Aposol 2:47 - U Bulunagana U Niga

⁴⁷ Nori i solosei nitöani e Sunahan bate ka mer a niniganiga turu katuun ti ka hoboto meraien. Na turu mamana u lan a Tsunono e halasei susuli u hihase turu katuun u tsimus ti hamanaia tere Iesu Kristo.

Aposol 2:47 Iomraidhean Croise

U Bulungana u Niga tere Iesu Kristo te kolotein e Luk 19:48

Kaba nori ima sabe ii ta maroro tegi markato menaien. Taraha? U katuun hoboto i hengo nitöaia tara man raranga i tanen.

U Bulungana u Niga tere Iesu Kristo te kolotein e Luk 2:52

E Iesu e pan susul, ba niatei i tanen e butu hanigantöa has nama. Be Sunahan na u katuun hoboto e haniga korue ren.

Aposol 11:21

A nitagala tara Tsunono e kaia i taren, ba katuun a parpara e hamanar be habirits uaier tara Tsunono.

Aposol 11:24

E Banabas a katuun a niga, na u Namnamei u Göagono e saputeien, na nonei e ka has mei u nihamana u tagala. Ba u katuun u parpara e la uaier tara Tsunono.

Aposol 13:48

U katuun tima Jiui i hengo u ranga teka, ba nori e sasaala korur, me hanigeier u raranga tere Sunahan. Na u katuun te hopö kapir e Sunahan tegi töatöa nitöa, nori i hamana uu i tanen.

Aposol 14:1

A markato teka e takato has ia tara taun i Aikoniam, e Pol mere Banabas i tasu ia tara luman lotu turu Jiu me hatei ner u ranga. Nori i hatein u raranga u niga ba u katuun u parpara turu Jiu na turu Grik e hamanar.

Aposol 14:21

I murina ti hatei hakapa naien u Bulungana u Niga tara taun i Debi ti lu has raien u katunun tsitsilo u para tere Iesu. Ba nori e la sila pouts uaier tara man taun i Listra na i Aikoniam, na i Antiok te kana tara provins i Pisidia.

Aposol 16:5

Ba u nihamana turu kristen e butu hatagala koruna, na u hihase i taren e butu hapan susul turu mamana u lan.

Aposol 17:12

A para koru a katuun e hamanaia tere Iesu. Na u katunura has i Gris u para i hamana has, a touhaliou pan na pal tson has.

Aposol 2:39

U Bulungana u Niga teka e la uana i tamilimiou na tara galapien has i tamilimiou i murimuri. Na nonei e la has uana turu katuun hoboto te ka ria turu han i lehana na turu katuun hoboto te ngö rena e Sunahan.”

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

Aposol 4:21

Ba pal kapan e ranga hatagala lel mera ren me töan hapurese raren. Nori ima sabe ii ta markato tegi mar hahuna sila meraien, taraha u katuun hoboto i ranga me soloseier e Sunahan tara ka te butu.

Aposol 4:33

U aposol i hatein u raranga te takei pouts uu a Tsunono e Iesu, na u ranga i taren e tagala koru. Be Sunahan e hala hoboto raneien a nisasaala pan.

Aposol 4:4

Kaba a katuun a parpara koru ti ka me hengoeier u raranga i taren me hamana korur, me hapara lel raier a pala ti hamana mamia tere Iesu. Na u hihase tara pal tson hoboto e sukusukuia turu 5,000.

Aposol 6:1

Tara man pöata teka u hihase turu katunun tsitsilo e para susul. U katuun ti atei sil u rangan HaGrik i raharaher u katunura i Hibru u amoaba i taren ima tara sil rai tara pöata ti molamola naia a kannou.

Aposol 6:7

U raranga tere Sunahan e tasata susul noahas. Na u hihase turu katunun tsitsilo i Jerusalem e para susul koru hamanasa tala, na para koru has a man pris turu Jiu i hengo koru talei u nihamana teka.

Aposol 9:31

Ba u katuun hobotor i Judia na i Galili na i Samaria ti hamanaia tere Iesu i ka hanigar tara pöata tara masalohana. Ba niateina tere Sunahan e pan susuluna i taren. Ba nori e hapan nitöaner a Tsunono bu Namnamei u Göagono tere Sunahan e taguhu ranen. Ba nori e para susulur.

Aposol 9:35

Ba u katuun hoboto tara huol a taun i Lida na i Seron e tare ren ba nori e töan habirits hoboto uaier tara Tsunono.

U pas te koloto menai e Pol turu kristenira i Rom 14:18

Na katuun te kui beiena e Kristo tara markato teka, e Sunahan na u katuun has e hanige ren.

U pas te koloto menai e Pol turu kristenira i Rom 8:30

Nonei e hopö kap mam raien me ngö has ranen. E ngö raien me kato hamatskö has ranen i matanen noa has. E kato hamatskö raien me hala sei hasena a soloren.

U pas te koloto menai e Pol turu kristenira i Rom 9:27

Na e Aisaia a propet e ranga has ia tara tei Israel me poeiena: “U katunura i Israel e para koru hereri u kotolana, kaba a Tsunono e lupouts ranou a tsi topisa koru tara katuun.

1 Korin 1:18

Pöata te rarare ria ra te mate uu e Kristo tara kuruse, ba u katuun te ka ria tara maroro te la hatutuna te poeier u raranga i tarara e tutuna. Kaba u katuun te lu pouts raiena e Sunahan e atei siler nonei u töa puku noa lasi u raranga teka te ka mena a nitagala tere Sunahan.