Aposol 2:17 - U Bulunagana U Niga

¹⁷ ‘E Sunahan e poeiena, Tara pöata i murimuri te sukusukun kapa noa romana a pöata hoboto, alia e katoe gou a ka teka: Alia e hala nagou u Namnamei i tar turu katuun hoboto. A galapien tson i tamilimiou na galapien touhaliou has ena ranga nariou romana u rangan propet. U hitots i tamilimiou ena tare riou a man hiharöto, na u tsonpan ena sinasohe riou a man sinasoho.

Aposol 2:17 Iomraidhean Croise

U Bulungana u Niga tere Iesu Kristo te kolotein e Luk 3:6

Ba u katuun hoboto te tare riou a nihitaguhu tere Sunahan!’” Temar koloto uu e Aisaia e kapana teka.

U Bulungana u Niga tere Iesu Kristo te kolotein e Jon 17:2

Alö u halei lia a nitsunono tego tara kap mei lia u katuun hoboto, ba lia te antunan hala ragi u katuun tu hala ramei lö alia a nitöatöa te ka nitöana.

U Bulungana u Niga tere Iesu Kristo te kolotein e Jon 7:39

E Iesu e rangein u Namnamei tere Sunahan tega hala nema e Sunahan turu katuun ti hamanaia tere Iesu. Kaba e Sunahan ema hala noa namei u Namnamei i tanen, taraha nonei ema hapan noe nei e Iesu i Kolö.

Aposol 10:45

U Jiu ti la gono mema e Pita u katunun tsitsilo tere Iesu i asingoto koru, taraha e Sunahan e hala nema u Namnamei u Göagono i tanen turu katuun has tema Jiu ri.

Aposol 11:27

Tara pöata teka, a palair u propet i laba nema i Jerusalem, me la uaier i Antiok.

Aposol 11:28

A töa i taren, a solonen e Agabas, e tuol ia turu hagum, ba tara nitagala turu Namnamei u Göagono ba nonei e hatei nena a bes pan e butu noa tara mamana han hoboto i puta. A bes pan teka e butu hamanaia tara pöata te gamman pan ia e Klodias.

Aposol 2:16

E möa, a ka teka e ranga mam noani e Joel a propet tere Sunahan i manasa me poeiena:

Aposol 2:18

E manana. Na tara man tsonun kukui puku na touhalioun kukui puku has alia e hala nagou u Namnamei i tar, ba nori tena ranga nariou u rangan propet.

Aposol 2:33

Na nonei e la hakapa uu iasa mena gumna i rehina e Sunahan, be Sunahan e hale neien u Namnamei u Göagono te ranga mam naien i manasa. Na, a ka te tare milimiou na te hengoe milimiou nonei u Namnamei teka te hala rameien lam.

Aposol 21:9

Nonei e ka mei a tohats a pien tahol a kukubei i tanen ti atein rangein u raranga turu propet.

U pas te koloto menai e Pol turu kristenira i Rom 5:5

Na ra ema hahaloso pinopino rei, taraha e Sunahan e hala raira u Namnamei u Göagono me hala raneira u ngilngil te kana i torirara.

1 Korin 12:10

Tara tai, e haleri a nitagala tego kato menaien a man mirakol, na tai e haleri a nitagala tego ranga menaien u rangan propet, na tai e hala haseri a nitagala tego ona menaien u spirit u niga na u spirit u omi. U Namnamei tere Sunahan e hala hasenei a tana katuun a nitagala tego ranga menaien u tana u mar ranga ba tai te haleri a nitagala tego hatarare menaien ime temar mouna uana u raranga teka.

1 Korin 12:28

Na e Sunahan e halani a mamana mar toukui tara man tötöa tara hun katuun i tanen. Tara makum tutuun nonei e hatuolir u aposol, na tara hahuoluna a makum nonei e hatuolir u propet, na tara a hatopisana makum nonei e hatuolir u tson hihatuts, na pala te antunan katoner u mirakol, na u katuun te antunan kato haniga pouts raier u katuun, na u katuun te taguhu raier a palai, na niatei na tara toukui na tara tson mammam, na tai te antunan ranga nena u mamana u mar ranga.

Hibru 1:2

Kaba tara sukusukuna kapakapana pöata nonei e ranga silama i tarara tara Pien Tson i tanen. E Sunahan e habutu sila naia a mamanaka tara Pien Tson i tanen, na nonei e hopö kap sileien tego lu menaien a mamanaka hoboto.

Jemis 5:3

A manka a man niga i tamilimiou e kopa noar, na limiou ema taguhu mera mien a palair u katuun. Na e Sunahan e kout mera noi limiou a markato teka. Alimiou ena sagoho kamits memou a man markato teka temar sagoho kamits uami limiou te ski mera nei limiou u tula.

2 Pita 3:3

Alimiou go atei mam sileiam a ka teka: tara kapakapana pöata i murimuri, u katuun te kukutier u ngilngil u omi i peisaren e butur romana. Nori e hahakos rariou romana limiou bate ranga ner a Tsunono bate poeier, “Nonei e ranga mamin tega la pouts uamen, ga ime te ka nen, gega la talama. U tamarara i mate hakapa, ga mamanaka e marka noahas uana te ka uaien tara pöata te habuteia e Sunahan a han i puta!”