Aposol 20:21 - U Bulunagana U Niga

²¹ Alia u hatei hatagalein u ranga tara pal katuun i tar u Jiu na i tamilimiou has u Grik, tego habirits uaiam limiou tere Sunahan, na tego hamana has uaiam limiou tara Tsunono i tarara e Iesu Kristo.

Aposol 20:21 Iomraidhean Croise

Matiu 3:2

Ba nonei e poeiena, “Alimiou go palis ba naiam a man markato a man omi. A Nipepeito tere Sunahan e sukusuku hakapa.”

Matiu 4:17

Nonei tara pöata teka, e Iesu e tanian habulunganein a man raranga i tanen ba e poeiena, “Alimiou go palis ba naiam a man markato a man omi! Taraha, a Nipepeito tere Sunahan e sukusuku hakapa.”

U Bulungana u Niga tere Iesu Kristo te kolotein e Mak 1:15

Ba nonei e poeiena, “A pöata e sukusuku hakapa, a nipepeito tere Sunahan e sukusuku nama. Palis ba naiam a man markato a man omi i tamilimiou bate hamana mia turu Bulungana u Niga.”

U Bulungana u Niga tere Iesu Kristo te kolotein e Mak 6:12

Ba maloto na huol a katunun tsitsilo e lar mena hahatei ner tegi palis menai u katuun a man markato a man omi i taren.

U Bulungana u Niga tere Iesu Kristo te kolotein e Luk 13:3

E möa koru lasi. Ga lia e hatei ragi limiou, tema palis ba namoui limiou a man markato a man omi i tamilimiou, ba limiou hoboto te mate has mou!

U Bulungana u Niga tere Iesu Kristo te kolotein e Luk 13:5

E möa has. Na lia e hatei ragou limiou, tema palis ba namoui limiou a man markato a man omi i tamilimiou, ba limiou hoboto te mate has mou!”

U Bulungana u Niga tere Iesu Kristo te kolotein e Luk 15:10

Be Iesu e poeiena, “Na lia e ranga mera goulimiou, e markato has uana iesana, u angelo tere Sunahan e sasaala koru has meriou a töa katuun a omi te palis banena a man markato a man omi i tanen.”

U Bulungana u Niga tere Iesu Kristo te kolotein e Luk 15:7

Be Iesu e poeiena, “Na lia e ranga mera goulimiou, e markato has uana iesana, i Kolö e sasaala koru has meriou a töa katuun a omi te palis ba nena a man markato a man omi i tanen. Na nisasaala teka e pan bala nanou a markato te sasaala mena rouien a 99 tara katuun a niga.”

U Bulungana u Niga tere Iesu Kristo te kolotein e Luk 24:47

Na ka teka i koloto hasiin: u bulungana egi hatei la naia turu hun katuun hoboto i puta bate taniana i Jerusalem. Ba u katuun te palis ba ner a man markato a man omi bate hamana uaier tere Mesaia, e Sunahan e tatei luba nena a markato a omi i taren.

U Bulungana u Niga tere Iesu Kristo te kolotein e Jon 20:31

A man raranga teka i koloto sile ii tego hamana mena milimiou e Iesu nonei e Mesaia, a Pien Tson tere Sunahan. Na te hamana mia limiou i tanen ba limiou te lu sila has namoua a nitöatöa tara solo nen.

U Bulungana u Niga tere Iesu Kristo te kolotein e Jon 3:36

A katuun te hamanena nonei a Pien tere Sunahan e ka mena a nitöatöa te ka nitöana. Na katuun te hahamanana na tema hengoe neien, nonei ema tatei lue nei a nitöatöa hamana, na raharaha tere Sunahan e ka nitöana i tanen.

Aposol 10:43

U propet hoboto i ranga naien me poeier u katuun hoboto te hamana ria i tanen, e Sunahan e luba nanou a man markato a man omi, taraha e Iesu e taguhu ranouen.”

