Aposol 18:22 - U Bulunagana U Niga

²² Pöata tena sung ia a tolaala tara taun i Sisaria, be Pol e lase uana i Jerusalem mena tara rena u kristen, ba nonei e töan la uana i Antiok.

Aposol 18:22 Iomraidhean Croise

Aposol 10:1

Tara taun i Sisaria e ka mei a töa katuun a solonen e Konilius, a tsunono te mamin a töa pala turu ami ra i Itali.

Aposol 10:24

Nori i sohoia i maroro, ba turu hamahö ba nori ena tuku ria i Sisaria. E Konilius e ngö gögono hakaper a sungutu nen na man hahikapien has i tanen, ba nori e hahaloso raren.

Aposol 11:11

“Ba nonei tara pöata, a topisa katuun emi butuna tara luma tu kaia lia. A töa katununa i Sisaria e tula mera meien i tar.

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 14:26

Ba nori e osa ria tara tolaala me lauaier i Antiok na i Siria, a taun ti tanie men a toukui ti kato hakape men.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 15:30

Ba u kristen e tula raren ba nori e la uaier i Antiok. Nori i goner u kristenira i Antiok ba nori e hala rarien u pas teka.

Aposol 15:35

E Pol mere Banabas i ka hasia i Antiok. Nori i kui gono mer a palair u katuun u para ti hatuts meraien u katuun na ti hatei menaien u Bulungana u Niga tara Tsunono.

Aposol 15:4

Pöata tina tukuien i Jerusalem, u aposol na pal kapan na palair u kristen i sasaala koru meraien be Pol mere Banabas e hatei rarien a mamanaka te kato gono meraien e Sunahan.

Aposol 23:23

Ba tsunono turu soldia e ngörena a huol a kapten i tanen me poeiena, “Lui a 200 tara soldia, na 70 turu katunura turu hos, na 200 turu katunura turu saka, ba limiou te takei mou i 9 kilok bate la mou i Sisaria tara bong i romana.

Aposol 25:1

E Pestus e la hakapa uama i Sisaria tegomi tara kap menaien a provins i tanen, ba i murina u topisa u lan ba nonei e laba nenama i Sisaria me kete sei uana i Jerusalem.

Aposol 25:9

Kaba e Pestus e ngilin kato hasasaaler u Jiu. Ba nonei e rangatena e Pol, “Alö e ngilin la uam i Jerusalem balia tena hengoe goua u kout i tamölö i Jerusalem?”

Aposol 8:40

E Pilip ena butuia tara taun i Asdot te tataala silaien ba nonei e hatei lanena u Bulungana u Niga tara mamana taun, antunaia te na butuien tara taun i Sisaria.