Aposol 15:1 - U Bulunagana U Niga

¹ A palair u katunura i Judia i la uama i Antiok memi hatuts raier u kristen me poeier, “Tema kukute moi limiou a markato tere Mosis ba tema hapö mi, e Sunahan ema taguhu ranoui limiou.”

Aposol 15:1 Iomraidhean Croise

U Bulungana u Niga tere Iesu Kristo te kolotein e Jon 7:22

E Mosis e hala rai limiou a markato na te hapö uar na limiou e katoemen turu lan u Göagono, taraha a Lo tere Mosis e ranga nena a katuun ega katoe a ka teka, noahasina te butunen turu Lan u Göagono. (A markato teka e taniama turu tubumilimiou i mam tara pöata tere Mosis.)

Aposol 1:15

Tara pöata teka u katunun tsitsilo tere Iesu ti gono hoboto i antunaia turu 120 a katuun. Be Pita e takeina me tuol na i mataren me poeiena, “A matsi hahatoulana i tar, u raranga te kana turu Buku u Göagono ega butu hamana koru. U Namnamei u Göagono tere Sunahan e ranga silama tere tuburara e Devit i manasa me ranga nena e Judas, a katuun te las rema u katuun ti pile kapiin e Iesu.

Aposol 15:22

Ba u aposol na pal kapan na palair u kristen hoboto e kitseier u ranga ba nori e hopö kap naier a huol katuun i taren, tego la gono mer ere Banabas mere Pol i Antiok. Nori i halani ere Judas (a tana solo i tanen e Basabas) mere Sailas u tson mammam has turu kristen.

Aposol 15:23

Nori i hala gono meraien u pas temar ranga uu teka: “Alam u aposol na pal kapan, alam a töa pala has i tamilimiou te hamana uaiem tere Iesu. Alam e koloto menami u pas teka i tamilimiou a matsi hahatoulana tu tuhana ma tara pala tema Jiu ri, te ka mia tara taun i Antiok na tara provins i Siria na i Silisia.

Aposol 15:24

“Alam u hengoen a palair u katuun i tamulam ina hasingoto koru merai limiou a man raranga i taren. Ba nori e kato hatutueier u hakats i tamilimiou. Kaba alam uma ranga mera leien tegina markato uaien teka. E möa.

Aposol 15:3

Ba u kristen e tula merarien i Jerusalem ba nori e sila ria i gusuna i Pinisia na i Samaria. U kristen tara huol a han teka i sasaala koru mei ti hatei meraien, e Sunahan e habiritsir a torir u katuun tema Jiu ri.

Aposol 15:32

Ere Judas mere Sailas nori has u propet i hala rai u kristen u raranga u niga u parpara te kato hatagali a toriren.

Aposol 15:5

Kaba a palair u kristen tara pala turu Parasi i takei me poeier, “U katuun tema Jiu ri egi hapö bate kukutier a Lo tere Mosis.”

Aposol 21:20

Pöata ti hengo naien a ka teka, ba nori e soloseier e Sunahan. Ba nori e poeier i tanen, “A tsi hatoulana, alö e atei silem u Jiu te hamana ria tere Iesu e para korur na nori hoboto e kukute hanigeier a man Lo tere Mosis.

Aposol 6:14

Taraha, alam u hengoei te pei menaien, ‘Nonei e Iesu ni Nasaret e kato rure nou a Luman Lotu Pan bate palise nou a man markatona i manasa te hala raira e Mosis!’”

Galesia 2:1

I murina u maloto na u tohats u hiningal, ba lam mere Banabas e la pouts lel uaiem i Jerusalem. Alia i lu hasela e Taitus me la gono has mera noulam.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Galesia 6:12

U katuun te tuke mera rilimiou u hapö e ngil tuneier tegi tara marei meraien na tegi ma ha kamits merain te hamana mena rien a tou mate puku tere Kristo te tatei lu pouts mera nei u katuun tere Sunahan.

Kolosi 2:16

E markato uana teka ba u katuun tema tatei katoeri ta lo tego rangein a saha ka te tatei noue milimiou na te tatei ue milimiou, na egima tatei ona has rai limiou tara man lan a man göagono iahana u hiningal na iahana tsihou na iahana u wik.

Kolosi 2:8

Kaba haneiam, ta katuun ena gamo ranei limiou tu ranga pinopino. Hanei sil raiam u katuun te hihatuts ner a niatei turu tuburen bate poeier e lama tere Sunahan. Nori e hihatuts ner a mankana i puta, u spirit na lo na i manasa, kaba ema ranga uanei tere Kristo.