Aposol 22:14 - U Bulunagana U Niga

¹⁴ Ba nonei e poeiena, ‘E Sunahan ti hatsunoni u tuburara e hopö kap naiou lö tego atei sil menai lö u ngil i tanen, na tego tara menai lö a Katuun a Matskö i tanen, na tego hengo menai lö u raranga i rung nen pepeisa.

Aposol 22:14 Iomraidhean Croise

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

Aposol 13:17

E Sunahan, te tara kap rena u katunura i Israel, e hopö kapir u tuburara, tara pöata ti kaien tara han i Itsip, ba nonei e kato hapara koru ranen. Ba i murinen, tara nitagala pan koru i tanen, ba nonei e lu halakasa ba raneien a han i Itsip.

Aposol 22:15

Taraha, alö ena hatei namou e Iesu turu katuun hoboto, ba tena rarare mou a manka tu tari lö na tu hengoin lö.

Aposol 22:18

Alia u tarei e Iesu ba nonei e poeiena i tar, ‘Hasesei balö te laba boroboro nem i Jerusalem, taraha u katuun teka ema hengoe roui a ka te poa memi lö alia.’

Aposol 24:14

Kaba alia e hatei goulö, nonei a Maroro teka tara Tsunono te ngöe rien ‘A markato te peko menari a hun katuun,’ e manana alia e roron kukutie gen. Alia e kukutiegu a Maroro teka ba lia te singo uagu tara Got turu tubumulam e Sunahan. Alia e hamanegu u raranga hoboto te kana tara Lo tere Sunahan na u ranga hoboto ti kolotein u propet.

Aposol 26:16

Takei, ba lö te tuolum. Alia e butu sile gia i tamölö tego hopö kap mei lö balö te katunun kui uamou i tar. Alö ena hatei ramou u katuun, a ka te tare mula lö i romana na tara manka te haröte goui lia lö i murimuri.

Aposol 5:30

Alimiou tu nila naiam e Iesu tara kuruse me kato hamatie men, kaba a Sunahan turu tuburara te hatakei poutseien tara tou mate.

Aposol 7:52

U tuburara i kato homir u propet hoboto i manasa. Nori i atung hamatir u katuun tere Sunahan ti habulungana mamin tego la uama romana a Katuun a Matskö i tanen, nonei e Kristo. Na limiou u hala hakapa mena mien turu katuun ti omieien ba nori e atung hamatie ren.

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

Aposol 9:17

Be Ananias e lana mena tasuna tara luma tere Judas. Ba nonei ena hatakopena a limanen tere Sol me poeiena, “O Sol, ara e muntoulana sila ria tere Kristo, a Tsunono te tula nena moulia. E Iesu, te butuma i tamölö i kalana tara pöata tu la uamalö teka, nonei te tula nena moulia tegomi taguhu menai lia alö balö te tara haniga pouts mou, balö te saputu memou u Namnamei u Göagono tere Sunahan.”

U pas te koloto menai e Pol turu kristenira i Rom 1:1

Alia e Pol, a katunun kui tere Iesu Kristo, i ngö sile ii tegomi aposol uu lia na tegomi rarare menai lia U Bulungana u Niga tere Sunahan.

1 Korin 11:23

U hihatuts te hale ii lia a Tsunono, te hala has ragilia alimiou. I mamina tega mateia e Iesu a Tsunono, nonei noahas tara bong ti hala naien turu pakö, banonei e lueiena a beret me haniga uana tere Sunahan, ba nonei e pose nen me poeiena, “Nonei u tuenrei i tar teka tena mate sil ranou limiou. Alimiou ena kato has uamou teka bate hakats pouts namou lia.”

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.

1 Korin 15:8

Nonei e butu hamurimuri koruia i tar, e herenei alia i poseia tara pöata tegima posei lia.

1 Korin 9:1

Alia a aposol, alia u tara hakapi e Iesu a Tsunono i tarara, na nonei e purese ba hakapein a kits kap i tar tara markato a omi. Alia u taguhu raiou limiou bate hamana uamiou tara Tsunono. Alimiou a kannou tara nikukui i tar.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 1:12

E möa ta katuun tega hatutse ii lia u raranga teka. Kaba e Iesu Kristo te haröte ii lia a man raranga teka.

Galesia 1:15

E Sunahan e hopö kap mam noa naiou lia, ba lia tema posa noeri. Ba nonei e taatagi nanou lia be ngöe noulia tego kui be menaien lia, terena pöata noahas ien te hopö kapiin.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.

Taitus 1:1

Alia e Pol, a katunun kui tere Sunahan na aposol has tere Iesu Kristo. Alia i hala silemei tegomi hatagala menai u nihamana turu katuun te hopö kapir e Sunahan. Na tego taguhu meraien lia ba nori te atei siler u hihatuts u mana, bate tatei tus mera neien tara markato te hanigeiena e Sunahan.

1 Pita 2:22

“Nonei ema katoe ii ta markato ta omi. Na e möa tu töa tu gamo tega butuma i rungnen.”

1 Jon 2:1

A matsi galapien koru i tar, alia e koloto menagi a man raranga teka i tamilimiou, taraha alia e ngilin taguhu ragou limiou ba limiou tema tatei kato homi mi. Kaba te kato homina a töa katuun, ara e kamera a katuun te matsköna, e Iesu Kristo te ranga bera noura tere Tamarara.