Aposol 21:11 - U Bulunagana U Niga

¹¹ Nonei e la uama i tamulam be mi lueiena a lete tere Pol, be kitse nei a lete a peisanen, a man mounen na man limanen has. Ba nonei e poeiena, “U Namnamei u Göagono tere Sunahan e mar ranga uana teka, ‘U Jiu i Jerusalem ena markato has uariou teka ba nori te kitseriou a katuun terena lete teka. Ba nori te hala mena rouien turu katuun tema Jiu ri.’”

Aposol 21:11 Iomraidhean Croise

U Bulungana u Niga tere Iesu Kristo te kolotein e Jon 18:1

E Iesu e singo hakapa uu tara Tsunono, ba nonei e la gono meraiena u katunun tsitsilo i tanen i hapalana a gohi i Kitron tara makum te kaia a kui, ba nori e tasu ria tara kui teka.

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 20:23

A ka lasi teka te atei sile gulia: tara mamana taun u Namnamei u Göagono e roron hatei halesaleiou lia bate poeiena, ‘Alö ena sabie mou a kamits ba nori tena haka hase roua lö tara karabus.’

Aposol 21:33

Ba tsunono turu soldia e lana tere Pol me pile kap nanen ba nonei e ranga merena u soldia i tanen tegi kits menien a huol a tsien. Ba nonei e rangatana, “Esi nonei teka, na ha te katoe lalen?”

Aposol 21:4

Alam u tarer u kristen tara han teka, ba lam e ka gono mera men u tohit u lan. Tara nitagala turu Namnamei tere Sunahan nori i ranga mei e Pol tegoma la uaien i Jerusalem.

Aposol 22:25

Kaba tara pöata ti kitseien a lete, be Pol e ranga mena a töa kapten te tuol ia i rehinen me poeiena, “A lo ema haniga nanei tego lahus menai lö a toun Rom tema la noa uaneien turu kout.”

Aposol 24:27

U huol u hiningal e la hakapa, be Posius Pestus e palisena e Piliks tara toukui i tanen. E Piliks e ngilir u Jiu egi haniga uu i tanen ba nonei ema hapurese ba nanei e Pol tara karabus.

Aposol 26:29

Be Pol e poeiena, “Hasesei tsi e möa, alia e matesil koruegu tego here menai lö alia, na u katuun hoboto has te hengoe riou lia i romana, kaba tara tsien puku teka.”

Aposol 28:17

U topisa u lan e la hakapa be Pol e ngö gögono rena a pal kapan turu Jiu. Pöata ti gono hoboto men ba nonei e poeiena i taren, “A matsi hahatoulana i tar, alia uma katoei ta töa ta ka tego tula puta menai lia u katuun i tarara na u mar hihatutsina turu tuburara. Kaba nori i karabuse ma lia i Jerusalem, ba nori e hala mena rilia turu katunura i Rom.

Aposol 28:20

Nonei a ka teka te ngö gögono sil mera gi lia alimiou bate ngilin ranga gono mera goulimiou. Taraha, nonei a nihamana te kame gulia tara katuun te hahaloser u katunura i Israel te kits sile gia lia tara tsien teka.”

Aposol 28:25

Ba nori ema hiahanhaniga ri, ba pöata ti katsin taruraien be Pol e hala lel raneien ien u tana u raranga. Ba nonei e poeiena, “U Namnamei u Göagono tere Sunahan e ranga hamana i manasa tara pöata te harangeien e Aisaia a propet tere Sunahan me ranga gono mena u tubumilimiou.

Aposol 8:29

Ba u Namnamei tere Sunahan e ranga mena e Pilip me poeiena, “Alö go la hasukusuku uala tara karis balö te tataala gono memen.”

Aposol 9:16

Alia peisa te haröte goien romana a kamits pan tena lue nouen. U katuun te rama nariou lia e kato hakamitse rouen romana.”

Epesis 3:1

Alia e Pol, alia i hakarabus sile ii ti kui menai lia a toukui tere Iesu Kristo.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Epesis 6:20

Nonei a ka teka te ka sile gia lia tara karabus, ti habulungana menai lia u Bulungana u Niga. Na limiou go singo sile moulia balia tema tatei matout gi tego habulungana menai lia u Bulungana u Niga.

1 Timoti 4:1

Hengo! U Namnamei u Göagono e ranga halesalana bate poeiena, a palair u katuun e laba nariou romana u lotu hamana tara kapakapana a pöata. Nori e ngilin hengo rariou u katuun u gamogamo bate kukutier u hihatuts turu liliahanei u omi.

2 Timoti 2:9

U Bulungana u Niga teka te sagoho sila nagia lia a kamits tara luman karabus. Nori e kits here nari lia a kopkop, kaba u bulungana tere Sunahan ema tatei kits nari.

Hibru 10:34

Alimiou u taatagi sil raiam u katuun ti haka raia tara karabus. Na pöata ti lueia u katuun a manka i tamilimiou, alimiou u sasaala noahas iam, taraha alimiou i atei sileiam e ka mena a manka man niga koru e kana.

Hibru 3:7

U Namnamei u Göagono e poeiena: “Te hengoe mia limiou u raranga tere Sunahan i romana, ba limiou tema tatei mar hipus len uami ti mar hipus uu tubumilimiou bate tori tsuga nariou lia batena torohane ria lia tara makum a palaka.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.