Aposol 17:13 - U Bulunagana U Niga

¹³ Kaba pöata ti hengoeia u Jiu ra i Tesalonaika e Pol e habulunganein u raranga tere Sunahan i Beria has, ba nori e la uarima i Beria memi hatakei haser a raharaha turu katuun teka.

Aposol 17:13 Iomraidhean Croise

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

U Bulungana u Niga tere Iesu Kristo te kolotein e Luk 12:51

Ime temar hakats uami limiou? Alia u la silema tegomi hala menai a masalohana i puta? E möa. Alia e ranga mera goulimiou, alia u la silema tegomi lu kaakata merai u katuun!

Aposol 14:2

Kaba palair u Jiu i ma hamana ii, ba nori e hatakeier a hiaraharaha turu katuun tema Jiu ri, ba nori e tori hasoala raren

Aposol 17:1

E Pol mere Sailas i silaia tara taun i Ampipolis na i Apolonia ba nori ena butu ria tara taun i Tesalonaika te kaia a luman lotu turu Jiu.

Aposol 17:10

Ba tara bong turu lan teka bu katuun ti hamanaia tere Iesu e hala ba merari ere Pol mere Sailas tara taun i Beria. Ba pöata ti tuku hakapa ien i Beria ba nori ena tasu ria tara luman lotu turu Jiu.

Aposol 17:5

Kaba u Jiu i hiomi ba nori e gono hoboto rarima u katuun u karous u omi ti roron ka pinopino laia tara töana memi gono hobotor me katoeier a töa hun katuun, ba nori e getar me hasingoto rer u katuun hoboto tara taun. Ba nori emi heleier a luma tere Jeson ti sake meraien ere Pol mere Sailas bate la meraren turu katuun ti gono.

Aposol 20:4

E Pol e la gono mei e Sopata, a katununa tara taun i Beria a pien tere Pairus. A palair u katuun i la gono has meien: ere Aristakus mere Sekundus ri Tesalonaika, na e Gaius tara taun i Debi, ne Timoti, na ere Tikikus mere Tropimas tara provins i Eisia.

Aposol 21:27

Te katsin kapaia u tohit u lan teka, ba u Jiur i han i Eisia e röte ria e Pol i Luman Lotu Pan. Ba nori e kato haraharaha rer u katuun hoboto be pile kap ner e Pol.

Aposol 6:12

Ba nori e hala ner u ranga te kato haraharahir u tsunono na u tson hihatuts tara Lo. Ba nori ena tarer e Stiven me pile kap naren mena piou narien i matana u Kout Pan.

2 Korin 11:26

Tara man tou lala i tar, a ka a para e torohanan kato homi naiou lia: a man ramun te saputu piou, u kopkop, na u Jiu, na u katuun tema Jiu ri. A man nomi e butu has ia i tar tu kaia lia tara man taun na tara makum a palaka na i tasi has. Na u hatoulana na u hahahinana gamogamo i tar i torohanan kato homi haseiou lia.