Aposol 16:13 - U Bulunagana U Niga

¹³ Turu Lan u Göagono turu Jiu, ba lam e lakasa uam ielesala tara taun i rehina ramun olo tu peia lam te kaia a makum ti roron singoia u Jiu. Ba lam e gumum me raranga gono merem a touhaliou ti gono hakapaia nonei tara makum.

Aposol 16:13 Iomraidhean Croise

Matiu 13:2

A katuun a parpara koru te gono hahiseien, ba nonei ena töa osana tara tolaala me gumna, ba u katuun te tuolria i kotolana.

U Bulungana u Niga tere Iesu Kristo te kolotein e Mak 16:15

Ba nonei e poeiena i taren, “La uaiam turu han hoboto i puta batena rarariemiou u Bulungana u Niga turu katuun hoboto.

U Bulungana u Niga tere Iesu Kristo te kolotein e Luk 13:10

Turu töa u Lan u Göagono e Iesu e hihatutsia tara töa luman lotu turu Jiu.

U Bulungana u Niga tere Iesu Kristo te kolotein e Jon 8:2

Tara bongbong koru ba nonei e la pouts uana tara Luman Lotu Pan. Ba u katuun e gono hoboto ua rima i tanen ba nonei e gumuna me tanian hihatutsna i taren.

Aposol 13:14

Kaba nori i la noa mena butu ria tara taun i Antiok tara provins i Pisidia. Ba turu lanin lotu ba nori ena tasu ria tara luman lotu turu Jiu, mena gumur.

Aposol 13:42

Ere Pol mere Banabas i katsin lakasa uu ielesala ba u katuun e poeier, “Turu lanin lotu te la nama alimiou emi hatei lel namou u raranga teka i tamulam.”

Aposol 16:16

Turu töa u lan alam u la uu tara makum ti roron singoia, be tupalem a taholun kukui puku te ka mei a masaloho te hatein a manka tena la nama. A tahol teka e harangi a töa liliahanei a omi, ba nonei e lu bera nei u katuun ti hakuie ien a pan nen a moni.

Aposol 16:6

Nori i silaia i gusuna a provins i Prigia na i Galesia. U Namnamei u Göagono e hatei raien tegima tatei hihatuts menaien u raranga tere Sunahan tara han i Eisia.

Aposol 17:2

Be Pol e tasu na tara luman lotu turu Jiu te roron markato uaien, ba turu topisa u Lan u Göagono be Pol e ranga mera nen me hatei nena u Buku u Göagono.

Aposol 18:4

Turu mamanu Lan u Göagono turu Jiu e Pol e la uu turu luman lotu i taren bate ranga gono mera nen. Nonei e ngilin habuti u nihamana u niga turu Jiu na turu katunura i Grik has.

Aposol 20:7

Turu Sandei alam u gono sil tego nou hoboto uu bate kato hasem a Komunio. E Pol e katsin la turu hamahö ba nonei e rangana turu katuun me pile kap ranen e antunaia tara gusuna bong.

Aposol 21:5

Pöata te kapaia a man lan i tamulam tara han teka, ba lam e takeim me lam. U kristen hoboto, a man munmun tahol na galapien i taren emi hipiouia ielesala tara taun. Ba lam e hatukun mia i kotolana me singom.

Aposol 9:20

Ema lehana ii ba nonei e la uana turu luman lotu turu Jiu mena hatei raneien e Iesu me poeiena, “Nonei a Pien Tson tere Sunahan!”

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Kolosi 1:23

Na limiou go hamana nitöaiam bate tuol hakarapoto mia turu nihamana i tamilimiou. Alimiou goma hapolase mi a ka a niga tu hamana mia limiou tara pöata ti hengoe mia limiou u Bulungana u Niga. Nonei u Bulungana u Niga ti habulungana naia turu han hoboto, na nonei a ka teka te kui sile gulia, alia e Pol.