Aposol 21:20 - U Bulunagana U Niga

²⁰ Pöata ti hengo naien a ka teka, ba nori e soloseier e Sunahan. Ba nori e poeier i tanen, “A tsi hatoulana, alö e atei silem u Jiu te hamana ria tere Iesu e para korur na nori hoboto e kukute hanigeier a man Lo tere Mosis.

Aposol 21:20 Iomraidhean Croise

Matiu 9:8

Pöata ti tareia u katuun u parpara koru a ka teka ba nori e matout korur. Taraha nori i tari te hala menai e Sunahan a mar nitagala teka tara katuun, ba nori e töan soloseier e Sunahan.

U Bulungana u Niga tere Iesu Kristo te kolotein e Luk 12:1

Tara pöata ti gono hobotoia u katuun u para koru, ba palai e töeier a mour a palai. Be Iesu e ranga mam na turu katunun tsitsilo i tanen me poeiena, “Alimiou go hanei sileiam u is turu Parasi, nonei a man gamo i taren.

U Bulungana u Niga tere Iesu Kristo te kolotein e Luk 15:32

Aragi sasaala bate masa korura. Taraha? E toulamölö e here ii a katuun te mate, kaba e töatöa poutsuna! Nonei e tia kaba e la poutsuma!’”

U Bulungana u Niga tere Iesu Kristo te kolotein e Jon 12:24

Alia e hatei hamana koru ragou limiou. Tema lebe ria a ngalin kannou, nonei e marka tuun las uanou teka. Kaba tena lebe roien ba nonei tena hua haparpara nou romana.

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 15:1

A palair u katunura i Judia i la uama i Antiok memi hatuts raier u kristen me poeier, “Tema kukute moi limiou a markato tere Mosis ba tema hapö mi, e Sunahan ema taguhu ranoui limiou.”

Aposol 15:24

“Alam u hengoen a palair u katuun i tamulam ina hasingoto koru merai limiou a man raranga i taren. Ba nori e kato hatutueier u hakats i tamilimiou. Kaba alam uma ranga mera leien tegina markato uaien teka. E möa.

Aposol 15:5

Kaba a palair u kristen tara pala turu Parasi i takei me poeier, “U katuun tema Jiu ri egi hapö bate kukutier a Lo tere Mosis.”

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

Aposol 22:3

Be Pol e poeiena, “Alia a toun Jiu ti poseia i Tasus, a taun i Silisia. Kaba alia u pan ia tara taun teka i Jerusalem na e Gamaliel nonei a tson hihatuts i tar. Alia u tsitsiloia tara man Lo hoboto turu tuburara, na lia u tagala sil koru tego kukute haniga menai lia e Sunahan, te kato has uami limiou hoboto i romana.

Aposol 4:21

Ba pal kapan e ranga hatagala lel mera ren me töan hapurese raren. Nori ima sabe ii ta markato tegi mar hahuna sila meraien, taraha u katuun hoboto i ranga me soloseier e Sunahan tara ka te butu.

Aposol 4:4

Kaba a katuun a parpara koru ti ka me hengoeier u raranga i taren me hamana korur, me hapara lel raier a pala ti hamana mamia tere Iesu. Na u hihase tara pal tson hoboto e sukusukuia turu 5,000.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

U pas te koloto menai e Pol turu kristenira i Rom 10:2

Alia e atei silegu, nori e tagala sil koruer e Sunahan, kaba nori e peko ba ner a niatei hamana i tanen.

Galesia 1:14

Alia u tagala sil korui a markato turu tubur u Jiu, bate kato salsaluhe raiegu u katuun ti totou posa gono merai lia ti kukuti u lotu turu Jiu.

Galesia 1:24

Ba nori e solosei sila naria e Sunahan, tara manka te butuia i tar.

2 Tesalonaika 1:10

Nonei tara pöata te la nama romana a Tsunono, ba u katuun i tanen te soloseie rouen. U katuun hoboto te hamanar e haniga korue rouen romana, na limiou has, taraha alimiou u hamaneiam u ranga i tamulam.