Aposol 20:30 - U Bulunagana U Niga

³⁰ A palair u katuun i tamilimiou pouts has te katoeier romana u ranga u gamo, tegi las merai u kristen bate kukute raren.

Aposol 20:30 Iomraidhean Croise

Matiu 23:15

“Alimiou u tson ateira tara lo na u Parasi, alimiou u gamogamo! Alimiou e roron la koru uamiou turu tsiktsikina i lehana na i tasi, tego kato menami ta töa ta katuun, a katunun tsitsilo i tamilimiou. Kaba pöata te lu sabe tsipone mia limiou a töa, ba limiou te kato tsipone mien a katuun a omi koru tena hahune ria romana i hel. Na limiou e katoe men ba nonei te omi bala koru len ranou limiou.

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 21:38

Alia e pei lasegu alö a toun Itsip tu kato haraharaher u katuun me las mera nei u 4,000 u tsonun hihipuli me la mera neien tara makum a palaka.”

2 Korin 11:13

U katuun teka ema aposol hamanari. E möa. U katuun u gamogamo te kato here nari a peisaren u aposol tere Kristo.

1 Timoti 5:13

Nori u amoaba teka toum e ka pinopino riou bate hula la uar tara man luma. Na nori toum e ranga pinopino sil hase riou a palair u katuun bate kato pinopino tunur bate ranga has ner a manka tegi ma ranga naien.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

2 Pita 2:18

Nori e ranga sesei koru ner u raranga u tutu bate hamamangil reri u katuun u ngilngil na man markato a man omi i peisaren, u katuun ti hagou bus bar u katuun te roron kato homir.

1 Jon 2:19

U katuun teka i laba hakapa raioura, taraha nori ima katuun hamana uai tara hun katuun i tarara. Sanena nori ti katuun uu i tarara, nori sanena e ka haniga gono meraioura. Kaba pöata ti laba raienra, ba u katuun e atei sil taleier nori hoboton töa ema katuun uari tara hun katuun i tarara.

2 Jon 1:7

A para a katuun a gamogamo te hula la ria tara mamana han, bate holis ner te butun katuun hamana uu e Iesu Kristo. Na katuun te omiena e Kristo e markato has uana teka, nonei a katuun gamogamo.

Revelesin 2:6

Kaba a töa ka te nigana: alimiou e omie miou a markato tara pala tere Nikolas, te omi hase gulia.