Aposol 11:18

Pöata ti hengoien u ranga tere Pita, ba nori e haniga korue ren. Ba nori e soloseier e Sunahan me poeier, “U mana, e Sunahan e haniga hasir u katuun tema Jiu ri tegi habirits ba menaien a man markato a man omi ba nori te töatöa has riou!”

Aposol 16:31

Ba nori e poeier, “Hamana uu tara Tsunono e Iesu, balö te lueiem a nihitaguhu tere Sunahan, na pal katuun has i tamölö.”

Aposol 17:30

E Sunahan e tara hahalongolo tunir u katuun tara pöata i manasa ti tutu ien. Kaba i romana nonei e hatei renei u katuun tara man han hoboto egi hakapa korui a man markato a man omi na u hakats u omi i taren.

Aposol 19:17

Ba u Jiu na u Grik hoboto ti kaia i Epesis e hengo ner a ka teka, ba nimatout a kapan e butuna turu katuun hoboto, ba nori e soloseier e Iesu a Tsunono.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 2:40

Be Pita e hatei has raneien u raranga u parpara lel me ranga hataatagina i taren me poeiena, “Haneiam! Alimiou e namots lu hase miou a nihahuna te la uanama turu katunura i romana.”

Aposol 20:23

A ka lasi teka te atei sile gulia: tara mamana taun u Namnamei u Göagono e roron hatei halesaleiou lia bate poeiena, ‘Alö ena sabie mou a kamits ba nori tena haka hase roua lö tara karabus.’

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 24:24

U lahisa u lan e kapa, be Piliks e la gono menama a tahol i tanen e Drusila a toun Jiu. Be Piliks e ngöena e Pol me hengoeiena u raranga i tanen te hatei naien a mouna a ka te hamana siler u kristen tere Iesu Kristo.

Aposol 26:18

Alia e hala sile goui lö tegona hatuts meraien lö u raranga i tar na tegi habirits ba menaien a man markato a man omi te here nei u kuhil. Alia e hala mena goui lö i taren tegi habirits uaien tara markato a niga te here nei u ualesala, ba lö tena habirits ba ramien a nitagala tere Satan ba nori te habirits uaier tere Sunahan. Ba lia te luba negou a man markato a man omi turu katuun te hamana ria i tar, ba nori te lue riou a makum i taren i gusuna u katuun te hopö kap berai e Sunahan a peisanen.’”

Aposol 26:20

Alia u la mam uu i Damaskus mena hatei ragi u katuun tegi hakapa menaien a man markato a man omi na man hakats a man omi i taren bate habirits uaier tere Sunahan, na tegi kato menaien a manka te haröto nena ti hakapa koru menaien a markato a omi na u hakats u omi i taren. Na lia u kato has uu iesana i Jerusalem na tara man han hoboto i Judia na turu katuun has tema Jiu ri.

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 3:19

Paliseiam u hakats i tamilimiou bate habirits ua miou tere Sunahan, be Sunahan te luba nanou a man markato a man omi i tamilimiou.

Aposol 8:25

Ba pöata te hatei hakapa naia e Pita mere Jon u raranga tara Tsunono, ba nori e kopis pouts uaier i Jerusalem me hahatei lala na lila u Bulungana u Niga tara man han a man parpara tara Provins i Samaria.

U pas te koloto menai e Pol turu kristenira i Rom 1:14

E Iesu e hale mei lia u raranga u tagala tegona ranga hatei lanaia lia tara tei Grik na turu katuun tema Grik has ri na turu katuun te kamer a niatei na turu katuun has u tutu.

U pas te koloto menai e Pol turu kristenira i Rom 1:16

Alia e haröto koru megu u Bulungana u Niga. E Sunahan e haleien a nitagala tego lu pouts merien u katuun hoboto te hamane ren, e la mam uana turu Jiu, bate töan la uana turu katuun tema Jiu ri.

U pas te koloto menai e Pol turu kristenira i Rom 10:9

E kato uana teka: te ranga hatei mia limiou i rungu milimiou te Tsunono uana e Iesu, na te hamanena a torimilimiou e Sunahan e hatakei poutsi e Iesu tara tou mate, be Sunahan te lu pouts ranou limiou.

