Aposol 2:22 - U Bulunagana U Niga

²² “Alimiou u katunura i Israel, hengoeiam u raranga i tar. E Iesu na i Nasaret nonei a katuun te hopö kapiin e Sunahan. Na e Sunahan e haleien a nitagala ba nonei te katoeiena a man mirakol pan i matamilimiou, na manka teka e harötein te mana uana e Iesu. Alimiou e atei sile miou a ka teka, taraha nonei e butuia tara han teka.

Aposol 2:22 Iomraidhean Croise

Matiu 12:28

Na te Namnamei tala uanen tere Sunahan te tsuga mera gilia u liliahanei u omi, ga Nipepeito tere Sunahan e la tala uanou i tamilimiou.

Matiu 2:23

Ba nonei ena kana tara töa taun te ngöeri i Nasaret. A ka teka e butu sil hasi tego hatara hamana menaien u raranga ti habulunganein u propet. Nori i mar ranga uu teka, “Nonei e ngöe roi a toun Nasaret.”

Matiu 9:8

Pöata ti tareia u katuun u parpara koru a ka teka ba nori e matout korur. Taraha nori i tari te hala menai e Sunahan a mar nitagala teka tara katuun, ba nori e töan soloseier e Sunahan.

U Bulungana u Niga tere Iesu Kristo te kolotein e Luk 11:20

Kaba te tsuga ba ragia lia u liliahanei u omi tara nitagala tere Sunahan, ba ka teka te hatara nena a Nipepeito tere Sunahan e la hakapa uama i tamilimiou.

U Bulungana u Niga tere Iesu Kristo te kolotein e Luk 18:37

Ba u katuun e ranga uaier i tanen, “E Iesu na i Nasaret te la karasana.”

U Bulungana u Niga tere Iesu Kristo te kolotein e Luk 24:18

Ba töa i taren a solonen e Kliopas e ranga palise nen, “Alö lahas a töa puku a katununa i Jerusalem tema atei silemi a manka te butu tara man lan te la hakapa?”

U Bulungana u Niga tere Iesu Kristo te kolotein e Jon 1:45

Be Pilip e na sabe leleiena e Nataniel me hateie nen, “Alam e sabie muma e Mesaia, a katuun te koloto bin e Mosis nu propet i manasa! Nonei e Iesu a toun Nasaret, a pien tere Josep.”

U Bulungana u Niga tere Iesu Kristo te kolotein e Jon 10:37

Tema katoe gi lia a man toukui tere Tamar, möa tala tu hamane moulia.

U Bulungana u Niga tere Iesu Kristo te kolotein e Jon 11:47

Ba u Pris pan na u Parasi e ngö gögono rer a pal kapan turu Kout Pan turu Jiu ba nori e poeier, “Aha te katoe rou ra? A katuun teka e katoena a man hiharöto a man para!

U Bulungana u Niga tere Iesu Kristo te kolotein e Jon 12:17

U katuun u para tika tara pöata te ku hatakei poutseien e Lasarus tara kioun mate me kato hatöatöa poutse nen i habulungana noahasin u mirakol teka. U katuun ina ngilin tara has mei e Iesu, Taraha, nori i hengoein nonei e kati a ka teka.

U Bulungana u Niga tere Iesu Kristo te kolotein e Jon 15:24

Sanena alia tuma katoei a man mirakol teka, tema katoei ta taina ta katuun i gusu ren, ba nori te tatei poeier, ‘Alam ema kato homi mi.’ Kaba nori i tara hakapa talei a man toukui i tar, ba nori e omie riou lia ne Tamar has.

U Bulungana u Niga tere Iesu Kristo te kolotein e Jon 19:19

Be Pailat e hakoloto nena a töa makumun raranga me hake rien tara kuruse. Na makumun ranga teka e pei: Iesu na i Nasaret, a King turu Jiu.

U Bulungana u Niga tere Iesu Kristo te kolotein e Jon 4:48

Be Iesu e poeiena, “Tema tare mia limiou tu mirakol, alimiou ema hamana moui.”

U Bulungana u Niga tere Iesu Kristo te kolotein e Jon 5:36

“Kaba a ka te pan bala nena e Jon e hatei has nanou lia. E Tamar e hanigein tego kui menai lia a man mirakol. Na man mirakol has te katoe gulia e haröto nena e Tamar has te tula na moulia.

U Bulungana u Niga tere Iesu Kristo te kolotein e Jon 6:14

Pöata ti tareia u katuun a manka teka ba nori e poeier, “U mana koru lahas, nonei koru a propet tega la uama tara han i puta.”

