Aposol 20:4 - U Bulunagana U Niga

⁴ E Pol e la gono mei e Sopata, a katununa tara taun i Beria a pien tere Pairus. A palair u katuun i la gono has meien: ere Aristakus mere Sekundus ri Tesalonaika, na e Gaius tara taun i Debi, ne Timoti, na ere Tikikus mere Tropimas tara provins i Eisia.

Aposol 20:4 Iomraidhean Croise

Aposol 14:20

Kaba u kristen emi gono hahiseien, ba nonei e takeina be tasu pouts uana iahana taun. Turu hamahö be Pol mere Banabas e lauaier tara taun i Debi.

Aposol 14:6

Ere Pol mere Banabas i hengo sabeni a ka teka, ba nori e bus uaier tara provins i Likonia, na tara taun i Listra na i Debi, na tara man han te sukusukuia tara makum ti kaien, ti hatei la naien u Bulungana u Niga.

Aposol 16:1

Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 17:1

E Pol mere Sailas i silaia tara taun i Ampipolis na i Apolonia ba nori ena butu ria tara taun i Tesalonaika te kaia a luman lotu turu Jiu.

Aposol 17:13

Kaba pöata ti hengoeia u Jiu ra i Tesalonaika e Pol e habulunganein u raranga tere Sunahan i Beria has, ba nori e la uarima i Beria memi hatakei haser a raharaha turu katuun teka.

Aposol 19:29

Ba u katuun hobotora i Epesis e hiagetagetar. Nori i takei hoboto me piata uaier tara makumun hagum. Ba nori e las raier ere Gaius mere Aristakus be la gono mera ren. Nori a huol a katununa i Masedonia ti roron lala gono mei e Pol.

Aposol 2:9

Ara u katununa tara man provins i Patia na i Midia na i Ilam na i Mesapotemia na i Judia na i Kapadosia na i Pontas na i Eisia.

Aposol 20:16

E Pol e hakatsin tego la sokö ba menaien a taun i Epesis ba nonei tema antunan gamon ka bunei tara provins i Eisia. Nonei e ngilin hasesei sil tega antunan na butu uaien i Jerusalem i mamuna u Pentikos.

Aposol 20:18

Pöata temi tukuien i tanen ba nonei e poeiena i taren, “Alimiou e atei sil peisemiou tu marka uu lia tara pöata tu tuku ialia i Eisia, na tara mamana pöata tu ka gono merai lia limiou.

Aposol 21:29

Taraha nori i tara mami e Tropimas a toun Epesis me tara gono merien e Pol iahana taun, ba nori i poeier e Pol e la gono meien i Luman Lotu Pan.

Aposol 27:2

Ba lam e osa mia tara töa tolaala na i Adramitium te katsin la uu tara man taun te ka ria i rehina a tasi tara provins i Eisia. Alam u la gono mei a töa tson a solonen e Aristakus, a toun Masedonia tara taun i Tesalonaika.

U pas te koloto menai e Pol turu kristenira i Rom 16:21

E Timoti a katuun te kukui gono megu lia e hala ranei limiou a niniganiga i tanen. Na e Lusius ne Jeson ne Sosipater has, nori a hun katuun i tar, e hala has ner u hanhaniga i taren i tamilimiou.

U pas te koloto menai e Pol turu kristenira i Rom 16:23

Na e Gaius has, a luma i tanen te ka gia lia na te roron lotu has ria, e hala has nena a niniganiga i tanen i tamilimiou. E Irastas a kuskus tara gamman tara taun teka na hahatoulana i tarara e Kuortus, nori e hala hoboto has ner a niniganiga i tamilimiou. A nihitaguhu tara Tsunono i tarara e Iesu Kristo e tatei ka gono mera noulimiou hoboto. U mana.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

Epesis 6:21

E Tikikus nonei a hahatoulana koru i tarara tara hun katuun te hamana ria tere Iesu, na nonei a katunun kui a niga koru tara Tsunono. Nonei ena hatei ranoui limiou ime te marka uagu lia.

Pilipai 2:19

Te haniga noa e Iesu a Tsunono, ba lia te hala boroboro nagou e Timoti i tamilimiou, ba nonei te tatei söata pouts mena mei romana tu raranga i tar bate kato hagigahena a torir.

Kolosi 4:10

E Aristakus, te karabus gono menou lia, e hala has ranoui limiou u hanhaniga, na e Mak has a hatoulana tere Banabas. Alimiou u lu hakapeiam u raranga te poeiena, tega la men romana i tamilimiou ba limiou te hanige men.

Kolosi 4:7

E Tikikus e toularara ena hatei ranoui limiou aha te katoe gulia. Nonei a katuun hamana te kui gono mera noulam tara Tsunono.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

2 Timoti 1:2

Alia e koloto lel uagu i tamölö, o Timoti. Alö a pien koru i tar. E Sunahan e Tamarara na e Iesu Kristo a Tsunono i tarara e tatei taguhe rioulö bate taatagi has nariou lö bate hala hase roilö a masalohana.

2 Timoti 4:12

Alia u hala hakapa menalei e Tikikus i Epesis.

2 Timoti 4:20

E Irastas e kakama tara taun i Korin. Na lia u la ba nama e Tropimas tara taun i Mailitas, taraha nonei e ka mei a siki.

Taitus 3:12

Pöata te hala nagoua lia e Atimas tsi e Tikikus i tamölö, balö te torohanan la romana uamuma i tar tara taun i Nikopolis, taraha, alia e hakats hakapa nagula alia egona kaia nonei tara taun tara pöata turu bout na lomolomo.

Pilimon 1:24

Na palair u katuun te kui gono mere gulia ere Mak mere Aristakus na e Demas na e Luk e hala has neruma u rangan haniga i tamölö.

3 Jon 1:1

Alia e Jon, a tson a kapan i tamölö e hala menagi u pas teka i tamölö o Gaius a katuun te ngil korue gulia.