Aposol 18:24 - U Bulunagana U Niga

²⁴ A töa Jiu a toun Aleksenria emi kaia i Epesis. A solonen e Apolos. Nonei a katuun te roron katoi a man ranga a man niga, na nonei e atei sil koru hasi u raranga tere Sunahan te kana turu Buku u Göagono.

Aposol 18:24 Iomraidhean Croise

Matiu 13:52

Ba nonei e poeiena i taren, “U tson hihatuts hoboto tara Lo, na limiou u katunun tsitsilo has i tar tara Nipepeito tere Sunahan, alimiou e heremi a katuun terena luma te lue nama a manka a man tsimus na manka man toutounei tara makumun haputu i tanen.”

U Bulungana u Niga tere Iesu Kristo te kolotein e Luk 24:19

Be Iesu e rangatana, “A man saha manka?” Ba nori e ranga palise ren me poeier, “A manka te butuia tere Iesu a toun Nasaret. A katuun teka a propet, na nonei e kato a man ranga man tagala na man mirakol has. Nonei a tson hihatuts a tagala i matana e Sunahan na u katuun hoboto.

Aposol 18:19

Pöata tina tukuien tara taun i Epesis, be Pol e laba rena ere Prisila mere Akuila. Ba nonei e tasu pepeisana iahana luman lotu turu Jiu mena hiararanga gono mera iena u Jiu.

Aposol 18:21

Kaba tara pöata te katsin laien be Pol e ranga haniga pouts mera nen me poeiena, “Turu ngil tere Sunahan, balia tena la pouts guma romana i tamilimiou.” Ba nonei ena osana tara tolaala me laba nena i Epesis.

Aposol 18:28

Nonei e tagala koru mei te ranga palis uaien, bate pitaputa koru hasena u ranga hasoala turu Jiu i matar u katuun hoboto. Bate haröto ranen turu Buku u Göagono, e Iesu nonei e Mesaia.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 27:6

Tara taun teka a tsunono turu soldia e sabei a töa tolaalana i Aleksenria te la uu i Itali, ba nonei e hosa ranou lam.

Aposol 6:9

Ba palair u katuun e tanian raharaher e Stiven. Nori a pal katuun tara töa luman lotu turu Jiu ti ngöei a luman lotu turu Friman. Nori u katunur i Sairini na i Aleksenria na i Silisia na i Eisia.

Aposol 7:22

Be Mosis e hatutseri a mamana niatei a niga turu katunura i Itsip, na u raranga na toukui i tanen e tagala koru.

1 Korin 1:12

Alia e mar ranga uagu teka taraha, a man tötöa i tamilimiou e poeier, “Alia e kukutiegu e Pol,” na palai e poeier “Alia e kukutiegu e Apolos,” tsi “Alia e kukutiegu e Pita,” tsi “Alia e kukutiegu e Kristo.”

1 Korin 16:12

Na tere Apolos, alia u ranga hatagala koru meien tegana tara gono meraien limiou a palair u hatoulana. Kaba nonei ema hakatsin la noa namei. Nonei ena la nama romana tega ka meien ta pöata.

1 Korin 4:6

A matsi hahatoulana, a man raranga teka te kato beregu lei lia limiou e hatei nena e Apolos na lia. Alimiou go röteiam a markato i tamulam bate kukute hasemiou u Buku u Göagono. Alimiou goma soloseiemi a töa bate omiemiou a tabi. E möa.

2 Korin 10:10

A palai i tamilimiou e pei toume riou, A man pas tere Pol e ka mena u raranga u tagala koru, kaba te ka gono mera nen ra, nonei a katuun a pata siba na u ranga i tanen ema ka menei ta nitiama.

Kolosi 3:16

U raranga tere Kristo ega ka nitöaia i torimilimiou bate hatakuieiena a mamanaka a niga. Hatuts rami u katuun a mamana niatei a niga ba nori te kukutie ren. Ba limiou te kömemiou u sam na u köman lotu na u köma te hatakeiena u namnamei u göagono i torimilimiou. Tara pöata te köma mia limiou, ba torimilimiou te haniga has uana tere Sunahan.

Taitus 3:13

Alö ena taguhu korue mou e Sinas a katuun a atei tara Lo ne Apolos has, tara nilala i taren. Nori egi ka hantue mei a mamanaka ba nori te töan lar.