Aposol 17:11 - U Bulunagana U Niga

¹¹ U Jiu teka ima here rai u Jiu ra i Tesalonaika. U Jiu ra i Beria i hakats halesala koru, kaba u Jiu ra i Tesalonaika i hapiou ni u raranga u tsimus. U Jiu ra i Beria i hengo hanigei u raranga tere Pol, na turu mamana u lan nori i taratara ia turu Buku u Göagono bate sakier tego mana uu raranga teka.

Aposol 17:11 Iomraidhean Croise

Matiu 13:23

Kaba a man ngal ti tsihasa naia turu tsiktsiki u niga e here nei u katuun te hengoer u raranga bate atei sile ren. Ba u raranga te kato hanige iena a markato turu katuun teka: a palai e niga korur, na palai e gamon nigar na palai e niga hatsitabubu tunur.”

U Bulungana u Niga tere Iesu Kristo te kolotein e Luk 1:2

Nori i torohanan hopöön u raranga ti hengo naiara turu katuun ti tahis tutuun gono mei e Iesu Kristo me tareier a manka te katoeien te hahatei nena u hihatuts i tanen.

U Bulungana u Niga tere Iesu Kristo te kolotein e Luk 11:3

Alö go hala ramei lam a kannou na i romana.

U Bulungana u Niga tere Iesu Kristo te kolotein e Luk 16:29

Be Abraham e poeiena, ‘Nori e ka mer a man buku te koloti e Mosis na u propet. A man toulamölö ena tatei hengoe ria u raranga i taren.’

U Bulungana u Niga tere Iesu Kristo te kolotein e Luk 24:44

Ba nonei e poeiena i taren, “Nonei koru a manka teka tu ranga merai lia limiou tara pöata tu ka gono noa meraia lia limiou: a mamanaka ti koloto naia lia tara Lo tere Mosis na tara man buku turu propet na turu Sam ega butu hamana koru.”

U Bulungana u Niga tere Iesu Kristo te kolotein e Jon 3:21

Kaba a katuun te kato hamatsköna e laua nama turu ualesala, ba u ualesala te haröto nanou e Sunahan e hanigeiena a markato i tanen.

U Bulungana u Niga tere Iesu Kristo te kolotein e Jon 5:39

Alimiou e röto nitöa namiou u Buku u Göagono, taraha alimiou e poeiemiou nonei te hala ranoui limiou a nitöatöa te ka nitöana. U Buku u Göagono e hatei noahas na nou lia.

Aposol 10:33

Ba lia e hangö boroboro na goulö, na e niga koru mena te la ua mumalö. Na lam e ka hoboto talamia teka i matana e Sunahan, tegomi hengo menai lam a man raranga hoboto te hale ii lö a Tsunono.”

Aposol 11:1

Tara pöata teka u aposol na u kristen ti kaia i Judia i hengoen u raranga te pei u katuun tema Jiu ri i lu hakapi u raranga tere Sunahan me hanige ren.

Aposol 17:1

E Pol mere Sailas i silaia tara taun i Ampipolis na i Apolonia ba nori ena butu ria tara taun i Tesalonaika te kaia a luman lotu turu Jiu.

Aposol 2:41

U katuun ti hengoe u ranga i tanen bate sasaala meren i baptaisir. E sukusukuia turu 3,000 turu katuun ti baptaisir nonei turu lan teka temi hahonoto gono mer u katunun tsitsilo.

1 Tesalonaika 1:6

Alimiou u kukuteiam a markato i tamulam na Tsunono has. Taraha, alimiou u hengo hanigeiam u raranga i tamulam. U katuun i omi raiou limiou tu hamana uaiam limiou, kaba u Namnamei u Göagono e kato hasasaala noahas raiou limiou.

1 Tesalonaika 2:13

Na tana ka has te roron haniga sile mia lam tere Sunahan. Pöata tu piou naia lam u raranga tere Sunahan i tamilimiou, alimiou u ma poeiemi nonei u raranga tara katuun tuun lasi. E möa. Alimiou u hanige men bate hamanemiou nonei u raranga hamana tere Sunahan. Na u raranga i tanen e kato haniga ranou limiou te hamana mena mien limiou.

2 Tesalonaika 2:10

Nonei e gamo nitöa rena romana u katuun tena tia riou, taraha nori ema ngileri u raranga hamana te tatei lu pouts mera neien tere Sunahan.

Jemis 1:21

Alimiou go tsugaba neiam a man markato hoboto te korkorianana na te omina. Alimiou go haka puteiam a peisa milimiou tere Sunahan bate sasaala memiou u raranga te hakeien i torimilimiou, taraha u raranga teka e tatei luba pouts ranei limiou a niomi.

1 Pita 2:2

Alimiou go ngil korueiam u raranga u gogoso na u niga tere Sunahan, temar bes sil mena nei a pien ti hagou posei a sus. Nonei u raranga teka e taguhu ranou limiou bate katuun hatagala susul uamiou tara markato turu Namnamei, be Sunahan te lu pouts ranou limiou.