Aposol 19:17 - U Bulunagana U Niga

¹⁷ Ba u Jiu na u Grik hoboto ti kaia i Epesis e hengo ner a ka teka, ba nimatout a kapan e butuna turu katuun hoboto, ba nori e soloseier e Iesu a Tsunono.

Aposol 19:17 Iomraidhean Croise

U Bulungana u Niga tere Iesu Kristo te kolotein e Luk 1:65

Ba u katuun hoboto i han i tanen e matoutur, ba u bulungana tara mamanaka teka e la hoboto uana tara mamana han tara man pokus i Judia.

U Bulungana u Niga tere Iesu Kristo te kolotein e Luk 7:16

U katuun hoboto i matout koru, me solo seier a solona e Sunahan me poeier, “A propet te kamena a solo pan e butu hakapaia i gusurara! E Sunahan e la silema e gomi taguhir u katuun i tanen!”

Aposol 13:12

Pöata te tareia e gamman a ka teka ba nonei e töan hamanana. Nonei e asingoto koruni u hihatuts tara Tsunono.

Aposol 18:19

Pöata tina tukuien tara taun i Epesis, be Pol e laba rena ere Prisila mere Akuila. Ba nonei e tasu pepeisana iahana luman lotu turu Jiu mena hiararanga gono mera iena u Jiu.

Aposol 18:21

Kaba tara pöata te katsin laien be Pol e ranga haniga pouts mera nen me poeiena, “Turu ngil tere Sunahan, balia tena la pouts guma romana i tamilimiou.” Ba nonei ena osana tara tolaala me laba nena i Epesis.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 19:16

Ba katuun te ka mei a liliahanei a omi e kurapa uana i taren be atung ranen me tagala saluhe ranen me kato hohomi koru rena a peisaren me kiis kaakata ba raneien a man hasobö i taren. Ba nori e bus ba ner a luma teka me la mer a beloso.

Aposol 19:18

U katuun u parpara koru ti hamana i lama memi pokeier a mamana a markato a omi ti katoeien i manasa.

Aposol 2:43

Ba u aposol e katoeier u mirakol u parpara, ba u katuun e matout korur.

Aposol 5:11

U katuun hoboto tere Kristo na u katuun hoboto has ti hengoein a ka teka i matout koru.

Aposol 5:13

U katuun tima hamana ii ima la ua ii ti kaien kaba nori i hala raien u pannen koru u tara marei.

Aposol 5:5

Pöata te hengoeia e Ananias a ka teka ba nonei e rusuna me tuhamate nitöa nena. Na u katuun hoboto ti hengoein u bulungana teka i matout koru.

Pilipai 1:20

A torir e ngil hatagala koruena na e hamana koru hasena alia ema katoe goi ta ka tego kato hamatsingole ioulia. Na tara mamana pöata alia ema ngilin matout gi. Na lia e ngilegu a peisar hoboto ega hapani e Kristo, te töatöa noa gialia tsi tena mate goalia.

2 Tesalonaika 1:12

Ba u katuun te tare riou a markato i tamilimiou bate soloseie riou e Iesu a Tsunono i tarara, ba nori te solosei has rariou limiou, taraha alimiou u katuun i tanen. A nihitaguhu tara Sunahan i tarara na e Iesu Kristo a Tsunono e kato hantuna ranou limiou tara ka teka.

2 Tesalonaika 3:1

A matsi hahatoulana, alimiou go singo bera moulam ba u raranga tara Tsunono te tasata boroboro nou bate pan noua i matar u katuun u parpara, te kato has uaien i tamilimiou.