Aposol 15:3 - U Bulunagana U Niga

³ Ba u kristen e tula merarien i Jerusalem ba nori e sila ria i gusuna i Pinisia na i Samaria. U kristen tara huol a han teka i sasaala koru mei ti hatei meraien, e Sunahan e habiritsir a torir u katuun tema Jiu ri.

Aposol 15:3 Iomraidhean Croise

U Bulungana u Niga tere Iesu Kristo te kolotein e Luk 15:32

Aragi sasaala bate masa korura. Taraha? E toulamölö e here ii a katuun te mate, kaba e töatöa poutsuna! Nonei e tia kaba e la poutsuma!’”

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 13:48

U katuun tima Jiui i hengo u ranga teka, ba nori e sasaala korur, me hanigeier u raranga tere Sunahan. Na u katuun te hopö kapir e Sunahan tegi töatöa nitöa, nori i hamana uu i tanen.

Aposol 13:52

Kaba u kristen i Antiok i sasaala koru, ba nitagala turu Namnamei u Göagono e saputuna i taren.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

Aposol 15:1

A palair u katunura i Judia i la uama i Antiok memi hatuts raier u kristen me poeier, “Tema kukute moi limiou a markato tere Mosis ba tema hapö mi, e Sunahan ema taguhu ranoui limiou.”

Aposol 15:12

Ba u hagum e gumuna me hahengona turu raranga tere Banabas mere Pol ti hahatei menaien u mamana u mirakol te kato sila nai e Sunahan i taren i gusuna u katuun tema Jiu ri.

Aposol 15:22

Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 15:32

Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 15:4

Pöata tina tukuien i Jerusalem, u aposol na pal kapan na palair u kristen i sasaala koru meraien be Pol mere Banabas e hatei rarien a mamanaka te kato gono meraien e Sunahan.

Aposol 17:15

U katuun ti la gono mema e Pol ina pioun töa naien tara taun i Atens. Be Pol e tula kopis mera neien u raranga tegina ngö meraien ere Sailas mere Timoti ba nori te la boroboro uarima i tanen, ba nori e hakopis pouts uaier i Beria.

Aposol 20:38

Nori i hasagohi a nitaatagi pan koru te pei mam menai e Pol, “Alimiou ema tara lele moui lia.” Ba nori ena piou narien tara tolaala.

Aposol 21:5

Pöata te kapaia a man lan i tamulam tara han teka, ba lam e takeim me lam. U kristen hoboto, a man munmun tahol na galapien i taren emi hipiouia ielesala tara taun. Ba lam e hatukun mia i kotolana me singom.

Aposol 28:15

U katuun ti hamanaia tere Iesu i Rom i hengoin tu la uama lam, ba palai e taatago mera rimei lam tara taun te kaia i gusuna kalana a solonen a Hanin Töana i Apias. Na palai i taatago mera mei lam tara taun ti ngöei a Topisa Taven. Pöata te tara raien e Pol ba nonei e haniga uana tere Sunahan ba peisanen e tagala poutsuna.

Aposol 8:14

Tara pöata ti hengoeia u aposol ti kaia i Jerusalem u katunura i Samaria i hanigei u raranga tere Sunahan, ba nori e hala merari ere Pita mere Jon i taren.

U pas te koloto menai e Pol turu kristenira i Rom 15:24

Na lia e ngilin tara ragou limiou bate töan la sokö uagu i Spein. Na te kapa talana u ngil tego ka hoboto gono merai lia limiou, ba limiou te taguhe moulia te la uagu lia i Spein.

1 Korin 16:11

E möa koru tego tor tsuga menaien ta töa i tamilimiou. Taguheiam bate hala gono memien a masalohana tara tou lala lel i tanen, ba nonei te kopis pouts uanama romana i tar. Taraha, alia e hahalose gen tega kopis pouts gono mera men a palair a man hatoulana i tarara.

1 Korin 16:6

Alia ena ka gono toum mera goulimiou e antunana tego kapaia a pöata tara eihalata. Ba limiou te tatei taguhe moulia tego la lel uu lia tara tou lala i tar.

2 Korin 1:16

Alia u hakatsin tegona tara mam merai limiou bate töan la uagu tara provins i Masedonia, balia te kopis pouts guma batemi tara lel ragou limiou, ba limiou te tatei taguhe moulia tego la lel uu lia tara provins i Judia.

Taitus 3:13

Alö ena taguhu korue mou e Sinas a katuun a atei tara Lo ne Apolos has, tara nilala i taren. Nori egi ka hantue mei a mamanaka ba nori te töan lar.