Aposol 16:17 - U Bulunagana U Niga

¹⁷ Pöata te kukuteien e Pol na lam, nonei e ku nitöani, “A pal tson teka u katunun kui tere Sunahan iasa koru. Nori e haröto rari limiou a maroro te lu sila namia limiou a nihitaguhu tere Sunahan.”

Aposol 16:17 Iomraidhean Croise

Matiu 22:16

Ba nori e hala ralila u katunun tsitsilo i taren na palair u katuun tere Herot tere Iesu mena poeier, “Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan, taraha alö ema hakats nami a manka te hakats ner u katuun tsi a nikapan i taren.

Matiu 8:29

Ba huol e ku hohomi korur me poeier, “A Pien Tson tere Sunahan, alö emi hamia i tamulam? Alö goma hakamits mam railam, a pöatan hahuna i tamulam e kanoana!”

U Bulungana u Niga tere Iesu Kristo te kolotein e Mak 12:14

Ba nori e la uarima i tanen memi poeier, “Tson Hihatuts, alam e atei silem alö a katununa turu mana. Alö ema hakats silemi a ka te ranga ner u katuun, taraha alö ema hakats nami a nitsunono tara katuun. Alö e hihatuts hamana nem a maroro tere Sunahan. Bara, a Lo i tarara e hapiou nena tegi hala menai ra a takis tere Sisa a gamman pan, tsi e möa?

U Bulungana u Niga tere Iesu Kristo te kolotein e Mak 5:7

Ba nonei e ku hapanina me poeiena, “O Iesu, a Pien Tson tere Sunahan Iasa Koru, alö e katsin he mi lia? Alia e singo hataatagi koru gia i tamölö i matana e Sunahan, alö goma hahune ii lia.”

U Bulungana u Niga tere Iesu Kristo te kolotein e Luk 1:77

Alö ena hatei ramou u katuun tere Sunahan nonei e luba nanou romana a man markato a man omi i taren bate lu pouts mera nouien i tanen.

U Bulungana u Niga tere Iesu Kristo te kolotein e Luk 1:79

U ualesala i tanen e halesala ranou romana u katuun te ka ria turu kuhil, u katuun te ka uar tara tou mate. Ba nonei te hamatskö rena romana a mourara bara te lauara tara marorona tara masalohana.” E Sakaria temar ranga uu teka.

U Bulungana u Niga tere Iesu Kristo te kolotein e Luk 20:21

Ba nori e rangate ren me poeier, “O Tson Hihatuts, alam e atei silem alö a katununa turu mana. Alö e roron hihatuts hamana nem a maroro tere Sunahan. Taraha? Alö e mamala hakats silemi a nikapan turu katuun.

U Bulungana u Niga tere Iesu Kristo te kolotein e Luk 4:41

A man liliahanei a man omi i lakasa ba hasir u katuun u parpara, me ku hohomir me poeier tere Iesu, “Alö a Pien Tson tere Sunahan!” Be Iesu e ranga hatagala mera nen me hapiou nena tegima tatei ranga uaien. Taraha? Nori i atei sil nonei e Mesaia.

U Bulungana u Niga tere Iesu Kristo te kolotein e Luk 8:28

Pöata te tareien e Iesu, ba nonei e ku hapanina me tuhatukun nena i matana e Iesu. Ba nonei e ku hohomi koruna me poeiena, “O Iesu a Pien Tson tere Sunahan Iasa Koru! Aha te ngil memi lö alia? Alia e singo hataatagi gia i tamölö, ma hahunei lia!”

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

Aposol 18:26

Nonei e hatanian ranga hatagalaia iahana luman lotu turu Jiu. Kaba pöata te hengo naien e Prisila mere Akuila ba nori e lue ren me haröte rien a mouna koru a markato tere Sunahan.

Aposol 19:13

Ba palair u Jiu e torohanan kato haser a mar toukui teka me poeier a solona e Iesu a Tsunono tegi hakoul meraien u liliahanei u omi turu katuun. Na nori a man töa i roron ranga u teka, “Alia e ranga hatagala koru megou lö tara solona e Iesu te roron ranga nena e Pol, koul ban!”

1 Pita 2:16

Alimiou go markato uaiam turu katuun ti hapurese. Alimiou goma kato silemi tego kato homi uaiam limiou. E möa. Alimiou e kato silemiou tego katunun kui uaiam limiou tere Sunahan.

2 Pita 2:2

Na u katuun u parpara e kukutier romana a man markato a man hamatsingolo tua i taren, na pala te hahamanar e tarer romana u katuun tegi kukute meraien u tson hihatuts u gamogamo teka bate ranga hohomi ner romana a marorona turu mana.