Aposol 18:8 - U Bulunagana U Niga

⁸ Na tsunono tara luman lotu a solonen e Krispas. Nonei na u katuun hoboto ti kaia i luma i tanen i hamana ia tara Tsunono. Na para a katununa i Korin i hengo ia turu ranga tere Pol, ba nori e hamanar me habaptaisir.

Aposol 18:8 Iomraidhean Croise

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

U Bulungana u Niga tere Iesu Kristo te kolotein e Mak 5:22

Ba töa tsonun pepeitokap tara luman lotu e la nama, a solonen e Jairas. A pöata te tareien e Iesu ba nonei e hatukununa.

U Bulungana u Niga tere Iesu Kristo te kolotein e Mak 5:35

Pöata te ranga noaia e Iesu, ba u katunun sösöata ranga e la rima i luma tere Jairas memi hateie ren, “A pien tahol i tamölö e mate hakapa lala. Alö goma hakui lele ii a Tson Hihatuts.”

Aposol 10:2

Nonei e hamanaia tere Sunahan, na nonei na u katuun hoboto i luma tanen i hatsunoni e Sunahan. Nonei e roron hala ni a moni tina taguhu merai u Jiu ti möa ta moni, na nonei e roron singo has uu tere Sunahan.

Aposol 11:14

Nonei emi hale noi lö u ranga, na turu raranga teka e Sunahan e lu pouts gono hoboto mera noi lö a pala i tamölö.’ A angelo e mar ranga uu teka tere Konilius.

Aposol 13:15

I murina ti rit hakapeia u ranga tara Lo tere Mosis na palaina u raranga turu propet, ba tsunono na turu lotu e tuoluna me poeiena, “A matsi hatoulana, te ka memia limiou ta tsi rangan hitaguhu turu katuun, ba limiou te tatei hatei namen.”

Aposol 16:34

Ba nonei e lu rena ere Pol mere Sailas mena sei ria i luma i tanen, ba nonei e hanou ranen. Nonei na pala hoboto i tanen i sasaala koru mei ti hamana uaien tere Sunahan.

Aposol 18:1

Ba i murina a manka teka be Pol e laba nena a taun i Atens me la uana tara taun i Korin.

Aposol 18:17

Ba nori hoboto e pile kap ner a tsunono tara luman lotu turu Jiu, a solonen e Sostenis, ba nori e singsingate rien i rehina makumun kout. Kaba e Galio ema tara sile ii a ka teka.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 8:12

Kaba ti hamaneien a manka te hatein e Pilip turu Bulungana u Niga tara Nipepeito tere Sunahan na solona e Iesu Kristo, ba nori hoboto a pal tson na touhaliou e habaptaisir.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

2 Korin 1:23

Alia e singo hatagala gia tere Sunahan te tatei ranga be noulia tara nimana turu ranga te ranga negu lia. Alia u ma la mei i Korin, taraha alia u raman tego ranga hatagala uu lia i tamilimiou.

2 Korin 6:11

A matsomir i Korin, alam e ranga hamatskö koru uaiem i tamilimiou, alam e hatei baba nem a manka i torimulam.

2 Timoti 4:20

E Irastas e kakama tara taun i Korin. Na lia u la ba nama e Tropimas tara taun i Mailitas, taraha nonei e ka mei a siki.