Aposol 17:32 - U Bulunagana U Niga

³² U katuun i hengo hakapi u raranga tere Pol. Ba pöata ti hengo naien a katuun e takei poutsia tara tou mate, ba palai e gol hahamana naren. Kaba palai i pei, “Alam e ngilin hengoem u raranga i tamölö tara tana pöata.”

Aposol 17:32 Iomraidhean Croise

U Bulungana u Niga tere Iesu Kristo te kolotein e Luk 14:18

Ba nori hoboto e ramar, me katoeier u mamana u mar ranga tegima la uaien tara kannou. A töa katuun e ranga mei a katunun kui, ‘Alia u holi a töa kui, na lia ena ngilin tara nagen. Alia e rangate goulö, alö go haniga tegoma la uai lia.’

U Bulungana u Niga tere Iesu Kristo te kolotein e Luk 22:63

Ba u katuun ti tara kapiin e Iesu e hahakos naren. Ba nori e kitser a matanen me muke ren me rangate ren, “Alö a propet? Bara, esi te muke lalou lö?”

U Bulungana u Niga tere Iesu Kristo te kolotein e Luk 23:11

Be Herot na u soldia i tanen e hahakos ner e Iesu me maman ranga naren. Ba nori e hasei rien u hasobön king me hala pouts mena rien tere Pailat.

U Bulungana u Niga tere Iesu Kristo te kolotein e Luk 23:36

Na u soldia has i hahakos naien. Ba nori e la hasusuku uaruma i tanen me torohanan haue rien u uain u melil me poeier, “Tego King uu lö turu Jiu, bara, taguhu talei a peisamölö!”

Aposol 13:41

‘Alimiou u katuun te hahakosmiou, alimiou go taraiam, bate asingoto miou, bate töan tiamiou! Alia e katoegu a töa a toukui. Na te hatei haniga ranoua limiou ta töa ta katuun tara toukui teka, ba limiou tema hamana noahas moi.’” E Pol e mar ranga uu teka me töan hakapana.

Aposol 17:18

Nonei e hiararanga gono has mer u tson hihatuts turu huol u mar hihatuts ti ngöe ii u Epikurian na u Stoik. Ba palai e poeier, “Aha nonei te ranga nena a katuun a borera teka?” Ba palai e poeier, “Nonei e ranga toum nena a tana got halhal.” Nori i mar ranga uu teka, taraha e Pol e hatei raien e Iesu me poeiena nonei e takei poutsia tara tou mate.

Aposol 17:31

Taraha, nonei e hopö kapiin u lan tego butuma u kout i tanen, tara pöata teka ba nonei te hala nanou a nitsunono i tanen tara katuun te hopö kap mam naien. Na katuun teka e ona hamatskö hoboto ranou u katunura i puta. Be Sunahan te haröto rena u katuun hoboto te mana uana a ka teka, taraha nonei e hatakei poutsi a katuun teka tara tou mate.”

Aposol 17:33

Be Pol e laba nena u hagum teka.

Aposol 2:13

Kaba palai i ranga hamatsingolo raien me poeier, “U katuun teka e tutu mer a uain.”

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

Aposol 25:19

Nori i raharaha meien a manka lasi turu lotu peisa i taren na tara töa katuun te mate, a solonen e Iesu. Be Pol e poeiena e Iesu e töatöa noahasina.

Aposol 26:8

Ga e ha tsiponina balimiou te pei miou, ‘Ara ema hamana rei tego tatei hatakei pouts menai e Sunahan u katuun ti mate?’

1 Korin 1:23

Kaba lam e hihatuts nem te mate uu e Kristo tara kuruse. U Jiu ema hanigeri u hihatuts teka, na u katuun tema Jiu ri e poeier, e tutuna.

1 Korin 15:12

Tu hahatei menai lam e Kristo e takei poutsia tara tou mate, ga taraha ba palai i tamilimiou te poeier a katuun te matena ema antunan takei pouts nei?

1 Korin 4:10

Alam e heremi u katuun u tutu i matara u katuun te hengo mena milam e Kristo, kaba e noahasina alimiou u katuun u atei tere Kristo. Alam ema tagalami, kaba e noahasina alimiou e tagala korumiou. U katuun e sigala rariou lam bate hapan rariou limiou.

2 Korin 6:2

Taraha nonei e pei, “Tara pöata tu taatagi raia lia u katuun, alia u hahengo uu i tamilimiou, na turu lanin hilu pouts, alia u taguhu raiou limiou.” Tara, i romana, nonei a pöata a niga te kato haniga renara e Sunahan. Tara, nonei a pöata te tatei lu pouts ranouara e Sunahan.

Hibru 11:36

Ba palair u katuun i golgol silir me lahus raier, ba palai e kits rari a tsien me haka raria tara karabus.

Hibru 13:13

Aragi laban a han te ka rara bate la uara tere Iesu ielesala, bara tena söata haseiera a nimatsingolo timar hamatsingolo has menai u katuun e Iesu.