Aposol 18:19 - U Bulunagana U Niga

¹⁹ Pöata tina tukuien tara taun i Epesis, be Pol e laba rena ere Prisila mere Akuila. Ba nonei e tasu pepeisana iahana luman lotu turu Jiu mena hiararanga gono mera iena u Jiu.

Aposol 18:19 Iomraidhean Croise

Aposol 18:20

Kaba tara pöata ti rangata naien tega gamon ka buen ba nonei e ramana.

Aposol 18:21

Kaba tara pöata te katsin laien be Pol e ranga haniga pouts mera nen me poeiena, “Turu ngil tere Sunahan, balia tena la pouts guma romana i tamilimiou.” Ba nonei ena osana tara tolaala me laba nena i Epesis.

Aposol 18:24

A töa Jiu a toun Aleksenria emi kaia i Epesis. A solonen e Apolos. Nonei a katuun te roron katoi a man ranga a man niga, na nonei e atei sil koru hasi u raranga tere Sunahan te kana turu Buku u Göagono.

Aposol 18:4

Turu mamanu Lan u Göagono turu Jiu e Pol e la uu turu luman lotu i taren bate ranga gono mera nen. Nonei e ngilin habuti u nihamana u niga turu Jiu na turu katunura i Grik has.

Aposol 19:1

Tara pöata te kaia e Apolos tara taun i Korin, be Pol e silana tara makum te ka mei a man pokus ba nonei ena butuna i Epesis, tena sabe raien a palair u kristen.

Aposol 19:17

Ba u Jiu na u Grik hoboto ti kaia i Epesis e hengo ner a ka teka, ba nimatout a kapan e butuna turu katuun hoboto, ba nori e soloseier e Iesu a Tsunono.

Aposol 19:26

Na katuun teka e Pol e habirits hakapi u hakats tara katuun a parpara be poeiena, ‘U kesa te kuieri ualima ema got hamanari.’ Alimiou u tare men na limiou u hengo hakapa hase men. Nonei ema markato peisa uai teka i Epesis. E möa. Nonei e kato hasema a man ranga teka tara han a parpara koru iahana provins teka i Eisia.

Aposol 19:28

Pöata ti hengoeien u raranga teka ba nori e raharaha korur. Ba nori e kur me poeier, “E Atemis a tetahol i tarara u katunura i Epesis te pan koruna!”

Aposol 19:35

Ba töa katuun pan ni Epesis e kato hakakamoto rena u katuun me poeiena, “Ara u katunura i Epesis, u katuun hoboto e atei siler i Epesis nonei a taun te tara kap nena a luman lotu tara tetahol pan e Atemis, na taun has tara hatu a göagono te rusma i Kolö.

Aposol 20:16

E Pol e hakatsin tego la sokö ba menaien a taun i Epesis ba nonei tema antunan gamon ka bunei tara provins i Eisia. Nonei e ngilin hasesei sil tega antunan na butu uaien i Jerusalem i mamuna u Pentikos.

Aposol 20:17

Tara pöata tu tukuia lam i Mailitas, be Pol e hala mena nei u ranga i Epesis. Nonei e ngör a pal kapan turu kristen egi la uama i tanen.

Aposol 21:29

Taraha nori i tara mami e Tropimas a toun Epesis me tara gono merien e Pol iahana taun, ba nori i poeier e Pol e la gono meien i Luman Lotu Pan.

1 Korin 15:32

Sanena lia tu hiatatung peisa mei a nitagala i tar, gono mer u enimol u hie ra i Epesis, alia ena lui gou aha? Tema hatakei pouts raroia u katuun ti mate, “Aragi töa nou bate uara, taraha i mahö bara te matera.”

1 Korin 16:8

Kaba lia e ka mam goua i Epesis e antunana tara pöata turu Pentikos.

Epesis 1:1

Alia e Pol, a töa aposol tere Iesu Kristo te hopö kapiin e Sunahan. Alia e koloto menagi u pas teka i tamilimiou u katuun tere Sunahan te ka mia tara taun i Epesis, alimiou u katuun te hamana nitöa uamiou tere Iesu Kristo.

1 Timoti 1:3

Tara pöata tu la uu lia tara provins i Masedonia, alia u ngili alö go kakaia tara taun i Epesis, ba lö te hapiou rem a palair u katunura i Epesis te hihatuts ner u raranga u gamo.

2 Timoti 1:18

Na lö e atei haniga sil hasem temar taguhu menaien lia i Epesis. A Tsunono e tatei hanige nen tegona sabe menaien a nitaatagi tara Tsunono turu Lan Pan te la nama.

2 Timoti 4:12

Alia u hala hakapa menalei e Tikikus i Epesis.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 2:1

A katuun tu tari lia e pei hasi i tar, “Alö go koloto menai u raranga teka tara angelo tara hun katuun tere Kristo te ka ria i Epesis: “U ranga teka nonei u raranga tara katuun te pile nena a tohit a pitopito turu ualima u pal matou i tanen, na te hula hahis hasna i gusuna u tohit u lam goul.