Aposol 17:7 - U Bulunagana U Niga

⁷ Be Jeson e las hagum ranen i luma i tanen. Nori e hipus ner a lo tere Sisa, a gamman pan i tarara, ba nori e poeier a tana katuun a solonen e Iesu te kingina.”

Aposol 17:7 Iomraidhean Croise

U Bulungana u Niga tere Iesu Kristo te kolotein e Luk 10:38

E Iesu na u katunun tsitsilo i tanen i la uu tara maroro mena butu ria tara töa han, ba töa tahol a solonen e Marta e lu mera neien tara luma i tanen.

U Bulungana u Niga tere Iesu Kristo te kolotein e Luk 23:2

Ba nori e tanian kout ner e Iesu me poeier, “Alam u tari a katuun teka e kato hatuturi u katuun i tamulam turu hihatuts i tanen. Nonei e ranga hapiouni tego hala menai lam a takis tere Sisa. Na nonei e roron ngöe nei a peisanen e Mesaia, a king.”

U Bulungana u Niga tere Iesu Kristo te kolotein e Jon 19:12

Pöata te hengoeia e Pailat a ka teka ba nonei e ngil korueiena tega hapurese menaien e Iesu bate lana. Ba u Jiu e kur me poeier, “Te hapurese moua lö a katuun teka bate lana, alö ema hahikapien lel uamoi tara gamman pan e Sisa! A katuun te poeiena nonei a king e paköena e Sisa.”

Aposol 16:21

Nori emi hihatuts has ner a markato te hapiou nena a lo i tarara. Ara ema tatei hanige rei a ka teka, taraha ara a tei Rom.”

Aposol 17:5

Kaba u Jiu i hiomi ba nori e gono hoboto rarima u katuun u karous u omi ti roron ka pinopino laia tara töana memi gono hobotor me katoeier a töa hun katuun, ba nori e getar me hasingoto rer u katuun hoboto tara taun. Ba nori emi heleier a luma tere Jeson ti sake meraien ere Pol mere Sailas bate la meraren turu katuun ti gono.

Aposol 17:8

U katuun na pal kapan tara taun i hengoein u ranga teka, ba nori e toku korur.

Jemis 2:25

Na e markato has uana iesana tara pöata tere Rehap a tahol tema Jiu ii e hapolasa ba hasiin a markato te lulu tson uaien i manasa. Nonei e lasir a pal tson te hala rema e Josua mena hamous ranen me hala kopis pouts ranen tara tana maroro. Be Sunahan e ngöe neien a tahol a matskö i matanen te markato haniga uaien teka.

1 Pita 2:15

Taraha, e Sunahan e ngilena alimiou go kato hanigaiam bate kato hakakamoto remiou u katuun u tutu te roron ranga homi rariou limiou.