Aposol 15:30 - U Bulunagana U Niga

³⁰ Ba u kristen e tula raren ba nori e la uaier i Antiok. Nori i goner u kristenira i Antiok ba nori e hala rarien u pas teka.

Aposol 15:30 Iomraidhean Croise

Aposol 11:19

U kristen ti sata noahasia ti titi hatu hamateia e Stiven na ti kato homi merai u katuun ti hamana uu tere Iesu. A tou la kalakala i taren e noan töa ma i Pinisia na i Saiprus na i Antiok. Nori i hala puku naia u Bulungana u Niga turu Jiu.

Aposol 11:20

Kaba e ka has meir u katunura i Saiprus na i Sairini, nori i sohala ma turu katuun ti lauama tara taun i Antiok bate hatei laner u raranga turu katuun has tima Jiu ii. Nori i hahatein u Bulungana u Niga tere Iesu Kristo.

Aposol 11:27

Tara pöata teka, a palair u propet i laba nema i Jerusalem, me la uaier i Antiok.

Aposol 15:22

Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 15:31

Ba nori e tara hakape ren me sasaala koru mer u raranga te kaia turu pas teka.

Aposol 16:4

Pöata ti tataala ien tara man taun teka nori i hateirai u kristen u raranga ti kitseia u aposol na pal kapan i Jerusalem bate poeier, “Alimiou go kukuteiam a ka teka.”

Aposol 21:22

Gaha tala te katoe roura? Nori e hengo na riou te tuku hakapa uamula lö.

Aposol 23:33

Ba nori ena piou narien i Sisaria mena hala naier u pas tara gamman, ba nori e hatuoler e Pol i matanen.

Aposol 6:2

Ba maloto na huol a aposol e ngö gögono rer u katunun tsitsilo hoboto me poeier, “Ema niga koru nei tego hapolasan hahatei menai lam u raranga tere Sunahan bate tara kap nem a kannou.