Aposol 18:12 - U Bulunagana U Niga

^12-13 Kaba tara pöata te gamman ia e Galio i Gris, ba u Jiu e takei hobotor mena luerima e Pol. Ba nori ena piou narien turu kout me poeier, “A katuun teka e roron hatuts ranei u katuun tegi kato menaien u mar lotu tere Sunahan tema matskö neia tara Lo i tamulam u Jiu.”

Aposol 18:12 Iomraidhean Croise

Matiu 27:19

Tara pöata te gum noaia e Pailat turu kout, ba tahol i tanen e hale neien u raranga me poeiena, “Alö goma katoei ta ka tara katuun teka. Alia e tare gulen turu sinasoho i tar i bong, balia e toku korugu. Taraha nonei e möa ta töa taka ta omi i tanen.”

U Bulungana u Niga tere Iesu Kristo te kolotein e Jon 19:13

Pöata te hengoeia e Pailat u ranga teka banonei e lu halakasa mena nei e Iesu ielesala me gumna turu gumgum tara tson onuna turu raranga tara makum ti ngöei turu HaHibru i Gabata.

Aposol 13:12

Pöata te tareia e gamman a ka teka ba nonei e töan hamanana. Nonei e asingoto koruni u hihatuts tara Tsunono.

Aposol 13:50

Kaba palair u Jiu i hatakei a raharaha tara touhaliouna turu lotu ti ka mei a solo pan, na turu tsunono has tara taun teka, ba nori e tanian kato homi rer ere Pol mere Banabas. Ba nori e tsuga ba rarien tara han i taren.

Aposol 13:7

Nonei e ka gono mei a katununa tara gamman tara tolo teka, a solonen e Setsius Paulus, a katuun te ka mei a niatei a niga. Be Setsius Paulus e ngö rena ere Banabas mere Sol, taraha nonei e ngilin hengoen u raranga tere Sunahan.

Aposol 13:8

Kaba e Elimas ema ngil raien me torohanan habiritsena u hakats tere Paulus ba nonei tema hamana uanei tara Tsunono.

Aposol 14:19

Kaba a palair u Jiu turu taun i Antiok na i Aikoniam i lama, memi kato homier u hakats turu katuun. Ba nori e ti homi korueri e Pol u hatu, ba nori e las halakasa ba narien a taun. Nori i pei nonei e mate hakapa, ba nori e laba naren.

Aposol 14:2

Kaba palair u Jiu i ma hamana ii, ba nori e hatakeier a hiaraharaha turu katuun tema Jiu ri, ba nori e tori hasoala raren

Aposol 17:13

Kaba pöata ti hengoeia u Jiu ra i Tesalonaika e Pol e habulunganein u raranga tere Sunahan i Beria has, ba nori e la uarima i Beria memi hatakei haser a raharaha turu katuun teka.

Aposol 17:5

Kaba u Jiu i hiomi ba nori e gono hoboto rarima u katuun u karous u omi ti roron ka pinopino laia tara töana memi gono hobotor me katoeier a töa hun katuun, ba nori e getar me hasingoto rer u katuun hoboto tara taun. Ba nori emi heleier a luma tere Jeson ti sake meraien ere Pol mere Sailas bate la meraren turu katuun ti gono.

Aposol 18:11

E Pol e kaia i Korin u töa u hiningal na tönomo a tsihou, te hihatuts naien a man raranga tere Sunahan.

Aposol 18:27

Tara pöata te katsin laia e Apolos tara provins i Gris, ba u kristenira i Epesis e hale rien u rangan hitaguhu tara nilala i tanen. Nori i koloto has menai u pas turu kristenira i Gris tegi tatei lu haniga menaien. Be Apolos ena tukuna i Gris, me taguhu hatagala koru rena u katuun ti hamana te taatagi meraien e Sunahan.

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 25:10

Kaba e Pol e pei, “A luma teka te tuol gia lia i romana nonei a luman kout tara gamman pan e Sisa. A luma lasi teka nonei a makum te tatei hengoe ria u kout i tar. Alö u atei hakapa, alia uma katoe ii ta töa ta ka ta omi turu Jiu.

U pas te koloto menai e Pol turu kristenira i Rom 15:26

Taraha, a hun katuun tere Kristo i Masedonia na i Gris e hala naier u moni tegina taguhu merai u katuun tere Kristo i Jerusalem ti möa ta ka.

U pas te koloto menai e Pol turu kristenira i Rom 16:5

Batena hala has namou a niniganiga i tar turu kristen te roron hagum hoboto ria tara luma i taren. A niniganiga has i tar tere Epinitus a tsomi koru i tar. Nonei a katuun tutuun tara provins i Eisia te hamana uu tere Kristo.

1 Korin 16:15

Bara a matsi hahatoulana alimiou e atei silemiou e Stepanas na pal katuun i tanen. Nori u katunura i Gris ti hamana tutuun uu tere Kristo. Turu ngil peisa i taren ba nori te taguhu koru rer u katuun tere Sunahan.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

2 Korin 11:10

Alia e hatei hamana ragia limiou tara solo tere Kristo, u ranga te hatei la nena a markato teka i tar ema hapiou naria tara man han i Gris.

2 Korin 11:26

Tara man tou lala i tar, a ka a para e torohanan kato homi naiou lia: a man ramun te saputu piou, u kopkop, na u Jiu, na u katuun tema Jiu ri. A man nomi e butu has ia i tar tu kaia lia tara man taun na tara makum a palaka na i tasi has. Na u hatoulana na u hahahinana gamogamo i tar i torohanan kato homi haseiou lia.

2 Korin 9:2

Alia e atei silegu alimiou e ngilin taguhu ramen. Pöata tena ranga goua lia tara tei Masedonia, alia ena ranga sesei nitöa ragou limiou bate poeiegu, “A matsi hahatoulana tere Kristo tara provins i Gris i ngilin hala noa hasiin a monin hitaguhu turu hiningal te la hakapa.” U ngilin hitaguhu i tamilimiou e kato has ranen ba nori te ngilin hitaguhu hasir.

1 Tesalonaika 2:14

A ka te butuia i tamilimiou e butu hasia turu Jiu te hamana uaier tere Kristo. U Jiu i kato homir u katuun i Judia te hamana uar tere Iesu Kristo, na u katuun pouts has i tamilimiou e kato has uar iesana i tamilimiou.

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.

Jemis 2:6

Kaba alimiou e sigala ramiou u katuun papala. U tson moni nori te pitaputa rariou limiou bate kout rariou limiou.