Aposol 22:1 - U Bulunagana U Niga

¹ Ba nonei e poeiena, “A man hatamana na man hatoulana, hengoiam ba lia te ranga hatarare gia i tamilimiou.”

Aposol 22:1 Iomraidhean Croise

U Bulungana u Niga tere Iesu Kristo te kolotein e Luk 12:11

Na pöata te kout raroen limiou ba limiou te tuol mia iahana u luman lotu na i matar a pal kapan, e möa tego hakats hapara uaiam limiou bate pei miou, ‘Ime temar ranga uagou lia?’

U Bulungana u Niga tere Iesu Kristo te kolotein e Luk 21:14

Hahengoiam! Alimiou goma hakhakats hapara mam nami tu raranga tegona ranga palis naiam romana limiou.

Aposol 13:26

E Pol e ranga noa me poeiena, “A matsi hahatoulana i tar a galapien tere Abraham, na limiou has a palair u katuun te hatsunone miou e Sunahan, u raranga te poeiena e Sunahan e ngilin lu pouts rena u katuun ti hala mena meien i tarara noahas.

Aposol 19:33

Ba u Jiu e tula menari e Aleksenda i hagus, ba palair u katuun e ku siler tego kato menien u ranga. Be Aleksenda e hasoasei nena a limanen tegi kakamoto uaien ba nonei te ranga palisena u ranga i taren.

Aposol 23:1

Be Pol e tara hamatskö uana tara pal kapan me poeiena, “Man hatoulana, alia u ka mei u hakats u alesala nitöa i matana e Sunahan te la noa hasina i romana, a torir ema pei töe ii ‘Alö e kato homim.’ E möa.”

Aposol 23:6

Tara pöata te atei sileia e Pol u Sadiusi na u Parasi i ka hobotoia turu hagum pan teka, ba nonei e ku uana i taren me poeiena, “Man hatoulana, alia has a Parasi na pien turu Parasi. Alia e ka gia turu kout, taraha alia e hamana gia tara tou takei pouts tara tou mate!”

Aposol 24:10

Ba gamman e hanigana tega kato menai e Pol u raranga i tanen. Be Pol e poeiena, “Alia e atei silegu turu hiningal u para alö a tsonun hahamou turu ranga tara pala i tamulam u Jiu. Ba lia te sasaala megu te ranga palis uagu lia i tamölö.

Aposol 25:16

Ba lia e ranga palis meragen me poeiegu, ‘Alam a tei Rom ema hahuna mam memi a katuun i mam te gum hoboto mera nen u katuun te kout na ren, ba nonei te ka mena a pöata tego ranga palis menaien u ranga te kout merien u katuun.’

Aposol 25:8

Be Pol e mar ranga palis uana teka, “Alia uma katoe ii ta töa ta ka ta omi tara lo turu Jiu, na tara Luman Lotu Pan has, na tara gamman pan has e Sisa.”

Aposol 26:24

Pöata te ranga noaia e Pol, be Pestus e kuna me poeiena, “O Pol, a baku mölö ema kui lel nei! A niatei pan i tamölö e kato hamomolöe noulö!”

Aposol 28:17

U topisa u lan e la hakapa be Pol e ngö gögono rena a pal kapan turu Jiu. Pöata ti gono hoboto men ba nonei e poeiena i taren, “A matsi hahatoulana i tar, alia uma katoei ta töa ta ka tego tula puta menai lia u katuun i tarara na u mar hihatutsina turu tuburara. Kaba nori i karabuse ma lia i Jerusalem, ba nori e hala mena rilia turu katunura i Rom.

Aposol 7:2

Be Stiven e ranga palisina me poeiena, “A matsi hahatoulana na matsi hahatamana, hengo iam! A Sunahan turu ualesala e butuia tere tuburara e Abraham tara pöata te ka ien i Mesapotemia ba nonei tema la noanei i Haran, me poeiena, ‘Alö go laban a hun katuun na han i tamölö ba lö te lauam tara han te hatare goi lia alö.’

U pas te koloto menai e Pol turu kristenira i Rom 2:15

Nori e haröto ner a ka te haröto nena a Lo e ka hasna i toriren. Na toriren iogana e haröto has nena te mana uana a ka teka, taraha u hakats i taren e poeiena a markato i taren e omina tsi a markato i taren e matsköna.

1 Korin 9:3

A palair u katuun e roron ngilin sake ner ta markato ta omi i tar, ba lia temar ranga uagu teka: gema niga nei te hala merari u katuun a kannou na kaan ua i tamulam te rarare uamulam i taren? E möa, e nigana.

2 Korin 12:19

Alimiou romana e pei toum lase miou alam e ranga kökopo nem a man ranga teka bate taguhu pouts ranou lam? E möa. Alam e ranga nem u raranga te hala nema e Kristo i matana e Sunahan, na mamanaka te katoe mulam a matsi hahatoulana, e taguhu ranou limiou.

2 Korin 7:11

Tara, a nitaatagi te halani e Sunahan e kato haniga raiou limiou: alimiou e hakats hatagala tala namiou a markato i tamilimiou. Alimiou e tagala koru silemiou tego haröto mena milimiou a markato a niga. Alimiou e raharaha memiou a markato a omi bate matoutmiou. Alimiou e sagoho koruemiou a manka teka bate tagala silemiou a markato a niga. Na limiou e ngilin hahuna koruemiou a katuun te kato homina.

Pilipai 1:17

Kaba palai e rarare meri e Kristo, taraha e ngiler u katuun egi kukute raien. Na nori e ngilin lu ner a solo a kapan bate hala leneri lia a nitiama a kapan te kagia lia tara karabus.

Pilipai 1:7

E niga nitöana temar hakats mera gilia limiou teka, taraha a torir e roron hakats sil nitöa ranoulimiou. E Sunahan e kalala hoboto raioura tara pöata tuma ka noaia lia tara karabus, bate kato hatagala noahasegu u Bulungana u Niga. Na e Sunahan e kalala noahas ranou ra i romana te ka gia lia tara karabus.

2 Timoti 4:16

E möa ta töa ta katuun tega taguheiou lia tara pöata tutuun tu kaia lia turu kout. U katuun hoboto i laba naiou lia. Alia e ngilegu e Sunahan egoma hahuna raien tara ka teka.

1 Pita 3:15

Alimiou go hapaneiam e Kristo i tori milimiou, ba nonei te Tsunono ranou limiou. Na tara mamana pöata alimiou go hanei sileiam ta katuun tego rangata railimiou a saha ka te hamana sile milimiou, ba limiou te ranga palis ramen bate ranga hatami mia i taren batema sigala ramien.