Aposol 17:2 - U Bulunagana U Niga

² Be Pol e tasu na tara luman lotu turu Jiu te roron markato uaien, ba turu topisa u Lan u Göagono be Pol e ranga mera nen me hatei nena u Buku u Göagono.

Aposol 17:2 Iomraidhean Croise

Matiu 26:24

Alia tu butun Katunuma e mar mate uagou temar ranga uana u Buku u Göagono. Kaba a niomi pan e butuna romana tara katuun te haröto nanou lia turu katuun ti korupakö naiou lia. E niga bala nena a katuun teka egima mala posei.”

U Bulungana u Niga tere Iesu Kristo te kolotein e Luk 4:16

E Iesu e la uu i Nasaret, a taun te pan ien. Ba turu Lan u Göagono turu Jiu nonei e la uu i luman lotu, te roron markato uaien. Ba nonei e tuol silena tego rit menaien u Buku u Göagono.

U Bulungana u Niga tere Iesu Kristo te kolotein e Jon 18:20

Be Iesu e poeiena i tanen, “Alia u roron rangaia i matar u katuun. Na lia u roron hihatutsia tara man luman lotu a man tetenei na tara a Luman Lotu Pan, a man makum ti roron gono hobotoia u Jiu. Alia uma ranga hamousi.

Aposol 13:14

Kaba nori i la noa mena butu ria tara taun i Antiok tara provins i Pisidia. Ba turu lanin lotu ba nori ena tasu ria tara luman lotu turu Jiu, mena gumur.

Aposol 13:5

Ba nori ena tuku ria tara taun i Salamis me habulungana laner u raranga tere Sunahan turu luman lotu turu Jiu. Nori i ka gono has mei e Jon Mak te taguhu raien.

Aposol 14:1

A markato teka e takato has ia tara taun i Aikoniam, e Pol mere Banabas i tasu ia tara luman lotu turu Jiu me hatei ner u ranga. Nori i hatein u raranga u niga ba u katuun u parpara turu Jiu na turu Grik e hamanar.

Aposol 17:10

Ba tara bong turu lan teka bu katuun ti hamanaia tere Iesu e hala ba merari ere Pol mere Sailas tara taun i Beria. Ba pöata ti tuku hakapa ien i Beria ba nori ena tasu ria tara luman lotu turu Jiu.

Aposol 17:17

Be Pol e hia e ele gono merena u Jiu na u katuun tema Jiu ri ti hatsunoni e Sunahan tara luman lotu. Na turu mamana u lan nonei e hiararanga gono has mer u katuun ti kaia tara töana.

Aposol 18:4

Turu mamanu Lan u Göagono turu Jiu e Pol e la uu turu luman lotu i taren bate ranga gono mera nen. Nonei e ngilin habuti u nihamana u niga turu Jiu na turu katunura i Grik has.

Aposol 19:8

Be Pol e tasu uana iahana luman lotu turu Jiu, ba tara topisa a tsihou, nonei e rangan töa lasiin u Bulungana u Niga. Nonei e ranga hatagala meraien me torohanan hatakeiena u hakhakats u niga i taren tara Nipepeito tere Sunahan.

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

Aposol 28:23

Ba nori e hakeier u lan tegi gono hoboto meien e Pol, ba u katuun u parpara e la uarima tara makum te kaia e Pol. Tara bongbong mena antunena a lahibong nonei e ranga hatararein a Nipepeito tere Sunahan. Nonei e kato sil tega antunan palis meien u hakats i taren tere Iesu, bate hatei raneien u raranga te kana tara Lo tere Mosis na u raranga turu propet.

Aposol 8:35

Be Pilip e tania na tara makumun raranga teka te kaia turu Buku u Göagono, me hatei nena u Bulungana u Niga tere Iesu.

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

1 Korin 15:3

Na lia u hala rai limiou u raranga u kapan koru tu lu mami lia te markato uana a ka teka, e Kristo e mate sil a man markato a man omi i tarara, temar ranga uana u Buku u Göagono.