Aposol 15:32 - U Bulunagana U Niga

³² Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 15:32 Iomraidhean Croise

Matiu 23:34

Tara markato teka alia e hala ragou limiou u propet na u katuun u atei na u tson ateira tara lo. Ba limiou tena atung hamate ramiou a palai bate tapala ramien tara kuruse bate kato hamate ramen, ba limiou te lahus ramia a palai turu luman lotu i tamilimiou bate kute meramien tara mamana man taun.

U Bulungana u Niga tere Iesu Kristo te kolotein e Luk 11:49

E Sunahan, te ka mena u hakhakats u niga, e pei, ‘Alia e hala ragou u propet na u katunun raranga i taren. Ba nori te kato homi rer romana a palai i taren, bate atung hamate raier a palai.’

Aposol 11:23

Pöata tena tukuien, ba nonei e tarena a nihitaguhu tere Sunahan e ka gono meraien, ba nonei e sasaalana. Na nonei e kato hatagali u hakats turu katuun hoboto tegi hatagala menaien a toriren bate hamana nitöa uaier tere Sunahan.

Aposol 11:27

Tara pöata teka, a palair u propet i laba nema i Jerusalem, me la uaier i Antiok.

Aposol 13:1

Turu kristenira i Antiok i kamei u propet na u katunun hihatuts turu lotu, ere Banabas, na e Simion ti ngö hasei a tson a ruruhana, na e Lusius na i Sairini, na e Manaen a hahikapien tere Herot a King, na e Sol.

Aposol 14:22

Ba nori e hatagala raier a torir u kristen me hala ner u rangan hitaguhu i taren tegi pile hatagala menaien u nihamana i taren tara Tsunono. E Pol mere Barabas i pei hasi, a maroro te lauana tara Nipepeito tere Sunahan e ka mena u hakats u tiama u parpara i tanen.

Aposol 15:1

A palair u katunura i Judia i la uama i Antiok memi hatuts raier u kristen me poeier, “Tema kukute moi limiou a markato tere Mosis ba tema hapö mi, e Sunahan ema taguhu ranoui limiou.”

Aposol 15:22

Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 15:27

Alam e hala rem ere Judas mere Sailas. Nori tena hatei peisa rariou limiou u töa noahas u mar raranga te kana turu pas teka.

Aposol 15:3

Ba u kristen e tula merarien i Jerusalem ba nori e sila ria i gusuna i Pinisia na i Samaria. U kristen tara huol a han teka i sasaala koru mei ti hatei meraien, e Sunahan e habiritsir a torir u katuun tema Jiu ri.

Aposol 15:31

Ba nori e tara hakape ren me sasaala koru mer u raranga te kaia turu pas teka.

Aposol 15:41

Ba nori e sila ria tara provins i Siria na i Silisia, mena hatagala raier u kristen tara man makum teka.

Aposol 18:23

I murina te gamon kaia e Pol i Antiok ba nonei e lana tara man palaina man han tara provins i Galesia na i Pritsia, te kato hatagala pouts menaien u nihamana turu kristen hoboto.

Aposol 2:40

Be Pita e hatei has raneien u raranga u parpara lel me ranga hataatagina i taren me poeiena, “Haneiam! Alimiou e namots lu hase miou a nihahuna te la uanama turu katunura i romana.”

Aposol 20:2

Pöata te tataala hakapa la len tara man makum teka, me hala has nalala u rangan hitaguhu u parpara turu kristen, ba nonei ena töan butuna tara provins i Gris, te keien a topisa a tsihou. Pöata te katsin osa ien tara tolaala tega la uaien i Siria, kaba u Jiu i korupakö naien. Ba nonei e hakats nena tega sila pouts uaien i gusuna i Masedonia.

U pas te koloto menai e Pol turu kristenira i Rom 12:6

E Sunahan e hala raira a man tötöa a man nitagala tegi kato haniga menai ra a mamana mar toukui. Te haleia lö e Sunahan a nitagala tego lu menai lö u ranga hamatskö i tanen bate rararie men, ba lö te rarare hapopo namien te mar hamana uamölö.

U pas te koloto menai e Pol turu kristenira i Rom 12:8

Te ka memia lö a nitagala tego hatagala menai lö a nihamana tara palai, balö te kato hasemen. Te hitaguhu mia lö tara moni, alö a tatangana. Te tara kap ramia lö a palai, ba lö te hipakoko hanigam batema karousmi. Te taatagi sile mia lö a palai, balö te taguhu ramen bate sasaalam.

1 Korin 1:8

Nonei e kato hatagala ranou limiou, bate hamana hatagala mia i tanen ba limiou tema kame moi ta töa ta ka ta omi i tamilimiou tara pöata temi tuol moua limiou i mata nen.

