Aposol 21:24 - U Bulunagana U Niga

²⁴ Alö gona piou raien ba limiou te la hobotomiou tara Luman Lotu Pan batena haröto nem tego matskö uaiam limiou tara Lo turu Jiu. Na lö go hol has beraien, ba nori te kobana ba ner u hulu i bakuren. Ba u katuun hoboto te atei sile riou u mamana u ranga ti ranga sil mei lö u katuun ema mana nei. Nori e atei sile riou alö te kukutem a man Lo tere Mosis.

Aposol 21:24 Iomraidhean Croise

U Bulungana u Niga tere Iesu Kristo te kolotein e Jon 11:55

A kannouna turu Paska turu Jiu e sukusuku hakapa, ba u katuun u parpara turu han i lehana e la uaruma i Jerusalem. Taraha, nori i ngilin hagogosi a peisaren tara Lo turu Jiu i mamima a kannouna turu Paska.

U Bulungana u Niga tere Iesu Kristo te kolotein e Jon 3:25

Ba palair u katunun tsitsilo tere Jon na töa Jiu e hiaraharaha sil haser a saha mar baptais te matsköna.

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

Aposol 21:26

Be Pol e lu rena a pal tson, ba u hamahö ba nori e la hoboto uaier turu lotu. Na turu lotu teka nori ina tuol ia i matana pal kapan turu lotu turu Jiu me hamana uaier iasa tere Sunahan ti matskö uaien tara Lo turu Jiu. Be Pol e tasuna tara Luman Lotu Pan bena hatei nena u haats i taren e katoe rouen turu hatohitina u lan. U haats teka e haröto nanou u raranga i taren e manana.

Aposol 24:18

Na lia u kato hakapi a markato tego gogoso uu lia i matana a Lo. Alia u markato u teka iahana a Luman Lotu Pan ba nori e tare riou lia. Na e möa ta pal katuun tegi ka gono meiou lia, na e möa has tu geta.

1 Korin 9:20

Pöata te ka gono mera gia lia u Jiu, alia e kato has uagu te kato uaren bate las mera gien tara Tsunono. Na pöata te ka gono mera gia lia u katuun te kukutier a Lo, alia e kato has uagu te kato uaren. Alia e kato silegi a ka teka tego las meraien lia tara Tsunono, kaba lia töa ema ongo gia tara Lo teka.