Aposol 21:16 - U Bulunagana U Niga

¹⁶ A palair u katunura i Sisaria ti hamanaia tere Iesu i la gono has meraiou lam. Ba nori ena piou raria lam i luma tere Nason, a katununa tara tolo i Saiprus. Nonei e kaia turu katuun ti hamanaia tere Iesu i manasa noa, ba lam ena ka mia i luma i tanen.

Aposol 21:16 Iomraidhean Croise

Aposol 10:24

Nori i sohoia i maroro, ba turu hamahö ba nori ena tuku ria i Sisaria. E Konilius e ngö gögono hakaper a sungutu nen na man hahikapien has i tanen, ba nori e hahaloso raren.

Aposol 10:48

Be Pita e ranga mera nen tegi baptais meraien tara solona e Iesu Kristo. Ba nori e rangate ren tego gamon ka buaien bate ka gono mera nen.

Aposol 11:19

U kristen ti sata noahasia ti titi hatu hamateia e Stiven na ti kato homi merai u katuun ti hamana uu tere Iesu. A tou la kalakala i taren e noan töa ma i Pinisia na i Saiprus na i Antiok. Nori i hala puku naia u Bulungana u Niga turu Jiu.

Aposol 15:39

A hiaraharaha taren e tagala koru ba nori e hialala kalakalar be Banabas e peigeiena e Mak be na osa ria tara tolaala me lauaier tara tolo i Saiprus.

Aposol 15:7

Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

Aposol 21:8

Ba turu hamahö ba lam e la uaiem i Sisaria tina tuku ia lam i luma tere Pilip, a katuun te hahabulunganein u raranga tere Sunahan. Nonei a töa tara tohit a katuun ti hopö kapir i Jerusalem ba lam e ka gono memen.

Aposol 4:36

Hena, a töa katuun a solonen e Josep te tuhanaia tara tolo i Saiprus na te hatubunaia tere Livai. U aposol i ngöeien e Banabas. A mouna solo teka e poeiena, “A katuun te katoena u rangan hitaguhu.”

Aposol 8:40

E Pilip ena butuia tara taun i Asdot te tataala silaien ba nonei e hatei lanena u Bulungana u Niga tara mamana taun, antunaia te na butuien tara taun i Sisaria.

U pas te koloto menai e Pol turu kristenira i Rom 16:7

Na hala has namou u hanhaniga i tar tere Andronikus mere Junias, nori a hun katuun i tar ti ka gono meia lia tara karabus. U aposol e atei sil haniga raren, na nori i hamana mam naia lia tere Kristo.

Pilimon 1:9

Kaba lia e singo hatagala gia i tamölö tara markato te ngil menari a tana katuun. Alia e Pol, e ranga heregi a tsonpan na e karabus sil hasegu e Iesu Kristo.