Aposol 20:1 - U Bulunagana U Niga

¹ I murina te kapaia u hiagetageta be Pol e hangö ralala u kristen ba nonei e hala nena u ranga ti kato hatagala raien. Ba nonei e töan la uana tara provins i Masedonia.

Aposol 20:1 Iomraidhean Croise

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 16:12

Alam u laban i Niapolis be kete uaiem tara taun i Pilipai, a han pan tara provins i Masedonia, a han has turu katunura i Rom. Ba lam e gamon ka bumia i Pilipai.

Aposol 16:9

Tara bong be Pol e tarena u töa u hiharöto. A töa tsonuna i Masedonia e tuol me poeiena i tanen, “Alö go aroho uama i Masedonia batemi taguhu ramou lam!”

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 20:10

Be Pol e koul hasina tena tara meien ba nonei e turuna me lukutu nanen me poeiena, “Alimiou goma tokumi. Nonei e töatöana.”

Aposol 20:2

Pöata te tataala hakapa la len tara man makum teka, me hala has nalala u rangan hitaguhu u parpara turu kristen, ba nonei ena töan butuna tara provins i Gris, te keien a topisa a tsihou. Pöata te katsin osa ien tara tolaala tega la uaien i Siria, kaba u Jiu i korupakö naien. Ba nonei e hakats nena tega sila pouts uaien i gusuna i Masedonia.

Aposol 20:37

Kaba nori i tabe koru lasi me lukuter e Pol me taatagi koru naren.

U pas te koloto menai e Pol turu kristenira i Rom 16:16

Haniga has raiam a man tötöa i tamilimiou. A man hun katuun hoboto te hatsunoner e Kristo e hala has naier u hanhaniga i taren.

1 Korin 16:20

A man hatoulana hoboto teka e hala has rari limiou u hanhaniga. Alimiou go halemi a man tötöa i tamilimiou a nihanhaniga a göagono.

1 Korin 16:5

Alia e la mam buagou i Masedonia, ba lia te töan la uagou i tamilimiou.

2 Korin 13:12

Alimiou go tareiam a tabi bate hiahanhaniga miou.

2 Korin 7:5

I murina tina tukuia lam i Masedonia, alam uma husa ii. A nomi e butuia i tamulam tara mamana pala. Alam na palair u katuun u hiaraharaha, na torimulam e matout koru has.

1 Tesalonaika 5:26

Alimiou go hala naiam u hanhaniga tara matsi hahatoulana hoboto i tarara te hamana uar tere Kristo.

1 Timoti 1:3

Tara pöata tu la uu lia tara provins i Masedonia, alia u ngili alö go kakaia tara taun i Epesis, ba lö te hapiou rem a palair u katunura i Epesis te hihatuts ner u raranga u gamo.