Aposol 2:23 - U Bulunagana U Niga

²³ A katuun teka i hala rai limiou, e kukute noahasena a man hakats tere Sunahan te kato mam noahaseien i manasa, ba limiou e kato hamatie men, taraha alimiou u tagala sileiam u katuun u omi gi nila naien tara kuruse.

Aposol 2:23 Iomraidhean Croise

Matiu 20:19

Ba nori te hala lel naroa lia turu katuun tema Jiu ri, ba nori tena hahakos ria i tar bate lahuse riou lia, bate nila naria lia tara kuruse. Ba turu hatopisana u lan balia te takei pouts gia romana tara tou mate.”

Matiu 26:24

Alia tu butun Katunuma e mar mate uagou temar ranga uana u Buku u Göagono. Kaba a niomi pan e butuna romana tara katuun te haröto nanou lia turu katuun ti korupakö naiou lia. E niga bala nena a katuun teka egima mala posei.”

Matiu 27:35

Ba nori e nila narien tara kuruse, me satu siler a man hasobö i tanen.

U Bulungana u Niga tere Iesu Kristo te kolotein e Mak 15:24

Ba nori e nila narien tara kuruse me satu siler esi tego lui tu töa tu hasobö tara hasobö tere Iesu.

U Bulungana u Niga tere Iesu Kristo te kolotein e Luk 22:22

E manana, alia tu butun Katunuma egona mate, temar hopö kap menai e Sunahan alia. Kaba a nomi pan e butu noua nonei tara katuun tena hala nanoua lia turu pakö!”

U Bulungana u Niga tere Iesu Kristo te kolotein e Luk 22:37

Taraha? Alia e ranga mera gilimiou a ka teka: u raranga turu Buku u Göagono ega butu hamana te poeiena, ‘Nonei i ngöe ii a katuun a omi.’ Nonei e ranga nanou lia, na u raranga ti koloto sile ii lia ega butu hamana.”

U Bulungana u Niga tere Iesu Kristo te kolotein e Luk 23:33

Tara pöata ti tukuien tara makum ti ngöe ii U Lakö, ba nori e nila naria e Iesu tara kuruse, na huol katuun a omi i nila has raia tara huol a kuruse i rehinen, a töa tara pal matou na tai tara pal keruka.

U Bulungana u Niga tere Iesu Kristo te kolotein e Luk 24:20

U pris pan na u tsunono i tarara i hala naien tegina kato hamate menaien, ba nori e nila narien tara kuruse.

U Bulungana u Niga tere Iesu Kristo te kolotein e Jon 19:18

A makum teka nonei ti nila naien tara kuruse, ba nori e nila has raier a huol a katuun tara tana huol a kuruse, a tabi i hapala na tabi i hapala, be Iesu te kana i hagus.

U Bulungana u Niga tere Iesu Kristo te kolotein e Jon 19:24

Ba u soldia e hiararangar me poeier, “Aragi ma kiis kakateien. Aragi pilei satu sil tuneien bara te tare rou esi te lue noien.” A ka teka e butu sil tega mana uu raranga turu Buku u Göagono te poeiena: “Nori i molamoleia a peisaren a man hasobö i tar. Ba nori e pilei satu siler esi tega lu u hasobö u ngahangaha i tar.” U soldia i markato has menaien teka.

Aposol 13:27

U katunura i Jerusalem na pal kapan i taren ima atei sile ii e Iesu nonei e Mesaia. Na nori ima atei haniga sile ii u raranga turu propet ti kato nitöa naien turu mamana u lanin lotu. E möa. Nori i koutin e Iesu ba nori e markato mena rien ti mar ranga uu propet i manasa.

Aposol 15:18

A Tsunono e mar ranga uu teka, nonei te habuti u raranga teka i manasa koru.’ “U propet timar koloto uu teka.

Aposol 2:36

“Bora, hatei raiam a tei Israel: E Sunahan e katoeien a Tsunono na Mesaia, nonei e Iesu a katuun ti hahalosi ra ti nila namia limiou tara kuruse.”

Aposol 3:18

Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka.

Aposol 4:28

Tara nitagala i tamölö na turu ngil i tamölö, alö u kits hakapi u raranga tara manka teka tega butu. Ba nori u katuun e gono siler tegi kato menaien a mamanaka teka.

Aposol 5:30

Alimiou tu nila naiam e Iesu tara kuruse me kato hamatie men, kaba a Sunahan turu tuburara te hatakei poutseien tara tou mate.

Aposol 7:52

U tuburara i kato homir u propet hoboto i manasa. Nori i atung hamatir u katuun tere Sunahan ti habulungana mamin tego la uama romana a Katuun a Matskö i tanen, nonei e Kristo. Na limiou u hala hakapa mena mien turu katuun ti omieien ba nori e atung hamatie ren.

U pas te koloto menai e Pol turu kristenira i Rom 2:12

U katuun tema Jiu ri ema ka puta ria tara Lo tere Mosis. Kaba te kato homi rouen, ba nori te mate riou, noahasina tema la uanei u raranga tara Lo i taren. Kaba u Jiu e ka puta ria tara Lo tere Mosis. Na te kato homi rouen, ba u raranga tara Lo te ona ranouen.

U pas te koloto menai e Pol turu kristenira i Rom 4:17

Na temar ranga has uana u Buku u Göagono, “Alia e Sunahan te taguhe goulö ba lö te hatubuna moa tara katuun a parpara.” E Abraham e hamana uu tere Sunahan te hatöatöa poutsena a katuun a mate na te ranga nena a ka tema butu noa nei bate butuna.

1 Tesalonaika 2:15

U Jiu i atung hamatir u propet tere Sunahan i manasa, na nori i atung hamate hasi e Iesu a Tsunono. Na nori i kato homi has raioulam bate tsuga rariou lam. Nori e kato haraharaha koruer e Sunahan na nori e omi rer u katuun hoboto.

1 Pita 1:2

E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.