Aposol 16:1 - U Bulunagana U Niga

¹ Ere Pol mere Sailas i la mam uu tara taun i Debi be la lelir i Listra te kaia a töa kristen a hitots, a solonen e Timoti. E tsinanen a toun Jiu, nonei a kristen has kaba e tamanen a toun Grik.

Aposol 16:1 Iomraidhean Croise

Aposol 14:1

A markato teka e takato has ia tara taun i Aikoniam, e Pol mere Banabas i tasu ia tara luman lotu turu Jiu me hatei ner u ranga. Nori i hatein u raranga u niga ba u katuun u parpara turu Jiu na turu Grik e hamanar.

Aposol 14:21

I murina ti hatei hakapa naien u Bulungana u Niga tara taun i Debi ti lu has raien u katunun tsitsilo u para tere Iesu. Ba nori e la sila pouts uaier tara man taun i Listra na i Aikoniam, na i Antiok te kana tara provins i Pisidia.

Aposol 14:6

Ere Pol mere Banabas i hengo sabeni a ka teka, ba nori e bus uaier tara provins i Likonia, na tara taun i Listra na i Debi, na tara man han te sukusukuia tara makum ti kaien, ti hatei la naien u Bulungana u Niga.

Aposol 17:14

Ba u katuun ti hamanaia tere Iesu e hala ba menari e Pol i tasi, kaba ere Sailas mere Timoti i kakaia i Beria.

Aposol 18:5

Pöata tina tukuia ere Sailas mere Timoti ti laba namen i Masedonia be Pol te pina mena te habulungana menaien u ranga turu Jiu me poeiena, “E Iesu nonei e Mesaia.”

Aposol 19:22

Ba nonei e tula rena a huol a katunun hitaguhu i tanen, ere Timoti mere Irastas, ba nori e la mam uaier i Masedonia. E Pol e gamon ka noa buia tara provins i Eisia.

U pas te koloto menai e Pol turu kristenira i Rom 16:21

E Timoti a katuun te kukui gono megu lia e hala ranei limiou a niniganiga i tanen. Na e Lusius ne Jeson ne Sosipater has, nori a hun katuun i tar, e hala has ner u hanhaniga i taren i tamilimiou.

1 Korin 16:10

A pöata te tukuna romana e Timoti hateiam, e möa ta ka tego matouteien i tamilimiou, taraha nonei e kuiena a toukui tara Tsunono te kui hasegu lia.

1 Korin 4:17

Na lia e hala menagi e Timoti i tamilimiou, a pien tson a tsomi koru i tar te ngil korue gulia na te hamana gono menou lia tara Tsunono bate tara kap haniga nena a toukui tara Tsunono. Nonei ena hatei lel ranoui limiou a markato i tar te kukute mena gilia e Kristo, te hatuts has nagia lia turu katuun hoboto tere Kristo tara mamana han.

1 Korin 7:14

Taraha, a tson tema hamana nei e kato hagöagono sila naria tara tahol te hamanana na tahol tema hamana nei e kato hagöagono sila naria tara tson te hamanana. A galapien i tamilimiou ena mots ma gogoso ri, kaba tara markato teka ba galapien i tamilimiou te göagono hasir.

2 Korin 1:1

Alia e Pol i ngö silei tego aposol uu lia tere Iesu Kristo. Taraha, nonei a toukui te ngil mei lia e Sunahan, alia go katoeien. Alam mere Timoti e toularara, e koloto menami u pas teka, turu katuun tere Sunahan i Korin. Na e la has uana turu katuun hoboto tere Sunahan te ka ria tara provins i Akaia.

2 Korin 1:19

Alam mere Silbanus na e Timoti u hihatutsia i tamilimiou me hatei rami limiou e Iesu Kristo a Pien Tson tere Sunahan. Nonei has ema tatei hatangana nei bu hakats i tanen te poeiena E möa. U raranga tere Iesu e roron mana nitöana.

