Aposol 2:31 - U Bulunagana U Niga

³¹ E Devit e atei sil a ka teka ba nonei e ranga mam nena e Mesaia a katuun te hopö kapiin e Sunahan. Ba nonei e poeiena, e Mesaia ega takei poutsia tara tou mate i tanen. E markato uana teka, ‘E Sunahan ema laba naien ba nonei te kakana tara makum turu katuun ti mate. E möa. A tuenrei nen ema koreme ii.’

Aposol 2:31 Iomraidhean Croise

Matiu 11:23

Na limiou u katunura i Kapenium e tatei soloseiemiou a peisa milimiou i kolö, kaba e Sunahan e lapo ba has ranoua limiou i hel! Sanena e Sunahan te katoe u mar mirakol teka tara taun i Sodom, a taun i Sodom sanena e ka noa hasina i romana.

Aposol 13:35

“Gaha nonei a ‘ka a niga’ teka? U Buku u Göagono e mar hatei mena neien teka turu tana u Sam, ‘Alö ema haniga namoi romana tego koreme uu a tsomi i tamölö. E möa.’

Aposol 2:27

Taraha, alö ema laba namoi u namnamei i tar bate kakana tara makum turu mate. E möa. Alö ema haniga namoi tego koreme uu a tsomi i tamölö. E möa.

1 Korin 15:4

Na e Kristo i kahoein me takei poutsuna turu hatopisana u lan, temar ranga uana u Buku u Göagono.

Galesia 3:8

I manasa koru e Sunahan e atei sil mami u katuun tema Jiu ri, ena hamana roua i tanen na turu Bulungana u Niga. Ba nonei te ngö ranoien u katuun u matskö. Na i manasa koru nonei e hate ii e Abraham u Bulungana u Niga teka. Ba nonei e poeiena, “Alia ena kalala sila ragoua a man hun katuun hoboto i puta i tamölö.” Temar ranga noahas uana u Buku u Göagono.