Aposol 19:9 - U Bulunagana U Niga

⁹ Kaba a palai i hipus naien batema hamanari me ranga homi hasner a Maroro tara Tsunono i matar u katuun. Be Pol e lurena u kristen me la gono mera nen, na turu mamana u lan nonei e hatei naia u raranga iahana luman skul tere Tiranas.

Aposol 19:9 Iomraidhean Croise

Matiu 15:14

Nori e hererari u katuun u matakiou te peigiraier a palai. Ba tara pöata te peigena a töa katuun a matakiou a tana matakiou has ba nori te rus hoboto uar i kiou.”

Matiu 16:4

U katuun u omi ti hapolasa hakapa ban e Sunahan e kato siler tegi tara menaien tu mirakol. Kaba lia ema tatei haröto nagi tu töa tu mirakol. A hatöatongo lahas tere Jona a propetina i manasa te hatara ragi lia alimiou.” Be Iesu e la ba ranen.

Matiu 26:55

Be Iesu e poeiena turu katuun u parpara koru, “Alimiou e la memuma a man lahoton hiatatung na man baru tegomi pile kap here memilia a katuun a hihiatung na kopkop. Ga taraha, ba limiou tema pile kap nami lia turu mamana u lan ti ron hihatuts ialia iahana a Luman Lotu Pan.

U Bulungana u Niga tere Iesu Kristo te kolotein e Jon 12:40

“E Sunahan e kato hakuhilenou u hakhakats i taren temar kuhil uana a katuun a matakiou. Nonei e kato hatupu hasi a bakuren. Ba mataren tema antunan tara lele nei a ka te manana, na u hakats i taren ema antunan atei sil lel hase nei u raranga u mana. Na nori ema antunan habirits pouts lel uari i tar ba lia te kato haniga pouts ragen. E möa.”

Aposol 11:26

Nonei e sabeien memi piou nanen i Antiok. Ere Banabas mere Sol i ka gono mer u katuun tere Iesu i Antiok turu töa u hiningal u ohots, me hatuts rari u katuun u parpara, u raranga tere Sunahan. U katunun tsitsilo tere Iesu i ngö tutuun raia u kristen nonei tara taun teka.

Aposol 14:4

Kaba u katuun tara taun teka i lu kataia i hagus. A palai i hanigei u ranga turu Jiu, na palai i hanigei u raranga turu aposol.

Aposol 17:4

A palair u katuun i hamana me ka hoboto gono meraier ere Pol mere Sailas. U katunura i Gris u para ti hatsunoni e Sunahan i kato has uu iesana, na touhaliou ti panpanir a touhaliou i kukute has rema ere Pol mere Sailas.

Aposol 19:23

Tara pöata teka a nomi pan e butuia i Epesis tima ngil menai u katuun a Maroro tara Tsunono.

Aposol 19:30

E Pol e ngilin la uu i gusur u katuun, kaba u kristen i hapiou naien.

Aposol 20:31

Na limiou go hanei haniga nitöa iam. Alimiou go hakats sileiam a ka teka: turu topisa u hiningal nitöa, tara bong na tara lan, alia uma hanöa ii tu hatuts merai limiou hoboto a man tötöa. Alia u hatuts merai limiou a nitaatagi pan.

Aposol 22:4

Alia u kato homir u katuun ti kukute a maroro tara nihamana te kukutie gulia i romana, e noaia ti mateia a palai. Alia u kits kap raien a tsien, a pal tson na touhaliou has, na lia u hala meraien tara karabus.

Aposol 24:21

Toum u töa puku lasi u ranga. Pöata tu tuol ia lia i gusuren ba lia e mar ku uagu teka, ‘Alia e hamanegu e Sunahan e hatakei pouts rena romana u katuun ti mate. Nonei lasi a mouna a ka te kout merien lia i matamilimiou.’” E Pol emar ranga uu teka.

Aposol 28:22

Kaba alam e ngilem alö peisa tego hatei rameilam a ka te hamana mia lö. Taraha, alam e atei silem u katuun tara han hoboto ema ngileri u lotu teka.”

Aposol 7:51

E Stiven e ranga lel noahas ia tara pal kapan turu Kout me poeiena, “Alimiou u katuun u hihipus! Alimiou e tori here noa hasemi u tematan! Alimiou e talingatu ba koru namiou u raranga tere Sunahan! Alimiou e hipus nitöa namiou u Namnamei u Göagono ti markato has uu tuburara!

U pas te koloto menai e Pol turu kristenira i Rom 11:7

Baha hamanasa? A tei Israel ima lue ii a ka ti ngileien. A matsi töa puku lasi turu katuun ti sabe a ka teka, u katuun te hopö kapir e Sunahan. Kaba a pal parpara koru a tori ren e kihil lasi.

U pas te koloto menai e Pol turu kristenira i Rom 9:18

Hena, e markato uana teka, e Sunahan e taatagi sila rena u katuun na e kato hahihipus sila ranen tere nu ngil noahas ien.

1 Korin 16:9

Taraha, a tamana e takalata hapan talana tego kato menai lia a toukui a niga teka, na katuun a parpara te katsin kato homier a toukui tara Tsunono.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

2 Timoti 1:15

Alö e atei silem u katuun hoboto tara provins i Eisia i la ba naiou lia, na e Pitselas mere Hemotsenis has.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

Hibru 3:13

Alimiou go hihitaguhi iam turu mamana u lan antunana te ka noa uana a pöata. Taraha, a markato a omi ena mots gamo ranou limiou bate kato hahihipus ranou limiou.

2 Pita 2:12

Kaba u tson hihatuts teka e kukute laser u ngilngil i tuenreiren, te kato has uaier u poum u hie na u kori na mankana i latu ti tuhana mei a niatei peisa i peisaren tegi kukute tuun meraien u tsinaren. Nori i tuhana sil tegi pile kap meraien bate atung hamate raier. Na u tson hihatuts u gamogamo teka e ranga hohomi has naier a manka tema atei sile rien, na nori ena kato hataia has rariou. Nori e alater romana te kato hohomi merarien a palair u katuun. Bate ngil koruer tegi kukute menaien u ngilngil u omi i peisaren tara lan. Na nori e nou gono mera riou limiou tara kannou, kaba e kato homi here rari limiou a ka a korkoriana te kato homiena u hasobö. Ba nori te roron sasaala mer a markatona turu gamo i taren.

2 Pita 2:2

Na u katuun u parpara e kukutier romana a man markato a man hamatsingolo tua i taren, na pala te hahamanar e tarer romana u katuun tegi kukute meraien u tson hihatuts u gamogamo teka bate ranga hohomi ner romana a marorona turu mana.

U pas te kolotein e Jut 1:10

Kaba u katuun teka e ranga hohomi ner a mamanaka tema atei silerien. Nori e kukute laser temar ngil uana u tuenrei i taren, te kato has uaier u poum na u muki. Nori e markato las uaier teka, na markato i taren e kato homi nitöa ranen.