tori tsugari u katuun i tanen u Jiu? E möa koru. Alia has a toun Israel, a hatutubunei tere Abraham, a pala tere Bentsamen.

2 Korin 11:22

Nori a tei Hibru? Alia has a toun Hibru. Nori a tei Israel? Ga lia has a toun Israel. Nori e hatubuna ria tere Abraham? Ga lia has.

Galesia 1:14

Alia u tagala sil korui a markato turu tubur u Jiu, bate kato salsaluhe raiegu u katuun ti totou posa gono merai lia ti kukuti u lotu turu Jiu.

Galesia 1:21

Murinen balia e la uagu tara provins i Siria na i Silisia.