Aposol 18:26 - U Bulunagana U Niga

²⁶ Nonei e hatanian ranga hatagalaia iahana luman lotu turu Jiu. Kaba pöata te hengo naien e Prisila mere Akuila ba nori e lue ren me haröte rien a mouna koru a markato tere Sunahan.

Aposol 18:26 Iomraidhean Croise

U Bulungana u Niga tere Iesu Kristo te kolotein e Mak 10:15

Alia e hatei hamana koru ragou limiou, a katuun tema hengo hanige nei u raranga tere Sunahan temar hengo uana a pien, a katuun teka ema antunan tasu nei tara Nipepeito tere Sunahan.”

U Bulungana u Niga tere Iesu Kristo te kolotein e Luk 19:26

Ba nonei e ranga palisina, ‘Alia e ranga mera goulimiou, a katuun te ka mena a huhua tara toukui i tanen e hala hase roui a maroro tega kui menaien ta huhua lel. Kaba katuun te möa ta huhua tara toukui i tanen e luba noa has naroui a matsi ka pinopino te ka menen.

U Bulungana u Niga tere Iesu Kristo te kolotein e Luk 24:27

Be Iesu e hatarare raneien u mamana u raranga turu Buku u Göagono te hatei nanen, e taniama tara man buku te kolotein e Mosis batemi noana tara man raranga ti kolotein u propet hoboto.

U Bulungana u Niga tere Iesu Kristo te kolotein e Jon 7:17

A katuun te ngilin kukuteiena u raranga tere Sunahan e atei sil peise nou u hihatuts teka e la nama tere Sunahan tsi e la peisa nama i tar.

Aposol 14:3

Kaba e Pol mere Banabas i kei a pöata a ngahangaha i Aikoniam, na nori i tagala mei ti hatei menaien u raranga tara Tsunono. Ba Tsunono e hatagala ranen ba nori e katoeier u mamana u mirakol. Tara ka teka, a Tsunono e haröto raien u rangan hitaguhu i tanen e mana koru.

Aposol 18:18

E Pol e gamon ka lel ia i Korin, ba nonei e raranga haniga merena u kristen, me töan lana. Ba nonei e osana tara tolaala tega la uaien tara provins i Siria. E Prisila mere Akuila i la gono meien. Tara taun i Senkria nonei e kuli ban a hulunen, te mar ranga hamana uaien tere Sunahan.

Aposol 18:25

Nonei i hatutse ii a maroro tara Tsunono, na nonei e tagala sil korui a Tsunono. Nonei e roron hatuts hamatskö rai u katuun a manka tere Iesu te hengo naien. Kaba nonei e atei sil peisa lasi a man hihatuts tere Jon a Tsonun Baptais.

Aposol 19:8

Be Pol e tasu uana iahana luman lotu turu Jiu, ba tara topisa a tsihou, nonei e rangan töa lasiin u Bulungana u Niga. Nonei e ranga hatagala meraien me torohanan hatakeiena u hakhakats u niga i taren tara Nipepeito tere Sunahan.

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 8:31

Ba katuun teka e kato uana, “Tema hale noi lia ta katuun ta niatei, ime temar atei uagou lia?” Ba nonei poeiena tere Pilip, “Alö go seima balö te gum gono memou lia.” Be Pilip e seina me gum gono menen.

1 Korin 12:21

U mata ema antunan pei nei turu ualima, “Alia ema ngile gi lö.” Na u baku ema antunan pei nei turu mou, “Alia ema ngile gi lö.”

1 Korin 3:18

Alimiou goma gamoemi a peisamiou. Te peiena a töa i tamilimiou nonei e atei koruna tara markatona i puta, nonei e tatei kato here nanei a peisanen a katuun a tutu, ba nonei te töan luena a niatei hamana.

1 Korin 8:2

A katuun te poeiena e atei koruna ema atei haniga sil noe nei a manka.

Hibru 6:1

Aragi hatakui talei a man hihatuts pan bate hapolasera a markato te taatate tuun menari a man hihatuts tutuun tere Kristo. Ara i solon atei sil hakapi a man hihatuts tutuun teka, hena: Aragi habirits ban a markatona i tarara i manasa tema la gono menei a nitöatöa tere Sunahan, na aragi hamana uu tere Sunahan, na aragi kukute u hihatutsina te lu menari a baptais na te hatakopo menari ualima tara katuun, na ragi kukute u hihatutsina te takei pouts uaria tara tou mate na u hihatutsina te lu menari a nihahuna te ka nitöana. Kaba, ra gima tatei kaan töa mei a man raranga tutunina i manasa. E möa.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita