Aposol 15:8 - U Bulunagana U Niga

⁸ E Sunahan e atei silena a torir u katuun hoboto, bate haröto ranei ra nonei e haniga has rena a pala tema Jiu ri. Nonei e hala raneien u Namnamei u Göagono i tanen, e kato has uana temar hala mera neien ra.

Aposol 15:8 Iomraidhean Croise

U Bulungana u Niga tere Iesu Kristo te kolotein e Jon 21:17

Ba e Iesu e rangata hatopiseiena e Pita me poeiena, “O Saimon, a pien tere Jon, alö e ngil hase moulia?” Ba torina e Pita e tiama koru tala mei te rangata hatopisa uu e Iesu me poeiena, “Alö e ngile moulia?” Ba nonei e poeiena tere Iesu, “O Tsunono, alö e atei silem a mamanaka hoboto, na lö e atei sil hasem alia e ngil korue goulö.” Be Iesu e poeiena i tanen, “Hanouri u sipsip i tar.

U Bulungana u Niga tere Iesu Kristo te kolotein e Jon 5:37

Na e Tamar has te hala na moulia, nonei e hatei nena te mana uana u raranga i tar. Alimiou uma mala hengoemi a rungnen na limiou uma mala tara hasemi a matanen.

Aposol 1:24

Ba nori e singo uar tere Sunahan me poeier, “O Tsunono, alö a töa te atei silem a torir u katuun hoboto. Haröto ramei lam esi te ngile mölö tara huol a katuun teka.

Aposol 14:3

Kaba e Pol mere Banabas i kei a pöata a ngahangaha i Aikoniam, na nori i tagala mei ti hatei menaien u raranga tara Tsunono. Ba Tsunono e hatagala ranen ba nori e katoeier u mamana u mirakol. Tara ka teka, a Tsunono e haröto raien u rangan hitaguhu i tanen e mana koru.

Aposol 15:28

U Namnamei u Göagono na lam u mar kits menai u raranga teka: alam ema tatei hakeiemi a markato a tiama koru i tamilimiou. A man markato lasi teka tegoma katoe milimiou: alimiou go agono naiam a manka te haats ba naria turu kesa, batema tatei nou hasemi u rahatsing na haröete te kepa hamate naria i totongolonen. Na limiou goma tatei tsikolomi. Te hatalis ba nemia limiou a man markato teka, ba limiou te ka haniga mou. Nonei talasi.” U pas e mar ranga uana teka.

Aposol 2:4

Ba nori e saputu hoboto meier u Namnamei u Göagono tere Sunahan, te haranga raien na te hala raien a niatei na nitagala tegi antunan ranga uaien tara man taina man ranga.

Aposol 4:31

Tara pöata ti singo hakapaien, ba makum ti gono ien e tagasina. Nori hoboto i saputu mei u Namnamei u Göagono me tanian hatei ner u raranga tere Sunahan, nori ima matout ii.

Hibru 2:4

Na e Sunahan e haröto hasiin te mana uana u raranga teka te kato menaien u mamana u hiharöto na u mirakol u parpara bate hala nena a man tötöa man nitagala turu Namnamei u Göagono e antunana turu ngilngil peisa i tanen.

Hibru 4:13

E möa ta töa ta ka tegi antunan hamous banai e Sunahan, taraha nonei e tarena a mamanaka na mamanaka hoboto e kana ielesala. E Sunahan puku noahas te antunan oneiena a mamana markato i tarara.

Revelesin 2:23

Alia e atung hamate has ragou u katuun te kukutier a tahol teka. Ba u katuun hoboto te lotu ria tara solona e Kristo te atei sile riou alia e tara bubutegu a bakuna a katuun na i torinen has. Ba lia te hala ragi limiou romana a man tötöa u hamatana e popona tara manka tu katoeiam limiou.