Aposol 20:16 - U Bulunagana U Niga

¹⁶ E Pol e hakatsin tego la sokö ba menaien a taun i Epesis ba nonei tema antunan gamon ka bunei tara provins i Eisia. Nonei e ngilin hasesei sil tega antunan na butu uaien i Jerusalem i mamuna u Pentikos.

Aposol 20:16 Iomraidhean Croise

Aposol 12:13

Be Pita emi porporokona tara tamana tara ololo ielesala tara luma, ba töa taholun kukui a solonen e Roda e la sile nama tegomi kalata menaien a tamana.

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 18:19

Pöata tina tukuien tara taun i Epesis, be Pol e laba rena ere Prisila mere Akuila. Ba nonei e tasu pepeisana iahana luman lotu turu Jiu mena hiararanga gono mera iena u Jiu.

Aposol 18:21

Kaba tara pöata te katsin laien be Pol e ranga haniga pouts mera nen me poeiena, “Turu ngil tere Sunahan, balia tena la pouts guma romana i tamilimiou.” Ba nonei ena osana tara tolaala me laba nena i Epesis.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 2:1

Pöata te butuma u Lan u Göagono ti ngöei u Pentikos, u katuun tere Iesu Kristo i ka hoboto ia tara töa makum.

Aposol 20:13

Alam u la mam mena osa mia tara tolaala me lauaiem tara taun i Asos. Ba lam ena sake la nem e Pol i Asos tego lu mena mien lam tara tolaala. Nonei noahas temar haka mam menai u ranga teka, taraha nonei e ngilin tataalaia i maroro te lauen i Asos.

Aposol 20:18

Pöata temi tukuien i tanen ba nonei e poeiena i taren, “Alimiou e atei sil peisemiou tu marka uu lia tara pöata tu tuku ialia i Eisia, na tara mamana pöata tu ka gono merai lia limiou.

Aposol 20:22

“Na lia e hatei ragou limiou, u Namnamei tere Sunahan e las tale noulia balia te la uagu i Jerusalem. A saha ka tena butu noua i tar i Jerusalem, alia ema ateigi.

Aposol 20:4

E Pol e la gono mei e Sopata, a katununa tara taun i Beria a pien tere Pairus. A palair u katuun i la gono has meien: ere Aristakus mere Sekundus ri Tesalonaika, na e Gaius tara taun i Debi, ne Timoti, na ere Tikikus mere Tropimas tara provins i Eisia.

Aposol 20:6

I murina a kannouna tara Beret te möa ta Is e la hakapa, ba lam e laba nem a taun i Pilipai mena osa mia tara tolaala me lam. Ba lam ena tuku mia i taren tara taun i Troas turu hatolimana u lan. Ba lam e ka mia i Troas turu tohit u lan.

Aposol 21:4

Alam u tarer u kristen tara han teka, ba lam e ka gono mera men u tohit u lan. Tara nitagala turu Namnamei tere Sunahan nori i ranga mei e Pol tegoma la uaien i Jerusalem.

Aposol 24:17

Be Pol e ranga lenina me poeiena, “Tara man hiningal te la hakapa alia u kaia tara palaina u han, ba lia e töan la pouts uagu i Jerusalem. Alia u la mema u moni tegona taguhu merai lia u katuun ti möa ta ka, na lia u la sil hasi tegona haats uu lia tere Sunahan.

1 Korin 16:8

Kaba lia e ka mam goua i Epesis e antunana tara pöata turu Pentikos.