Aposol 2:4 - U Bulunagana U Niga

⁴ Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

Aposol 2:4 Iomraidhean Croise

Matiu 10:19

Na pöata te kout rarouen limiou, e möa tu hakats haparpara balö te poeiem, ‘Ime tala temar ranga uagou lia? Na, aha tala te pei gou lia?’ Nonei koru has tara tsi pöata teka alimiou e hala raroui a ka tego ranga naiam limiou.

U Bulungana u Niga tere Iesu Kristo te kolotein e Mak 16:17

Na u katuun te hamanar e katoeier romana a man mirakol tara nitagala tere Sunahan te markato uana teka: nori e poeier romana a solor bate tsuga ba raier u liliahanei u omi. Na nori e ranga ria romana tara man ranga man tsimus tema atei sileri.

U Bulungana u Niga tere Iesu Kristo te kolotein e Luk 1:15

Taraha? Nonei ena katuun pan noa i matana a Tsunono. Ba nonei tema tatei ue noi u uain na u ramun u hiski. Na nonei e saputu menou romana u Namnamei u Göagono i mam has tegi posa menaien!

U Bulungana u Niga tere Iesu Kristo te kolotein e Luk 1:41

Ba pöata te hengoeia e Elisabet u raranga tere Maria, ba pien i torinen e sosuna, be Elisabet e saputu mena u Namnamei u Göagono tere Sunahan.

U Bulungana u Niga tere Iesu Kristo te kolotein e Luk 1:67

Be tamana pien, e Sakaria, e saputu mena u Namnamei u Göagono, ba nonei e katoena u rangan propet me poeiena: “Aragi solosei e Sunahan a Tsunono na i Israel! Taraha? Nonei emi taguhu renara u katuun i tanen, bate sakahis pouts ranoura.

U Bulungana u Niga tere Iesu Kristo te kolotein e Luk 12:12

Taraha? U Namnamei u Göagono te hatuts ranei limiou romana a ka tego ranga naiam limiou.”

U Bulungana u Niga tere Iesu Kristo te kolotein e Luk 21:15

Taraha? Alia e hala ragi limiou romana a man raranga nu hakhakats u niga koru, ba u pakö i tamilimiou tema antunan tulaputa nari romana u raranga tego hala rilia limiou.

U Bulungana u Niga tere Iesu Kristo te kolotein e Luk 4:1

E Iesu e saputu mei u Namnamei u Göagono tere Sunahan me laba nena i Jodan. Ba u Namnamei tere Sunahan e peigi mena neien tara makum a palaka.

U Bulungana u Niga tere Iesu Kristo te kolotein e Jon 14:26

E Tamar e hala sila nenama romana a katunun hihitaguhu, u Namnamei u Göagono, tara solor batemi hatuts ranei limiou a manka hoboto, batemi hahatei pouts ranei limiou a mamanaka hoboto tu hatei rai lia limiou.

U Bulungana u Niga tere Iesu Kristo te kolotein e Jon 20:22

Nonei e mar ranga hakapa uu teka ba nonei e pihu uana i tamulam me poeiena, “Lueiam u Namnamei u Göagono.

Aposol 1:5

E Jon e baptais ria u katuun u ramun, kaba ema lehana noi ba limiou tena habaptais moua romana turu Namnamei u Göagono.”

Aposol 1:8

Kaba limiou e luemou u Namnamei u Göagono tere Sunahan ba nonei te hala ranoui limiou a nitagala. Ba limiou tena ranga hatei namoua lia i Jerusalem na i Judia na i Samaria na turu han hoboto i puta.”

Aposol 10:46

Taraha nori i hengoe ti ranga uaien tara man taina man ranga me soloseier e Sunahan. Be Pita e poeiena, “U katuun teka e lu haser u Namnamei u Göagono tu mar lu has menaien lam. E möa ta katuun tega antunan hapioun tegi baptais merai u katuun teka u ramun,”

Aposol 11:15

“Ba pöata tu na butuia lia tere Konilius me tanian rangagu, ba u Namnamei u Göagono e koul uana i taren, te markato has uaien i tarara tara pöata tutuun.

Aposol 11:24

E Banabas a katuun a niga, na u Namnamei u Göagono e saputeien, na nonei e ka has mei u nihamana u tagala. Ba u katuun u parpara e la uaier tara Tsunono.

Aposol 13:52

Kaba u kristen i Antiok i sasaala koru, ba nitagala turu Namnamei u Göagono e saputuna i taren.

Aposol 13:9

Kaba e Sol, ti ngö hase ii e Pol, e saputu mei u Namnamei u Göagono e tara tötosi e Elimas me poeiena, “Alö a pien tere Satan! Alö ema ngilemi a man markato a man niga! U mamana u gamo e saputu korue nolö! Alö e antunan hanöa hasem te kato hakököela memilö a mamana maroro a matskö tara Tsunono?

Aposol 15:8

E Sunahan e atei silena a torir u katuun hoboto, bate haröto ranei ra nonei e haniga has rena a pala tema Jiu ri. Nonei e hala raneien u Namnamei u Göagono i tanen, e kato has uana temar hala mera neien ra.

Aposol 19:6

Pöata te hatakopeia e Pol a limanen ieluren, ba u Namnamei u Göagono e koul uanama i taren. Ba nori e ranga ria turu mamana u mar ranga, me ranga ner a manka te butu moto nou.