Pilipai 1:1

Alam ere Pol mere Timoti u katunun kui tere Iesu Kristo, alam e hala menami u pas teka i tamilimiou hoboto u katuun tere Iesu Kristo te ka mia tara taun i Pilipai, alimiou na u katunun halotu na u katunun hitaguhu turu lotu.

Pilipai 2:19

Te haniga noa e Iesu a Tsunono, ba lia te hala boroboro nagou e Timoti i tamilimiou, ba nonei te tatei söata pouts mena mei romana tu raranga i tar bate kato hagigahena a torir.

Kolosi 1:1

Alia e Pol, a aposol tere Iesu Kristo. E Sunahan e lu meilia u ngil peisa i tanen tego aposol uu lia. Na lam mere Timoti e toularara e koloto menami u pas teka i tamilimiou u katuun tere Sunahan te ka mia tara taun i Kolosi.

1 Tesalonaika 1:1

Alam ere Pol mere Sailas na e Timoti e koloto menami u pas teka i tamilimiou hoboto, u kristenira tara taun i Tesalonaika te pala uar tere Sunahan e Tamarara, na u katuun has tere Iesu Kristo a Tsunono. Sunahan e tatei taatagi ranou limiou bate hala has ranoui limiou a masalohana.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

1 Tesalonaika 3:6

E Timoti e tuku poutsia i tamulam te laba mera meien limiou. Nonei e piou nema u bulungana u niga te hamana hatagala noahas uami limiou tara Tsunono bate hiangilngil noa hasmiou. Na nonei e hatei has railam alimiou ema solopala rami lam, kaba limiou e ngilin tara koru ramou lam temar ngilin tara koru has merami lam alimiou.

2 Tesalonaika 1:1

Alam ere Pol mere Sailas na e Timoti e tara pouts ramou limiou i romana, alimiou hoboto u katuun tere Sunahan e Tamarara na u katuun has tere Iesu Kristo a Tsunono. Alam e hala menami u pas teka i tamilimiou u kristenira tara taun i Tesalonaika.

1 Timoti 1:18

O Timoti a pien i tar, alia e hale gilö u raranga u tagala teka. E matsköna turu raranga tere Sunahan te ranga sil menaien lö i manasa. U raranga teka e tatei kato hatagale noulö balö te tagala silem a Tsunono, balö tena tatei hiatatung haniga gono meramou u pakö tere Kristo.

1 Timoti 1:2

Alia e koloto menagi u pas teka i tamölö, O Timoti! Alö e heremi a pien hamana koru i tar te hamana hoboto uarara tara Tsunono. E Sunahan e Tamarara na e Iesu Kristo a Tsunono, e tatei hale rilö a niniganiga na nitaatagi na masalohana.

2 Timoti 1:2

Alia e koloto lel uagu i tamölö, o Timoti. Alö a pien koru i tar. E Sunahan e Tamarara na e Iesu Kristo a Tsunono i tarara e tatei taguhe rioulö bate taatagi has nariou lö bate hala hase roilö a masalohana.

2 Timoti 1:5

Alia e hakats pouts negu u nihamana i tamölö u tagala koru te ka noa mam ma tere tubumölö a tahol e Lois, be la lel nama tere tsinamölö e Eunis na lia e hamanegu e ka has na i tamölö.

2 Timoti 3:11

Na te omi menari lia u katuun na ti söata mena mei lia u nikamits u parpara tara man taun i Antiok na i Aikoniam na i Listra. Alia u söati a man nikamits teka ba Tsunono e luba nanei lia a man niomi teka.

Pilimon 1:1

Alia e Pol, alia e karabus silegu tu kui menai lia a toukui tere Iesu Kristo. Alam mere Timoti, e toularara e koloto menami u pas teka i tamölö. O Pilimon, alö a hahikapien i tamulam tu kui gono meraioulam.

Hibru 13:23

Alia e hatei ragi limiou e toularara e Timoti i halakasa hakapeia tara karabus. Te la hasesei namen romana, ba nonei te la gono menou lia tegona tara merai lia limiou.