U pas te koloto menai e Pol turu kristenira i Rom 2:4

E Sunahan e roron tuatami koruna turu katuun, na ema roron raharaha boroboro nei na ema roron hahuna boroboro has ranei u katuun, taraha nonei e ngilena alimiou go habirits ba naiam a man markato a man omi i torimilimiou. Na limiou goma sigalemi a markato tere Sunahan na egoma hakats papala namien.

U pas te koloto menai e Pol turu kristenira i Rom 4:24

I koloto has menai i tarara. E Sunahan e ngö has ranei ra u katuun u matskö te hamana uarara i tanen, nonei te hatakei poutsi e Iesu a Tsunono i tarara tara tou mate.

U pas te koloto menai e Pol turu kristenira i Rom 5:1

A Tsunono i tarara e Iesu Kristo e kato beraira a masalohana tegi ka gono menai ra e Sunahan. Na ra e matskö tala ria i matana e Sunahan, taraha ara e hamana ria tere Iesu.

1 Korin 1:22

Kaba u Jiu e ngilin tarer tu mirakol, na u katunura i Grik e sakeier ta niatei.

2 Korin 7:10

A nitaatagi na nimatsingolo te roron halanena e Sunahan e kato rena u katuun bate habirits ba ner a markato a omi be Sunahan te lu pouts ranen. A nitaatagi teka ema kato homie nei a katuun. Kaba a nitaatagi na i puta turu tsiktsiki teka e habutena romana a tou mate.

Galesia 2:16

Kaba ara e atei silera a katuun te kukuteiena a Lo turu Jiu ema matskö neia i matana e Sunahan. E möa. U katuun te hamana ria tere Iesu Kristo, nori u katuun te ngö ranoui e Sunahan u katuun u matskö. Ara e atei silera e möa ta katuun tega antunan matsköia i matana e Sunahan te kukute mena neien a Lo turu Jiu.

Galesia 2:20

Alia i lu hakapi a nitöatöa a tsimus. Kaba nitöatöa teka ema nitöatöa uanei i tar. Emoa. Kaba e Iesu nonei te kana i tar. Na mamana markato na man toukui te katoe gialia i puta, alia e katoe gien tara marorona turu nihamana. Na lia e hamana gia tara Pien Tson tere Sunahan. E ngil korue ioulia me mate silena tego taguhu menaien lia.

Galesia 3:22

U Buku u Göagono e mar ranga uana teka, a markato a omi e karabus raiena u katuun hoboto i puta tara nitagala i tanen. A ka teka i kato sile ii u katuun te hamana uaier tere Iesu Kristo egi lui a ka te ranga hamanein e Sunahan.

Epesis 1:15

Nonei te haniga hiton sil bera gilia alimiou tere Sunahan. Pöata ti hengo naia lia temar hamana uami limiou tere Iesu a Tsunono, na temar ngil koru mera milimiou u katuun hoboto tere Sunahan, alia ima mala solopala railimiou tara man singo i tar na ti haniga sil merai lia alimiou tere Sunahan.

Kolosi 2:5

E manana, u tuenrei i tar e ka halehana ba ranou limiou, kaba u hakhakats i tar e ka gonon töa mera noulimiou. Na lia e sasaala megu te atei sil mena gilia te tuol hakarapoto uami limiou bate hamana hatagala mia tere Kristo.

Pilimon 1:5

Taraha, alia u hengoen te ngil koru mera mi lö u katuun hoboto tere Sunahan na te hamana koru has ua mölö tere Iesu a Tsunono.

1 Jon 5:1

U katuun hoboto te hamaner e Iesu nonei a Mesaia te hopö kapiin e Sunahan, nori a galapien tere Sunahan. Na katuun te ngileiena e Tamarara e Sunahan, nonei e ngil haseiena a pien tere Sunahan.

1 Jon 5:5

A katuun te hamanena e Iesu nonei a Pien Tson tere Sunahan, nonei lasi a katuun te tagala saluhe banena a markatona i puta.