Aposol 16:6 - U Bulunagana U Niga

⁶ Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 16:6 Iomraidhean Croise

U Bulungana u Niga tere Iesu Kristo te kolotein e Luk 1:2

Nori i torohanan hopöön u raranga ti hengo naiara turu katuun ti tahis tutuun gono mei e Iesu Kristo me tareier a manka te katoeien te hahatei nena u hihatuts i tanen.

Aposol 10:19

Pöata te hakats noahas naia e Pita a ka te tareien, ba u Namnamei tere Sunahan e poeiena i tanen, “A topisa a katuun e rangata na riou lö.

Aposol 11:12

U Namnamei tere Sunahan e ranga meioulia, ‘Alö go la gono meraien, ma hakats hapara ii.’ Na tönomo a kristen i la gono has meiou lia. Ba lam ena tasu mia tara luma tere Konilius.

Aposol 16:7

Pöata tina butuien i Misia, ba nori e torohanan katsin la uaier iahana a provins i Bitenia. Kaba u Namnamei tere Iesu e hatu kap raien.

Aposol 18:23

I murina te gamon kaia e Pol i Antiok ba nonei e lana tara man palaina man han tara provins i Galesia na i Pritsia, te kato hatagala pouts menaien u nihamana turu kristen hoboto.

Aposol 19:10

U raranga teka e la me antunena u huol u hiningal. U katuun hoboto u Jiu na u katunura i Grik ti kaia tara provins i Eisia i hengo hoboti u raranga tara Tsunono.

Aposol 20:16

E Pol e hakatsin tego la sokö ba menaien a taun i Epesis ba nonei tema antunan gamon ka bunei tara provins i Eisia. Nonei e ngilin hasesei sil tega antunan na butu uaien i Jerusalem i mamuna u Pentikos.

Aposol 20:28

Alimiou go tara kap haniga naiam a peisa milimiou na u katuun hoboto tere Iesu, te here rari u sipsip. U Namnamei u Göagono e hopö kap raiou limiou u katunun taratarakap i taren. Taraha, nonei e ngilena alimiou go taratara kap haniga raiam u katuun tere Sunahan. A Pien Tson i tanen e sakahis hakapa raien u rahatsing i tanen.

Aposol 20:4

E Pol e la gono mei e Sopata, a katununa tara taun i Beria a pien tere Pairus. A palair u katuun i la gono has meien: ere Aristakus mere Sekundus ri Tesalonaika, na e Gaius tara taun i Debi, ne Timoti, na ere Tikikus mere Tropimas tara provins i Eisia.

Aposol 21:27

Te katsin kapaia u tohit u lan teka, ba u Jiur i han i Eisia e röte ria e Pol i Luman Lotu Pan. Ba nori e kato haraharaha rer u katuun hoboto be pile kap ner e Pol.

Aposol 6:9

Ba palair u katuun e tanian raharaher e Stiven. Nori a pal katuun tara töa luman lotu turu Jiu ti ngöei a luman lotu turu Friman. Nori u katunur i Sairini na i Aleksenria na i Silisia na i Eisia.

Aposol 8:29

Ba u Namnamei tere Sunahan e ranga mena e Pilip me poeiena, “Alö go la hasukusuku uala tara karis balö te tataala gono memen.”

U pas te koloto menai e Pol turu kristenira i Rom 16:5

Batena hala has namou a niniganiga i tar turu kristen te roron hagum hoboto ria tara luma i taren. A niniganiga has i tar tere Epinitus a tsomi koru i tar. Nonei a katuun tutuun tara provins i Eisia te hamana uu tere Kristo.

1 Korin 12:11

A mamanaka teka, u töa puku u Namnamei te katoenen. Nonei e halana tara man tötöa man katuun hoboto turu ngil peisa i tanen.

1 Korin 16:1

Turu rarangana tara moni tegi taguhu merai u katuun tere Kristo, alimiou e markato uamou tu mar ranga merai lia u katuun tere Sunahan i Galesia.

1 Korin 16:19

U katuun tere Kristo tara provins i Eisia e hala rari limiou u hanhaniga i taren. Ere Akuila mere Priska na u katuun tere Kristo i luma i taren e hala has rari limiou u hanhaniga u nigan töa tara solona a Tsunono.

2 Korin 1:8

A matsi hatoulana, alam e ngilem alimiou go atei sileiam a nomi te butuia i tamulam tara provins i Eisia. Alam u söata a kamits a kapan koru, te tagala balein a nitagala i tamulam, ba lam e katsin mate hakapam.

Galesia 3:1

Alimiou u katunura i Galesia alimiou u katuun u tutu. Alam u hatara hakapa rai limiou e Iesu Kristo, te mate uaien tara kuruse tego luba menaien a man markato a man omi.

2 Timoti 1:15

Alö e atei silem u katuun hoboto tara provins i Eisia i la ba naiou lia, na e Pitselas mere Hemotsenis has.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Hibru 11:8

Te hamana menai e Abraham e Sunahan me hengoena te ngö menaien tega la uaien tara han tena hala nanouen, temar ranga uu e Sunahan. Be Abraham e laba nena han i tanen, kaba nonei ema atei sile ii ime tega la uaien.

1 Pita 1:1

Alia e Pita, a aposol tere Iesu Kristo, e hala menagi u pas teka turu katuun tere Sunahan te sata la ria tara man han i Pontus na i Galesia na i Kapadosia na i Eisia na i Bitenia.

Revelesin 1:11

Ba nonei e poeiena, “A manka te röte mou lö alö go koloto naien turu pepa, ba lö te hala mena mien tara tohit a hun katuun tere Kristo te ka ria i Epesis na i Smeena na i Pegamum na i Taiataira na i Saadis na i Piladelpia na i Laodisia.”

Revelesin 1:4

A matsi hahatoulana i tar tara tohit a hun katuun tere Kristo te ka ria tara provins i Eisia, alia e Jon. A masalohana na nitaatagi e la nama tere Sunahan na turu tohit u namnamei na tere Iesu Kristo e tatei kana i tamilimiou. E Sunahan e kana, na e ka mam has, na ena la has nama romana. U tohit u namnamei e ka ria i mam turu gumgum u göagono tere Sunahan. E Iesu Kristo e hatei hamatskö nena a manka tere Sunahan. Nonei koru a katuun tutuun te takei poutsia tara tou mate, na nonei te pan rena u tsunono te ka ria i puta. Nonei e ngil ranoura na tara tou mate i tanen nonei e luban a man markato a man omi i tarara.