Aposol 2:3

Ba nori e tareier a ka te here ii u kulupu na te here ii u mia e la kalakalana mena tö ria i bakuna man tötöa man katuun hoboto.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

Aposol 4:8

Ba u Namnamei u Göagono e saputena e Pita me ranga palis uana i taren, “Alimiou u pal kapanira i Israel na u tsunono.

Aposol 6:3

Alimiou go hopö kap raiam a tohit a katuun i gusumilimiou te ka mer a solo a niga i matar u katuun, na u Namnamei u Göagono ega saputuia i taren bate ka meier a niatei a niga. Ba ra te haka raiera u katuun teka egi tara kapiin nonei a toukuin kannou teka.

Aposol 6:5

U katuun hoboto i haniga korui u raranga ti katoi u aposol. Ba nori e hopö kap naier e Stiven, a tson te ka mei u nihamana u kapan na te saputu mei u Namnamei u Göagono. Ba nori e hopö kap has naier e Pilip ne Prokoras ne Naikena ne Timon ne Pamenas na e Nikolas. E Nikolas a katununa i Antiok te la uama tara pala turu Jiu.

Aposol 6:8

E Sunahan e haniga korui e Stiven me hale neien a nitagala a kapan, nonei e katoe u mirakol e gono i gusur u katuun.

Aposol 7:55

U Namnamei u Göagono e saputi e Stiven, ba nonei tara tötoso uana i Kolö me tarena u ualesala pan tere Sunahan, na e Iesu e tuol ia tara pal matou tere Sunahan.

Aposol 8:17

Bere Pita mere Jon e hatakope ria a limaren i taren, ba nori e töan luer u Namnamei u Göagono.

Aposol 9:17

Be Ananias e lana mena tasuna tara luma tere Judas. Ba nonei ena hatakopena a limanen tere Sol me poeiena, “O Sol, ara e muntoulana sila ria tere Kristo, a Tsunono te tula nena moulia. E Iesu, te butuma i tamölö i kalana tara pöata tu la uamalö teka, nonei te tula nena moulia tegomi taguhu menai lia alö balö te tara haniga pouts mou, balö te saputu memou u Namnamei u Göagono tere Sunahan.”

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

1 Korin 12:10

Tara tai, e haleri a nitagala tego kato menaien a man mirakol, na tai e haleri a nitagala tego ranga menaien u rangan propet, na tai e hala haseri a nitagala tego ona menaien u spirit u niga na u spirit u omi. U Namnamei tere Sunahan e hala hasenei a tana katuun a nitagala tego ranga menaien u tana u mar ranga ba tai te haleri a nitagala tego hatarare menaien ime temar mouna uana u raranga teka.

1 Korin 13:1

Tego antunan ranga menai lia u ranga turu katuun na turu angelo has, ba tema ngile gi a tana katuun, u raranga i tar e here nei a ti te ling pinopinona tsi a belö pan.

1 Korin 13:8

A markato te hiangilngil uaier ema antunan kapa nei. Kaba u rangan propet ena kapa nou, na te ranga menari u mamana u mar ranga ena kapa nou, na te ranga menari a niatei ena kapa has nou romana.

1 Korin 14:18

Alia e haniga uagu tere Sunahan taraha, alia e atein ranga bala koru ragou limiou hoboton töa tara palaina man ranga.

1 Korin 14:5

Alia e ngilegu alimiou hoboto go ka meiam a nitagala tego ranga mena milimiou u tana u mar ranga. Kaba lia e ngil koruegu alimiou hoboto go ka meiam a nitagala tego ranga mena milimiou u raranga hamatskö tere Sunahan. Taraha, a katuun te ranga nena u raranga tere Sunahan e taguhu rena u katuun hoboto turu lotu. Nonei e niga bala nena a katuun te ranga na turu tana u mar ranga. Tego kaia ta katuun tega antunan palisin u tana u mar ranga teka ba u lotu te pan susuluna.

Epesis 3:19

Alia e singo silegu alimiou e tatei atei silemiou ime temar ngil koru mera nei e Kristo u katuun, noahasina te pan bala mena nei u ngilngil teka a niatei turu katuun. Kaba a mamanaka a niga te saputu mena e Sunahan alimiou e saputu has memouen.

Epesis 5:18

Na limiou goma spak mi. A markato teka e kato hohomiena a katuun. Kaba limiou go saputu meiam u Namnamei tere Sunahan.

Epesis 6:18

Alimiou go singo nitöa mia tara nitagala turu Namnamei tara mamana pöata te singo mia limiou tere Sunahan, ba limiou te katoemiou u mamana u mar singo. Na katuun te singona egoma tatei hanöa bana ii te singo uanen, ba nonei te singo sil has raiena u katuun hoboto tere Sunahan.

1 Pita 1:12

E Sunahan e haröto raien a toukui i taren, kaba egoma ka sile ii tega taguhu pouts meraien, ega ka sil tega taguhu meraien limiou. Na manka teka i habulungana has menai i tamilimiou. E Sunahan e haleiema u Namnamei u Göagono bate haranga rena u katuun ti habulunganen u Bulungana u Niga i tamilimiou. Na u angelo has e ngil koruer tegi atei sil menaien a manka teka.

2 Pita 1:21

Taraha, u raranga turu propet ema butu mei u hakhakats peisa turu katuun. E möa. U Namnamei u Göagono te kato haranger u katuun bate habulungana ner u raranga tere Sunahan.