Aposol 18:21 - U Bulunagana U Niga

²¹ Kaba tara pöata te katsin laien be Pol e ranga haniga pouts mera nen me poeiena, “Turu ngil tere Sunahan, balia tena la pouts guma romana i tamilimiou.” Ba nonei ena osana tara tolaala me laba nena i Epesis.

Aposol 18:21 Iomraidhean Croise

Matiu 26:39

Ba nonei e gamon lana me tuhalakopo nena turu tsiktsiki me singona, “O Tamar, tego antuna ialö, balö te hatongo kap bane milia a kamits teka te katsin butuna i tar. Kaba alö goma kato uai turu ngil i tar. Alö go markato uu turu ngil i tamölö.”

U Bulungana u Niga tere Iesu Kristo te kolotein e Mak 6:46

Pöata te hala hakapa raien u katuun ba nonei e kete uana turu pokus tegona singo uaien tere Sunahan.

U Bulungana u Niga tere Iesu Kristo te kolotein e Luk 9:61

Ba tabi e poeiena, “Alia e kukute gou lö, O Tsunono. Kaba lö go hala buna moulia ba lia tena röto polasa buguma tara pala i tar.”

Aposol 18:19

Pöata tina tukuien tara taun i Epesis, be Pol e laba rena ere Prisila mere Akuila. Ba nonei e tasu pepeisana iahana luman lotu turu Jiu mena hiararanga gono mera iena u Jiu.

Aposol 18:20

Kaba tara pöata ti rangata naien tega gamon ka buen ba nonei e ramana.

Aposol 18:24

A töa Jiu a toun Aleksenria emi kaia i Epesis. A solonen e Apolos. Nonei a katuun te roron katoi a man ranga a man niga, na nonei e atei sil koru hasi u raranga tere Sunahan te kana turu Buku u Göagono.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 19:17

Ba u Jiu na u Grik hoboto ti kaia i Epesis e hengo ner a ka teka, ba nimatout a kapan e butuna turu katuun hoboto, ba nori e soloseier e Iesu a Tsunono.

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 20:16

E Pol e hakatsin tego la sokö ba menaien a taun i Epesis ba nonei tema antunan gamon ka bunei tara provins i Eisia. Nonei e ngilin hasesei sil tega antunan na butu uaien i Jerusalem i mamuna u Pentikos.

Aposol 21:14

Nonei e tagala sil koru tega la uaien ba lam e hanöam me poeiem, “E Sunahan e tatei kato mena neien turu ngil i tanen.”

Aposol 21:29

Taraha nori i tara mami e Tropimas a toun Epesis me tara gono merien e Pol iahana taun, ba nori i poeier e Pol e la gono meien i Luman Lotu Pan.

U pas te koloto menai e Pol turu kristenira i Rom 1:10

Alia e singo silegu tere Sunahan tego sabe menaien ta maroro i tar, balia te la uagou i tamilimiou.

U pas te koloto menai e Pol turu kristenira i Rom 15:32

Te haniga noa e Sunahan, balia tena butu megoua a nisasaala pan i tamilimiou, ba ra te sasaala hobotora.

1 Korin 15:32

Sanena lia tu hiatatung peisa mei a nitagala i tar, gono mer u enimol u hie ra i Epesis, alia ena lui gou aha? Tema hatakei pouts raroia u katuun ti mate, “Aragi töa nou bate uara, taraha i mahö bara te matera.”

1 Korin 16:7

Alia ema ngilin tara meragi limiou ats tabubun pöata puku, alia e ngilin ka halehana gono mera goulimiou, temar ngil uana a Tsunono.

1 Korin 16:8

Kaba lia e ka mam goua i Epesis e antunana tara pöata turu Pentikos.

1 Korin 4:19

Kaba alia e la hasesei uagou i tamilimiou tega ngil u a Tsunono. Ba lia tena tara peisa gou tegi ka menai u katuun u hihipus a nitagala tega popoia turu ranga i taren.

2 Korin 13:11

Matsi hahatoulana, alia e hakapa talegu u raranga i tar. Alimiou go torohana hatagala koruiam tego matskö koru uaiam limiou. Hengo taleiam u raranga i tar. Na limiou go hia tangtanganaiam bate ka haniga hobotomiou. Alimiou go markato uaiam teka be Sunahan te ka gono mera nou limiou, taraha nonei a mouna a markato te hiangilngil uaier na te hiakaka haniga uaier.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

Hibru 6:3

Tega haniga naia e Sunahan a ka teka bara te luera u hihatuts u kapan.

Jemis 4:15

Alimiou go pei lasiam, “Te go ngil uu e Sunahan bara te tatei ka lel riou bate katoera a ka teka tsi a ke li.”

1 Pita 3:17

Te tus raira e Sunahan aragi sagoho kamits, e nigana. Na te kamits merara te katoe rara a markato a omi, e niga hasina. Kaba te kamits merara te katoe rara a markato a niga, a ka teka e niga balana.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 2:1

A katuun tu tari lia e pei hasi i tar, “Alö go koloto menai u raranga teka tara angelo tara hun katuun tere Kristo te ka ria i Epesis: “U ranga teka nonei u raranga tara katuun te pile nena a tohit a pitopito turu ualima u pal matou i tanen, na te hula hahis hasna i gusuna u tohit u lam goul.