Aposol 16:9 - U Bulunagana U Niga

⁹ Tara bong be Pol e tarena u töa u hiharöto. A töa tsonuna i Masedonia e tuol me poeiena i tanen, “Alö go aroho uama i Masedonia batemi taguhu ramou lam!”

Aposol 16:9 Iomraidhean Croise

Aposol 10:3

Turu töa u lan tara pal 3 kilok tara lahi nonei i hatare ii u töa u hiharöto te tara hanigan töa naien a angelo tere Sunahan bate tasuna me poeiena i tanen, “O Konilius.”

Aposol 10:30

Be Konilius e poeiena, “U tohats u lan te la hakapa, tara mar pöata teka, alia una singo tara 3 kilok tara lahi. Ba töa katuun e hasogi u hasobö u kankanaha nitöa e songots butuna me tuoluna i matar.

Aposol 16:10

Pöata te tara hakapeien u hiharöto, ba lam e haseseim me torohanan lauaiem tara provins i Masedonia, taraha alam u atei sil e Sunahan e ngö sil rai lam tegona polasa menai lam u Bulungana u Niga turu katuun tara han teka.

Aposol 16:12

Alam u laban i Niapolis be kete uaiem tara taun i Pilipai, a han pan tara provins i Masedonia, a han has turu katunura i Rom. Ba lam e gamon ka bumia i Pilipai.

Aposol 18:5

Pöata tina tukuia ere Sailas mere Timoti ti laba namen i Masedonia be Pol te pina mena te habulungana menaien u ranga turu Jiu me poeiena, “E Iesu nonei e Mesaia.”

Aposol 19:21

Na i murina a manka teka, ba u Namnamei tere Sunahan e haleie nei e Pol u hakats tega la uaien tara provins i Masedonia na i Gris, bate la hamurimuri uana i Jerusalem. Be Pol e poeiena, “I murina tena tare goua lia a man han teka, balia tena tara hase gou i Rom.”

Aposol 19:22

Ba nonei e tula rena a huol a katunun hitaguhu i tanen, ere Timoti mere Irastas, ba nori e la mam uaier i Masedonia. E Pol e gamon ka noa buia tara provins i Eisia.

Aposol 19:29

Ba u katuun hobotora i Epesis e hiagetagetar. Nori i takei hoboto me piata uaier tara makumun hagum. Ba nori e las raier ere Gaius mere Aristakus be la gono mera ren. Nori a huol a katununa i Masedonia ti roron lala gono mei e Pol.

Aposol 20:1

I murina te kapaia u hiagetageta be Pol e hangö ralala u kristen ba nonei e hala nena u ranga ti kato hatagala raien. Ba nonei e töan la uana tara provins i Masedonia.

Aposol 27:2

Ba lam e osa mia tara töa tolaala na i Adramitium te katsin la uu tara man taun te ka ria i rehina a tasi tara provins i Eisia. Alam u la gono mei a töa tson a solonen e Aristakus, a toun Masedonia tara taun i Tesalonaika.

Aposol 9:38

A taun i Lida e susukuia tara taun i Jopa. Ba pöata ti hengo naia u kristenira i Jopa e Pita e kaia i Lida, ba nori e tula nalila a huol a katuun i tanen mena poeiena i tanen, “Alö go la boroboro uama i tamulam.”

U pas te koloto menai e Pol turu kristenira i Rom 15:26

Taraha, a hun katuun tere Kristo i Masedonia na i Gris e hala naier u moni tegina taguhu merai u katuun tere Kristo i Jerusalem ti möa ta ka.

2 Korin 11:9

Na pöata tu ka gono meraia lia limiou ba moni i tar e makmakumuna, alia uma singoe ii ta moni i tamilimiou. Taraha, a matsi hahatoulana ti lama i Masedonia i mi pioue ii lia a manka tu ngili lia. Alia uma mala singoe ii ta moni i tamilimiou, na lia ema antunan hatiama ragi limiou bate singoe gou ta moni tara man pöata te la nama.

2 Korin 12:7

Alia i hatare ii a man para a man hiharöto pan koru tere Sunahan. Nonei ema ngile ii tego hakats sesei menai lia a peisar, ba nonei e haniga nena tego sagoho menai lia a kamits i peisar. Nonei a kamits teka e here nei a katunun kui tere Satan te hakamitse noulia bate hatu kap nena tego hakats sesei koru menai lia a peisar.

2 Korin 7:5

I murina tina tukuia lam i Masedonia, alam uma husa ii. A nomi e butuia i tamulam tara mamana pala. Alam na palair u katuun u hiaraharaha, na torimulam e matout koru has.

2 Korin 8:1

A matsi hahatoulana, alam e hatei rami limiou temar kalala merai e Sunahan a man hun katuun tere Kristo i Masedonia.

2 Korin 9:2

Alia e atei silegu alimiou e ngilin taguhu ramen. Pöata tena ranga goua lia tara tei Masedonia, alia ena ranga sesei nitöa ragou limiou bate poeiegu, “A matsi hahatoulana tere Kristo tara provins i Gris i ngilin hala noa hasiin a monin hitaguhu turu hiningal te la hakapa.” U ngilin hitaguhu i tamilimiou e kato has ranen ba nori te ngilin hitaguhu hasir.

1 Tesalonaika 4:10

Na lam e atei silem alimiou e ngil hamana ramiou a man hahatoulana hoboto i tamilimiou te hamana uaier tere Kristo te ka ria tara mamana han i Masedonia. Kaba lam e hatei noahas ramou limiou a matsi hahatoulana i tamulam, alimiou go hiangilngil pouts noahasiam, ba u ngil teka te pan susul nou.