1 Korin 14:29

A huol tsi a topisa propet e tatei ranga ner u ranga hamatskö tere Sunahan, ba palai te tatei hula habirits ner a man ranga i taren.

1 Korin 14:3

Kaba a katuun te ranga nena u raranga u hamatskö tere Sunahan e ranga uana turu katuun, ba nori te atei sile ren. Ba nonei te hatagala ranen bate hatami ranen ba te taguhu sil raneien tegi hamana haniga uaien.

1 Korin 14:32

A katuun te ka mena a nitagala tego ranga menaien u raranga hamatskö tere Sunahan e ka has mena a nitagala tego hanöa menaien u ranga turu ngil i tanen.

Epesis 3:5

I manasa a ka teka ima hatei rai u katuun, kaba i romana u Namnamei tere Sunahan e haröto naien turu aposol na turu propet u niga i tanen.

1 Tesalonaika 2:11

Alam u ranga meraiou limiou temar ranga mena nei a katuun a galapien i tanen. Alam u tahul raiou limiou a man tötöa na lam u ranga hatagala gono meraiou limiou tego kato mena milimiou a markato te kato hasasaalena e Sunahan. Taraha, nonei e ngö ranou limiou tara Nipepeito i tanen ba limiou te tatei atei silemiou a nitsunono pan i tanen.

1 Tesalonaika 3:2

Ba tara markato tala teka ba lam e tula namula e Timoti a hahatoulana i tarara te kui gono mera noulam tara toukui te habulungana menari u Bulungana u Niga tere Kristo. Nonei e la silela tegona hatagala meraien limiou na tegona kato hatagala menien u nihamana i tamilimiou.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

1 Tesalonaika 5:14

Na lam e hatei hatagala has ramou limiou go ranga meraiam u katuun u karous egi kukui pouts. Kato ha ongolo pouts raiam u katuun te matoutur, bate taguhu ramiou u katuun tema tagalari. Na limiou goma ranga sisi memi a tana katuun.

1 Tesalonaika 5:20

Ma ranga homi nami a katuun te ranga nena u raranga u matskö tere Sunahan.

2 Tesalonaika 3:12

Alam e ranga hatagala mia turu katuun teka tara solo tere Iesu Kristo a Tsunono, alimiou go hanoeiam u ranga pinopino ba limiou te kuin moni peisamiou.

1 Timoti 2:1

U raranga tutuun i tar e mar la uana teka, singo sil raiam u katuun hoboto, singo sileiam ta hitaguhu na limiou ego haniga be sil has ramen tere Sunahan.

2 Timoti 4:2

Alö go habulunganein u bulungana tere Sunahan. Noahasina tara pöata a omi tsi a pöata a niga, habulungana hatagalein. Alö go haröter u katuun te mana uana u raranga tere Sunahan, balö te ranga hapiou rem u katuun te kato homir. Na lö go taguhir u katuun te torohanan kato hanigar. Hihatuts haniga nitöaia i taren, balö te tuatami mera men.

1 Pita 5:1

Alia e ka hamanasa megu u raranga i tamilimiou a pal kapan te tara kap ner u lotu. Na lia has a katuun pan turu lotu i tarara. Alia u tara hakapi temar kamits uu e Kristo, na lia e lu gono has megoen romana a nikapan tara pöata te butu namen romana. Alia e ranga hataatagi mera goulimiou, alimiou go taratara kap haniga raiam u katuun te hala railimiou e Sunahan. Nori e hereri u sipsip na limiou u katunun taratarakap i taren. Alimiou goma kato memi a toukui teka te hakui tuun mera nei limiou e Sunahan. E möa. Alimiou go ka meiam u ngilngil i peisa milimiou bate katoe men. Alimiou goma kato sile mien tego lu mena milimiou ta moni. E möa. Alimiou go kame iam u ngil u tagala tara toukui teka.

1 Pita 5:10

Alimiou e gamon sagoho lele mou a kamits, kaba i murinen e Sunahan e kato haniga pouts ranou u katuun u niga i tanen bate hatagala ranou limiou na u nihamana i tamilimiou tara mamana pöata. Nonei a Sunahan te roron taatagi ranou limiou bate ngö sil ranoui limiou tego na lu gono menami limiou e Kristo a nikapan i tanen te ka nitöana.

1 Pita 5:12

E Silbanus e koloto benei lia u pas teka te hala menagi lia i tamilimiou. Nonei e toularara tara markato turu kristen na lia e hamana korue gen. Turu pas teka alia e hala ra gilimiou u rarangan hitaguhu bate hatei ragi limiou nonei a nihitaguhu hamana tere Sunahan teka. Na limiou go tuol hakarapoto mia tara markato tara nihitaguhu teka.