Aposol 15:7 - U Bulunagana U Niga

⁷ Nori i solon gum a pöata a ngahangaha be Pita e tuoluna me poeiena i taren, “A matsi hatoulana, alimiou e atei silemiou i manasa e Sunahan e mola raira a toukui. Na nonei e hopö kap naiou lia tego hatei menai lia u Bulungana u Niga tara pala tema Jiu ri, ba nori te tatei hengor bate hamanar.

Aposol 15:7 Iomraidhean Croise

U Bulungana u Niga tere Iesu Kristo te kolotein e Jon 15:16

Alimiou uma hopö kap nami lia kaba alia tu hopö kap raiou limiou. Na lia u tus raiou limiou tego tataala uaiam limiou bate katoe miou u ngil tere Sunahan. Be Tamar te hala ranoui limiou a manka te singo sile moua limiou tara solor i tanen.

U Bulungana u Niga tere Iesu Kristo te kolotein e Jon 3:27

Be Jon e ranga palis ranen me poeiena, “A katuun e lu puku lase nou a ka te hale neien e Sunahan i Kolö.

Aposol 1:24

Ba nori e singo uar tere Sunahan me poeier, “O Tsunono, alö a töa te atei silem a torir u katuun hoboto. Haröto ramei lam esi te ngile mölö tara huol a katuun teka.

Aposol 10:19

Pöata te hakats noahas naia e Pita a ka te tareien, ba u Namnamei tere Sunahan e poeiena i tanen, “A topisa a katuun e rangata na riou lö.

Aposol 10:20

Takei balö te koulum i puta batena tara ramen bate la gono mera men. Alö goma toku ii, taraha alia te tula ragu men.”

Aposol 13:2

Tara pöata ti singou u kristen tara Tsunono me agono has ner a kannou, ba u Namnamei u Göagono e poeiena, “Alimiou go hopö kap gono memi ere Banabas mere Sol a toukui tu ngö meraien lia egi katoeien.”

Aposol 15:14

E Saimon e ranga hakapa mera lo limiou me hatei nena temar la tutuun uama e Sunahan turu katuun tema Jiu ri, memi hopö kap bera neien a peisanen i gusura u katuun.

Aposol 15:2

Pöata timar ranga uu katuun teka, be Pol mere Banabas e hia raharaha gono me raren. Ba u kristen e hatuol raier ere Pol mere Banabas na palair u katuun has tegi la uaien i Jerusalem mena hamatskö gono merari u aposol na pal kapan turu kristen lotu u raranga teka.

Aposol 15:39

A hiaraharaha taren e tagala koru ba nori e hialala kalakalar be Banabas e peigeiena e Mak be na osa ria tara tolaala me lauaier tara tolo i Saiprus.

Aposol 20:24

Kaba lia ema hakats hapara nagi tego töatöa uu lia tsi tego mate uu lia. Kaba lia e hakats sil koruegu tego antunan hakapa haniga menai lia a toukui teka tu lueia lia tere Iesu a Tsunono, a toukuina te hatei menari u Bulungana u Niga tara nihitaguhu tere Sunahan.”

Aposol 21:16

A palair u katunura i Sisaria ti hamanaia tere Iesu i la gono has meraiou lam. Ba nori ena piou raria lam i luma tere Nason, a katununa tara tolo i Saiprus. Nonei e kaia turu katuun ti hamanaia tere Iesu i manasa noa, ba lam ena ka mia i luma i tanen.

Aposol 3:18

Ba tara markato teka be Sunahan te kato hantoeiena u raranga i tanen ti hatei mamin u propet hoboto, te poeiena e Mesaia ega sagohi a kamits pan, na e Sunahan e kato hamana noa hasi a ka teka.

Aposol 4:25

I manasa u Namnamei u Göagono i tamölö e ranga silaia tere Devit e tubumulam a katunun kui i tamölö me poeiena: ‘U palair u katuun i raharaha koru. Nori i mastein korupaköni a Tsunono.

Aposol 9:15

Ba Tsunono e poeiena i tanen, “Lala, taraha alia u hopö kapiin a katuun teka tega hatei menaien a solor turu katuun tema Jiu ri na turu king i taren na turu katunura i Israel.

Pilipai 2:14

Tara mamanaka te katoe milimiou, alimiou goma ranga homi nami a nikaka i tamilimiou, ba tema hiangenngenami.