U Bulungana u Niga tere Iesu Kristo te kolotein e Jon 6:27

Alimiou goma kui silemi a ka te tatei putakana. E möa. Alimiou go kui sileiam a ka te niga nitöana, a ka te hala nena a nitöatöa te ka nitöana. Alia tu butun Katunuma e hala ragoui limiou a ka teka, taraha e Tamar e Sunahan e hanige noulia.”

U Bulungana u Niga tere Iesu Kristo te kolotein e Jon 7:31

Kaba u katuun u parpara i hamanaia i tanen ba nori e poeier, “Te la nama romana e Mesaia, nonei e kato hase nou tu mirakol tu parpara bate kato salsaluhenou te markato uana a katuun teka?”

U Bulungana u Niga tere Iesu Kristo te kolotein e Jon 9:33

Sanena a katuun teka tema la meia tere Sunahan, nonei ema antunan kato hasenei tu mirakol.”

Aposol 13:16

Be Pol e tuoluna me hasoasei nena a limana tegi hengo menaien u katuun me poeiena: “Alimiou u katunura i Israel, na limiou has a palair u katuun te matoute miou e Sunahan, alimiou go hengoiam.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 2:19

Na lia te haröto nagou a man hiharöto iasa i kolö na manka te butu noua i puta turu tsiktsiki u rahatsing na u tula na u ruhu pan.

Aposol 2:43

Ba u aposol e katoeier u mirakol u parpara, ba u katuun e matout korur.

Aposol 21:28

Ba nori e ku hapanir me poeier, “U katunura i Israel, mi taguhu ramou lam! Nonei lasi a tson teka te hatuts rena u katuun tara man han hoboto tegi tori tsuga ba menai u katunura i Israel a Lo tere Mosis na Luman Lotu Pan teka. Na tana ka lel has, nonei e piou hasir u katuun tema Jiu ri iahana Luman Lotu Pan ba nonei e kato habahi hakapena a makum a Göagono teka!”

Aposol 22:8

Ba lia e rangatagu, ‘O tsunono, alö esi?’ Ba nonei e poeiena i tar, ‘Alia e Iesu ni Nasaret, a katuun te kato hakamitse mölö. Te kato hakamits ramia lö u katuun i tar, alö e kato hakamits hase moulia.’

Aposol 24:5

“Alam u sabe a tson teka e Pol a katununa tara markato a omi. Nonei e roron habutena a raharaha na hiatatung i gusur u Jiu tara han hoboto i puta. Na nonei a töa tson mammam has turu katuun ti lukater a pala i tamulam me ka uaier tara tana pala te ngö rari a hun katunura i Nasaret.

Aposol 26:26

U mana koru a King e atei silena a manka teka, na i matamölö alia ema matsingolo nagi tego ranga uu lia. Alia e atei hamana sil koruegu e möa ta ka tega mous bani a matamölö, taraha a manka teka ima katoei i mous.

Aposol 26:9

“I manasa alia has u pei go hitagala sil tego kato homi menai lia a solona e Iesu na i Nasaret.

Aposol 3:12

Be Pita e tara ranen me poeiena i taren, “Alimiou u katunura i Israel e asingoto koru namiou a ka teka bate tara tötoso uamuma i tamulam? Kaba a katuun teka ema niga mela lei a nitagala peisa i tamulam tsi a markato a niga i tamulam bate tataalana. E möa.

Aposol 3:6

Be Pita e poeiena i tanen, “Alia u möa ta moni, kaba lia e hale goilö a ka te ka megu lia. Tara solona e Iesu Kristo na i Nasaret, alia e ranga megou lö, alö go tataala!”

Aposol 4:10

Alia e ranga hatei mera goulimiou hoboto na u katuun hobotora i Israel. A katuun teka te tuoluna i matamilimiou e niga pouts mei a nitagala tara solona e Iesu Kristo na i Nasaret. Nonei tu hanila namia limiou tara kuruse be Sunahan e hatakei pouts noa hase nen tara tou mate.

Aposol 6:14

Taraha, alam u hengoei te pei menaien, ‘Nonei e Iesu ni Nasaret e kato rure nou a Luman Lotu Pan bate palise nou a man markatona i manasa te hala raira e Mosis!’”

2 Korin 12:12

A pöata tu kaia lia i gusumilimiou, e Sunahan e harötein alia a aposol i tanen, te kato menaien u mamana u mar mirakol.

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.